Page 168 - Сэрии кэмин оҕолоро 2 кинигэ

I ӨСПӨХ нэһилиэгэ

Наҕараадалара: «1941-1945 сс. Аҕа дойду Улуу сэриитигэр Кыайыы 20 сыла» мэ-
гээл, Саха АССР тэриллибитэ 50 сылыгар ССКП обкомун Верховнай Сэбиэтин Мах-
тал суруга,1972 с., «Социалистическай үлэ кыайыылааҕа», 1974 с., ССКП РК, райсовет
исполкомун Почетнай грамотата, 1975 с., «Коммунистическай үлэ ударнига», 1976—
1979 сс., «Улуу Кыайыы 70 сылынан», 2015 с., «Улуу Кыайыы 75 сылынан», 2020 с.,
«Сэрии оҕото», 2020 с.

Троева Лидия Акимовна

Лидия Акимовна 1939 сььътаахха ыам ыйын 8 күнүгэр Бээ-
рийэ нэһилиэгин Хомустаах учаастагар Васильева Акулина
Васильевна уонна Охлопков Аким Николаевич дьиэ кэргэн-
нэригэр бэһис оҕонон күн сирин көрбүтэ. Кыракый Лида оҕо
сааһа сэрии ыар сылларыгар ааһан, кыысчаан оҕо саас үөрүүтэ
диэни билбэккэ улааппыта. Лида бастакы кылааска Бээрийэҕэ
үөрэнэн иһэн, ыалдьан үөрэхтэн тохтоон хаалбыта. Сэрии ыар
сылларыгар аһааҕырбыт оҕо, доруобуйата мөлтөх буолан, кэлин
да оскуоаҕа үөрэнэрин көҥүллээбэтэхтэрэ. Лида улаатан баран,
бэйэтэ үөрэнэн ааҕар, суруйар буолбута. Үөрэммэт буолан,
Лида кыра сааһыттан ийэтин батыһа сылдьан кыһыннары, са-
йыннары хотоҥҥо көмөлөһөрө. Борбуйун көтөҕөн, холкуостаах
оҕото холкуостаах буолан, Бээрийэҕэ олорор эрдэхтэринэ, тоҕус сыл ыанньыксытынан
үлэлээбитэ. Онтон эдьиийэ Клара 1959 с. Уһун Күөлгэ Гуляев Семен Ивановичка кэр-
гэн тахсан кэлбитэ. Ийэлэрэ Өкүлүүн 1961 сыл икки кыра кыргыттарын Лиданы, Ири-
наны илдьэ Уһун Күөлгэ көһөн кэлбиттэрэ. Манна кэлэн эмиэ ыанньыксыт үлэтигэр
үлэлээбитинэн барбыттара. Олус үлэһит кыыһы таба көрөн, сопхуос салалтата Лөгөй
нэһилиэгэр XI ыҥырыылаах үлэһиттэр депутаттарын сэбиэтигэр 1967 сыллаахха, 1969
сыллаахха XII ыҥырыылаах, 1971 сыллаахха XIII ыҥырыылаах быыбардарга 3 төгүл
алта сыл субуруччу депутатынан быыбардаммыта. Оччолорго Уһун Күөл учаастагар
икки сулумах кыыс Васильева Лидия Акимовна уонна Лыткина Акулина Гаврильевна
бөһүөлэккэ ыытыллар туох баар үлэҕэ, субуотунньуктарга олус көхтөөхтүк кытталлара.
Ол курдук субай сүөһү хотонун, «Кыһыл муннук», дизельнэй станция, үүт, гараж дьиэ-
лэрин сааҕынан, мууһунан сыбыыллара.
Лидия Акимовна, сүрдээх түргэн, ыраас туттуулаах үлэһит, ынахтара турар сирдэрин
куруук сиппийэ, күрдьэ сылдьан ыраастык тутара. Кини чахчы да үрдүк хаачыстыба-
лаахтык былаанын толорор үлэһит буолан, 1960-1970 сылларга «Ленинскэй тэрийээч-
чи» хаһыакка оройуон бастыҥ ыанньыксыттарын көрдөрөр субуоккатыгар өрүү аата
баар буолара. Лидия Акимовна 1973 сыл коммунистическай партия кэккэтигэр киир-
битэ уонна 1974 сыл тохсунньутугар партийнай конференция делегатынан талыллыбы-
та. Кини коммунист уонна депутат быһыытынан үлэ итэҕэһин-быһаҕаһын, ситиһиитин
сирэйгэ тута аһаҕастык этэрэ. Партизан Заболоцкай аатынан сопхуос Уһун Күөллээҕи
отделениета сайдарын туһугар ис сүрэҕиттэн кыһаллара. 1981 сыллаахха Кэптэни отде-
лениетыгар хотон умайан, сүөһү бөҕө уокка былдьаммыта. Лидия Акимовна ити бөдөҥ
материальнай сүтүгү чөлүгэр түһэриигэ, баҕа өттүнэн үтүө бачыымы көтөҕөн, бэйэ кэ-
тэх хаһаайыстыбатын сүөһүтүттэн биир уулаах бургунаһы сопхуоска биир биэс харчыта
суох биэрбитэ. Кини бу үтүө холобура уопсай баай-дуол интэриэһин үрдүктүк тутуу
туоһута буолар.
Лидия Акимовна 1976 сыллаахха олоҕун аргыһын Афанасий Гаврильевич Троевы
көрсөн ыал буолбуттара, Мирон уонна Иван диэн икки уол оҕоломмуттара. Билигин
Лидия Акимовна 6 сиэн эбэтэ.
Лидия Акимовна 1996 сыллаахха «1 Өспөх табаарыстыба» эстэн, үлэтин тохтотуор

164