Page 107 - Сэрии кэмин оҕолоро 1 кинигэ

БЭРТҮУҺҮН нэһилиэгэ

бэйэбитин бэйэбит дьаһана сырыттахпыт. VI кылааһы туйгун-
нук түмүктээн, Бүтүн Союзтааҕы «Артек» пионерскай лааҕыр-
га сынньанан кэлбитим. Онтон Сыырдаахха көспүппүт, онон
онус кылааһы Сыырдаахха бүтэрбитим. Комсомолец буоларым
быһыытынан, оскуола кэнниттэн производствоҕа Чирэпчигэ
үлэлии тахсыбытым. Кыстыкка Иччилээххэ Тимофей Андреевич
Бурцев ынахтарын көрөн, ыанньыксытгаан кыстаабытым. Дулҕа
кырбаан, эбии аһылык оҥорон, от кырыымчыгар сүөһүлэрби-
тин этэҥҥэ сыл таһаарбыппыт. Оччолорго тас үлэһитинэн Бур-
цев Василий Евграфович сылдьыбыта. Ити 1964 сыл күһүнүгэр
армияҕа ыҥырыллан барбытым. Аара айаммар пароходка тыал-
га үрдэрэн, Белогорскай байыаннай госпиталыгар 4 ый сытан,
эмтэнэн баран, комиссиянан сыыйыллан төннөн кэлбитим. 10 сылы быһа улаханнык
ыалдьан, ыксаан куоракка 3 ый эмтэнэн, сөптөөх диагноз туруортаран, Новосибирскай
куоракка 1974 сыл бүтүүтэ сүрэхпэр иккитэ эпэрээссийэ оҥороннор, арыый да буолан,
дьиэбэр кэлэн, спордунан дьарыктанан барбытым. Ити сьгл оройуон спартакиадатыгар
буулдьанан ытыыга бастаабытым, волейбол күрэхтэһиитигэр хамаанданан эмиэ бастаа-
быппыт. Онтон оччолордооҕу спорткомитет бэрэссэдээтэлэ Иван Семенович Румян-
цев оҕунан ытыынан дьарыктанан көрөрбөр сүбэлээбитэ. Онон Иванов Борис Мар-
ковичтаахтан биир эргэ ох сааны уонна хас да оноҕоһу ылан, дьарыктанан барбытым.
1975 сыллаахха Чирэпчиттэн төрүттээх Николай Евграфович, Марфа Николаевна
Бурцевтар улахан кыыстарын Катяны кэргэн ылан, сыыйа-баайа сэттэ оҕоломмуппут,
алта уол, биир кыыс.
Тимиринэн уһаныым ыалдьа сылдьар кэммэр саҕаламмыта: ылтаһынынан килиэп
халыыба, сыпсы, матасыыкыл араас чаастарыгар тиийэ оҥортообутум. Хомус охсубу-
тум уонна эпэрээссийэҕэ барарбар илдьэ барбытым. Ол хомуһу Бурцев Николай Пе-
трович киэнигэр майгыннатан, кини размердарын туһанан оҥорбутум. Ол хомуспун
Колодезников Егор сыанаҕа кэнсиэргэ тыаһатан иһитиннэрбитэ.
1976 с. Москваҕа ТСХА стадионугар оҕунан ытыыга маастар нуорматын толор-
бутум. Ити сыл өрөспүүбүлүкэҕэ араас таһымнаах күрэхтэһиилэргэ бастакы, иккис
миэстэ буолуталаабытым.
1977 с. Москваҕа ГЦОЛИФК (Государственный Центральный Ордена Ленина Инсти-
тут Физической Культуры) кэтэхтэн тутгарсан үөрэххэ киирбитим. Ону 1982 с. бүтэр-
битим. Ол кэмтэн ыла араас үлэлэргэ сылдьан, 1995 с. төрүт культура эйгэтигэр улуус
культураҕа управлениетыгар үлэлээн, баччааҥҥа диэри онтон тэйбэккэ сылдьабын.
1993 сыллаахха Саха Өрөспүүбүлүкэтин Правительствотын чилиэннэригэр грави-
ровкалаах быһахтары оҥорбутум.
1996 с. Саха Өрөспүүбүлүкэтин норуотун маастарын аатын ылбытым, маска да, ти-
миргэ да элбэх араас оҥоһуктары оҥорбутум. Уолаттарбын уус кыһатыгар уһуйан, би-
лигин бэйэлэрэ үчүгэй уустар, бэркэ уһаналлар.
Маҥнайгы президент М.Е. Николаевка Петухов Г.Г., Ховров А.И. буоламмыт ба-
тыйа оҥорбуппут, араас сиэдэрэй тупсарыылаах, үрүҥ көмүс киэргэллээх чорооннору,
быһахтары, иһити-хомуоһу оҥортообуппут.
1997 сылтан, кыра уолум Жорик күн сиритгэн күрэниэҕиттэн, уонча сыл тугу да
суолталааҕы айбатаҕым, оҥорботоҕум.
2011 с. VII Аан дойдутааҕы хомус конгреһа Дьокуускайга буолбутугар хомус быыс-
тапкатыгар «Лучший комплект хомусов мира» номинацияны ьглбытым. Ол кэннэ
Амынньыкы Уус куонкуруһугар ситиһиилээхтик кыттан, Арҕаа Европа дойдуларынан
19 күн күүлэйдээн, VIII Аан дойдутааҕы хомус конгреһыгар кьптан, (Лейпциг, Гер-
мания) Венгриянан, Австриянан күүлэйдээн, кэнсиэртээн, быыстапкалаан кэлбитим.
Онно 20-чэ буолан сылдьыбыппыт.

103