Page 106 - Сэрии кэмин оҕолоро 1 кинигэ

БЭРТҮҮҺҮН нэһилиэгэ

Чирэпчигэ, Оломҥо аҕабыт балтын дьиэтигэр, эдьиийбэр
Петрова (Бурцева) Матрена Семеновнаҕа дьукаах олорон, Орто
Эбэ оскуолатын 7 кылааһын 1955 с. бүтэрбитим. Кэлин улахан
убайым Бурцев Николай Евграфовичтыын (I) эдьиийбит дьиэ-
тин сатҕаан, онно олорбуппут. 14 сааспыттан үлэҕэ эриллэн,
1953 с. «Победа» холкуоска араас хара үлэҕэ сылдьыбытым.
1957 с. Советскай Армия кэккэтигэр ыҥырыллан, Курильскай
арыыларга Итурупка суоппар үөрэҕэр үөрэнэн, суоппарынан су-
лууспатаабытым. 1959 с. күһүн кэлбитим уонна суоппарынан
үлэбин саҕалаабытым.
1963 с. сүрэҕим аҥаарын, Өлтөхтөн төрүттээх Сивцева Анна
Егоровнаны, Чирэпчигэ комсомольскай путевканан үлэлии тах-
сыбыт кыыһы, кэргэн ылбытым. Онтон Гоша, Вася, Аннушка диэн оҕолор утуу-субуу
төрөөбүттэрэ.Үксүгэр уу баһар-таһар массыынаҕа үлэлээбитим.
1966 с. Сыырдаахха Петров Дмитрий Николаевичтаахха, Крылова Анастасия Ми-
хайловналаахха дьукаах олорон, кыра балаҕан туттан онно көспүппүт.
Үлэм уонна наҕараадаларым:
1967 с. «Лена» сопхуоска үлэлээбитим. 1971 с. саҥа улахан дьиэ туттан киирбип-
пит. 1972 с. олохтоох сэбиэт депутата буолбутум. Ити сыл Арзамас куоракка дорож-
най техникумҥа автогрейдер курсун кыһыл дишюмунан бүтэрбитим. 1976 с. Саха
Өрөспүүбүлүкэтин Президенин уонна Саха АССР Министрдэрин Сэбиэтин Бочуоту-
най грамотатынан наҕараадаламмытым.
1976 с. III кылаастаах тырахтарыыс-машинист буолбутум. «IX пятилетка ударнига»,
«X пятилетка ударнига» бэлиэлэри ьшар чиэскэ тиксибитим. 1977 с. «Социалистичес-
кай күрэхтэһии кыайыылааҕа» бэлиэни туппутум.
1978 с. Саха АССР Тыатын хаһаайыстыбатын министиэристибэтин «Аварията
суох үлэтин иһин» диэн мэтээлинэн наҕараадаламмытым. Намҥа СПТУ-2 суоппарга
үөрэнэн, II кылаастаах суоппар идэтин баһылаабытым.
1979 с. «Сардаҥа» сопхуоска үлэлээбитим;
1980 с. Тыа хаһаайыстыбатын министиэристибэтин уонна профсоюзтарын Киин
Кэмитиэтин Бочуотунай Грамотатын ьшбытым.
1982 с. «Үрдүк үүнүү» биригээдэтин биригэдьииринэн талыллыбытым.
1989 с. «Сыырдаах» сопхуоска «Добровольнай народнай дружина» автоинспекто-
рынан үлэлээбитим.
1992 с. бааһынай хаһаайыстыба тэриммитим. 1992 с. «Газ-53» массыына суоппа-
рынан үлэлээбитим. 1992 с. биэнсийэҕэ тахсыбытым.
«Үлэ бэтэрээнэ» (1999) бэлиэлээхпин, «Сэрии оҕолоро» (2015) мэтээллээхпин, Бэрт
Ууһун нэһилиэгин Бочуотгаах олохтооҕобун (2016), Саха Өрөспүүбүлүкэтин Ытык
кырдьаҕаһабын (2018).
2009 с. уҥа өттүм инсуллаан, 1 группалаах инбэлииппин. Оҕолор улаатан, үөрэх-
тэнэн, кэргэннэнэн, оҕолонон, сиэннэнэн туспа ыаллар. Билигин 82 саастаахпын.

Бурцев Герман Гаврильевич

Мин 1945 сыллаахха атырдьах ыйын 19 күнүгэр Бороҕоҥҥо Томтор роддомугар Бур-
цев Гаврил Васильевич, Атексеева Аграфена Дмитриевна дьиэ кэргэннэригэр иккис
оҕонон күн сирин көрбүппүн. Оҕолор уопсайа ахсыа буолбуппут.
Ньолобуой кылааһы бүтэрбитим кэннэ аҕабытын комендатураҕа үлэҕэ анааннар,
Покровскайга көспүппүт. Онно мин VI кылааһы бүтэриэхпэр диэри олорбуппут. I кы-
лааска үөрэнэ сылдьан, кыһын 1,5 км ыраах сиртэн биирдэ тэлигириэйкэ иһинэн
маайкалаах эрэ үөрэнэ тиийбиттээхпин өйдүүбүн. Дьоммут иллэҥнэрэ суох буолан,

102