Page 23 - Сэрии кэмин оҕолоро 2 кинигэ

МҮРҮ нэһилиэгэ

бүк ыар олох ааспыта. Ол ыар кэмнэри санаан аастахпына, билигин да бэрэбин бэйэм
аһынан уйадыйан ьыабын.
Сэрии бастакы икки сылыгар Мэҥэ Хаҥаласка Буор Ылар диэн төрөөбүт сирбэр
үөрэх кэнниттэн сайын оҕуруот биригээдэтигэр үлэлээбитим. Сүнньүнэн хортуоппуй,
оҕурсу уо.д.а. оҕуруот астарын, табаҕы ыһаллар этэ. Чой Баһылай диэн кэриэй салайан
үлэлэтэрэ, күҥҥэ биирдэ тото-хана аһатара. Кэлин үс сыл отгуур биригээдэҕэ көлүүр
аттарыгар куонньуктаабытым. Күнүһүн үс массыына оҕустарааччыларыгар чэй өрөн,
солбуйар аттарын өртөөн аһатарым. Киэһэтин аттарбын сойутан, адаҕалаан киһи ба-
рыта утуйбутун кэннэ хойут ыыталыырым. Эрдэ ыыттахпына тотон баран ыраатан хаа-
лаллар этэ.
Сарсыарда күн тахсыыта туран хомуйан аҕалтыыбын. Сороҕор дьонум бука бары
дьиэлэригэр тахсан хааллахтарына, абааһылаах диэн арааһы кэпсиир өтөхтөрүгэр соҕо-
тоҕун хоно хаалабын.
Оҕонньотторум барахсаттар аһынан, сөбүлээн да иддьэ сылдьыбыттара.
Кыайыы өрөгөйдөөх күнүн Дьокуускай куоракка рабфак 1-кы куурсугар үөрэнэ
сылдьан көрсүбүтүм. Бу күн курдук дьон-норуот долгуйа үөрбүтүн-көппүтүн көрө
иликпин.
Аҕа дойду сэриитин алдьархайа, содула аргыый сыыйа оһоруллан, олох арыый көнөн
барбыта. Дойдуларыгар эргиллибэтэх саллааттар оҕолорутар, кэргэттэригэр хаһан да
умнуллубат, сүрэхтэригэр-быардарыгар сырҕан баас буолан өйдөтө-саната сылдьаллар.
Мин, сэрии саҕана тулаайах буолан, оҕо сааспар үтүөх-батаах сыддьан, араас ыарыы
буулаан салгыы кыайан үөрэммэтэҕим. 1950 с. олоҕум аргыһа Холмогорова Зоя Заха-
ровналыын ыал буолбуппут.
Суоппар идэтин баһылаан, 1955 сыллаахха Уус Алдан оройуонутар Чэриктэйгэ саһыл
ферматыгар Иркутскай уобалаһыттан баргузинскай киистэри тиэйэн аҕалбытым. Зве-
рофермаҕа заготовителинэн, суоппарынан 10 сыл үлэлээбитим. Кэргэним зверофер-
маҕа араас үлэлэргэ үлэлээбитэ. Манна кэлэрбитигэр икки кыыс, биир уол оҕолоох
эдэр ыал кэлбиппит, Уус Алдаҥҥа 3 кыыс оҕоломмуппут.
Оҕолорбутун үөрэттэрээри 1964 с. Бороҕоҥҥо көһөн киирбиппит. Мин почтаҕа
суоппарынан 20 сыл устата үлэлээбитим, кэргэним Зоя Захаровна телеграфистканан
үлэлээбитэ. Икки оройуон холбоһон, Среднеленскэй оройуон дэнэн, сибээс узела
Намҥа баара. Оччолорго начальник Голубин диэн этэ. Онтон ыла 18 сыл устата тоҕус
начальникка үлэлээбитим. Газ-51, Газ-63, Уаз-452, Газ-66 массыыналары көрөн-истэн,
сууйан-сотон көлүнэр көлө, миинэр миҥэ оҥостон кыһынын бытархан тымныыга,
сайынын өҥүрүк куйааска, ардах-хаар диэн аахсыбакка оройуонум уһук нэһитиэктэ-
ринэн уһаты-туора сыыйдым ини, сыыйбатым ини. Почта хайаан да тиэрдшшиэхтээх,
страховой почта, харчы госбаҥҥа хайаан да кэлиэхтээх диэн үлэлиирбит. Ирдэбил да
кытаанах этэ. Сорох рейстэргэ алталыы, сэттэлии страховой почтаны аҕаларбыт.
Бастаан үлэлиирбэр үлэлиир усулуобуйа мөлтөх этэ. Бас билэр гаражпыт суох этэ.
Икки сыл кинопрокат гараһыгар нэһитиэктэргэ кинобанка таһар манньаҕа турбутум.
Автозаправка суох этэ. Бензини Суоттуттан, Жатайтан бэйэбит буочуканан тиэнэр
этибит. Суол-иис олох оҥоһуута суох буолан, сааскы ириэриигэ, сайын ардахха туох
да сылдьыбат кэмигэр батыллан хааллаххына, оччотооҕу тырахтарыыстар барахсаттар
биир биэс тыла суох түүнүн-күнүһүн аахсыбакка соһон көмөлөһөн биэрэллэр этэ.
Уһун сылга араас кыһалҕалаах, мүччүргэннээх сырыылар ханна барыахтарай. Оч-
чолорго дьон амарах санаатын, үтүөтүн-өҥөтүн эппинэн-хааммынан битбит киһи
көлүөнэм дьонугар сиртэн халлааҥҥа диэри сүгүрүйүөх санаам кэлэр.
Почтаҕа үлэлээбитим иккис сылыгар өрөспүүбүлүкэтээҕи ГАИ тэрийбит суоппар-
дар күннэрин бырааһынньыгынан автобус 3 суоппарыгар, ол иһигэр миэхэ чаһы би-
риэмийэлээбиттэрэ. Үлэлээбит үлэм бастакы бэлиэтин күндүтүк саныыбын. Кэлин
элбэх үлэһиттээх Сибээһим автобазата «Лучшему шоферу» диэн вымпелынан уонна

19