Page 172 - Сэрии кэмин оҕолоро 1 кинигэ

ЛҮПСҮН нэһилиэгэ

лор туох да баракааһы оҥорбот этибит. Иһэр ууну баһан, хонук маһы эрбээн, кыстаан
хаһан да иллэҥ буолбаппыт.
Үөрэхпит быыһыгар тугу сатыырбытынан оонньуубут. Уопсайга олорон сөдүөккэ
туһуннарар оонньуу баара. Үксүн Алексеев Сеняны, Шадрин Ганяны таҥыннаран ба-
ран туһуннарарбыт. Барахсаттар тиритиэхтэригэр диэри мөхсөллөрө.
Онтон биирдэ сүллүүкүн иһиллииргэ сүбэлэстибит. Кыраларбытыттан кистээн, ха-
лыҥ таҥастарбытын таҥнан утуйбута буоллубут. Түүн ортото буолуута туран, сыб-
дыйан бары ааммытыгар муһуннубут уонна үтүрүһэн-хабырыһан кэннибитинэн тахсан
дьэ иһиллии бардыбыт. Балаҕаммытытган тахсан, Дүпсээ диэки ойуур иһигэр киирэн
арыый дьэҥкэ сиргэ көхсүбүтүнэн сыстыһан олордубут. Ким эрэ суорҕан илдьэ барбы-
тын бүрүннүбүт. Олоро түстүбүт, тоҥо быһыытыйдыбыт, куттанныбыт даҕаны.
Хата ким эрэ: «Ээ чэ барыаххайыҥ», — диэбитигэр, мин наһаа үөрдүм уонна ойон
турдум. Онтон бары тураммыт уку-суку дьиэлээтибит. Биирдэ санаатахха, дэриэбинэ
кытыытыгар хайа сүллүүкүн кэлэн, тугу кэпсиэҕэй.
Бу сүллүүкүн иһиллээччилэргэ бааллар этэ: Алексеев Кеша, Стрекаловскай Федор,
Алексеев Ваня, Алексеева Маша, Шадрина Катя, Федорова Катя, Гоголева Катя, Го-
голева Мотя. Кыһыҥҥы үөрэх кэмигэр ити курдук эйэлээхтик кыстыыр этибит. Үөрэх
кэнниттэн сайыҥҥы сынньалаҥҥа үчүгэй да этэ. Ким тугу кыайарынан үлэлиирэ.
Сорохтор кирпииччэ үктээһинигэр, сорохтор окко.
Киэһэтин үлэ кэнниттэн ыччаттар мунньустан волейбол оонньууллара. Оччолорго
биһиги дьиэбит таһа көбүс- көнө, күп-күөх хонуу этэ. Волейбол кэмигэр кыра бы-
рааттар мээчик таһааччы буолаллара. Биһигини, арыый улахаттары, Семен Атексеев
(Боппо) бэлисипиэт тэбэргэ үөрэтэрэ. Бэлисипиэт алдьаннаҕына, Сэмэн эрэ оҥороро.
Сэмэн барахсан биһигини наһаа хараанныыр. барыга-бары үөрэтэр, иһиттэн дьоҕур-
даах киһи этэ.
Мин олох кыра сылдьаммын Илларионов Ньукулайга (Бойбосо), Алексеев Сэмэҥҥэ
(Боппо) элбэхтик сүктэрбит, көтөхтөрбүт, атаахтаабыт убайдарым этэ. Кырдьар сааста-
рыгар биирдэ да көрсүбэтэхпиттэн хомойобун.
Ити курдук эйэлээхтик-түмсүүлээхтик улаатаммыт, ким эрэ оскуоланы бүтэрэн,
ким эрэ ситэ бүтэрбэккэ олох суолун батыһан, үлэҕэ-хамнаска эриллэн, олоххо бэ-
лэмнээх дьон улааппыппыт.
Аҕа саастаах эдьиийдэрбит, убайдарбыт Прибылых Павел Дмитриевич, Прибылых
Петр Петрович, Стрекаловскай Иннокентий Иванович, Соловьев Николай Николае-
вич, Ильин Михаил Кириллович, Ефимова Мария Васильевна, Сивпева Марфа Ели-
сеевна, Сивцева Мария Васильевна, Илларионова Ефросинья Петровна хаһан да бэ-
йэлэриттэн тэйиппэккэ үлэҕэ-хамнаска уһуйбуттара.
Биһиги, сэрии сылын оҕолоро, саамай ас-таҥас тиийбэт кэмигэр хастыы да ыат дьу-
каах, ыаллыы олорон кыһалҕалаах оҕо сааспыт Туола сайылыкка ааспыта.
Аҕа саастаах убайдарбыт: Федоров Куприан Семенович, Федоров Афанасий Семе-
нович, И.ътарионов Василий Макарович, Атексеев Семен Парфирьевич, Атексеев Ин-
нокентий Парфирьевич, Прибылых Роман Семенович, эдьиийдэрбит: Атексеева Мар-
фа Парфирьевна, Атексеева Анна Афанасьевна, Атексеева Ольга Афанасьевна, төһө да
аас-туор олоххо олорбутгарын иһин, Туола сайылыгы күндүтүк санаан олорбут буо-
луохтаахтар. Сайылыкпыт барахсан кэрэ айылҕата, киэҥ хойуу сибэккилээх хонуута,
сөтүөлээбит күөллэрбит өйгө-сүрэххэ өрүү сөнөн сылдьаллар.
Биһиги улааппыт, үлэлээбит Дабаадымабыт учаастага үүнэригэр. сайдарыгар төрөп-
пүттэрбит үтүөлэрэ-өҥөлөрө сүҥкэн элбэх. Кинилэр хара үлэттэн илиилэрин араарбак-
ка, түүннэри-күнүстэри үлэлээбитгэрин түмүгэр балай эмэ улахан дэриэбинэ буолбута.
Ыат бөҕө элбээн, маҕаһыыннанан, кулууптанан. детсадтанан ньир бааччы олорбуппут.
Павел Дмитриевич баянист буолан, ыччаты үчүгэйдик түмэрэ. Элбэх биэчэрдэр,
кэнсиэрдэр буолаътара. Ыччатгар кэнсиэр бэлэмнээн, биэс-атта атынан ыаъш ы Баа-
таҕай нэһилиэгэр гастроътуу бараътара. Татааннаах ыччаттар элбэхтэр этэ: Петр Пе-

168