Page 170 - Сэрии кэмин оҕолоро 1 кинигэ

ЛҮПСҮН нэһилиэгэ

эппиэтинэстээх үяэ этэ. Ону ол диэбэккэ Екатерина Петровна барыларын кэрийэн
депутатскай накаастарын чиэстээхтик толорбута.
Оччолорго РСФСР Верховнай Советын Президиумун бэрэссэдээтэлинэн Анастас
Иванович Микоян, ССКП КК генеральнай сэкирэтээринэн Леонид Ильич Брежнев
үлэлии олороллоро.
Саха боростуой кыыһа Екатерина Петровна Москваҕа Кремль дыбарыаһыгар ки-
нилэри сирэй көрсүбүтэ, тылларын-өстөрүн истибитэ, кинилэри кытта бииргэ хаар-
тыскаҕа түспүтэ.
Эдьиийим Екатерина Петровна сүрдээх таһаарыылаахтык үлэлээбитэ. «Өнөргө үлэ-
лиир кэммэр биригэдьиир Сергеев Николай Михайлович, ветеринар Копырин Петр
Васильевич, Атласов Егор Петрович, ыанньыксыттарым, ньирэй көрөөччүлэрим
сүрдээҕин өйүүр-көмөлөһөр этилэр», — диэн өрүү ахтар этэ.
Маннык үлэлии сылдьан, кыыс оҕо аналынан, кэргэнэ Николай Семенович дойду-
тугар Чурапчыга Одьулуун нэһилиэгэр көһөр буолбуттара.
РСФСР Верховнай Советын депутатын, бэйэлэрин кыыстарын Уус Атданнар олус
үчүгэйдик тэрийэн атаарбыттара, улаханнык аһыйа хаалбыттара. Массыына биэрэн,
көһөрөн илдьэн, дьиэтин-уотун ситэрэн, ититэр систематын босхо оҥорон, монтажтаан
биэрбитгэрэ. Бу буолар, киһи дьоҥҥо оҥорбут үтүөтэ-өҥөтө, ытыктабылын бэлиэтэ.
Эдьиийбит Екатерина Петровна Чурапчыга тиийэн, бастаан Одьулуун орто оскуо-
латыгар химия, биология учууталынан үрдүк таһаарыылаахтык үлэлээбитэ. Онтон уһун
сылларга, пенсияҕа барыар диэри Одьулууннааҕы СПТУ-га үлэлээбитэ.
Кэргэнэ Николай Семенович, олохтон эрдэ барбытын кэнниттэн, төрөөбүт, улаап-
пыт дойдутугар, аймахтарын булаары, бииргэ өйөһөн олороору 1996 сыллаахха Нам
улууһугар Хамаҕатгаҕа көһөн кэлбитэ.
Бу көһөн кэлиитигэр чугас аймахтара, чуолаан күтүөттэрэ Перевалов Иван Василье-
вич, Готовцев Иннокентий Никитич күүс-көмө буолбуттара. Одьулууннааҕы дьиэтин
көтүрэн, икки улахан массыынанан биирдэ тиэйэн аҕалбыттара. Аймахтар саба түһэн,
тутан биэрбиттэрэ. Бу үлэҕэ кыттыыны ылбыттара: Перевалов И.В., Готовцев Дь.И.,
Протопопов Н.Н., Протопопов З.Н., Макаров И.Н., Готовцев И.Н. Онтон Одьулуун-
тан букатыннаахтык көһөн кэлиитигэр үлэлээбит СПТУ-та көмөлөспүтэ, массыына
биэрэн тиэйэн аҕалбыттара.
Ити курдук Гуляевтар көһөн кэлэн Хамаҕаттаҕа олохсуйбуттара. Эдьиийбит Екате-
рина Петровна сүрдээх сэмэй, сытыары-сымнаҕас майгылааҕа. Хаһан да бэйэтин туһу-
нан кэпсэнэ сылдьыбат этэ.
Оттуур сир ылан, сүөһү бөҕөнү ыан ииттибитэ. Оҕуруот бөҕөнү үүннэрэрэ. Наһаа
оҕомсох, сиэннэрин оҕолоон атахтарыгар туруорбута.
Хамаҕатта нэһилиэгэр ыытыллар араас тэрээһиннэргэ өрүү кыттара. Олорор түөлбэ-
тин ыалларын кытта наһаа үчүгэйдик алтыһара. Түөлбэ оҕолоругар сүрдээх эйэҕэс эбэ
этэ. Оҕолору мунньан араас оонньуулары оонньоторо, викторина ыытара.
Аймахтарыгар наһаа истиҥ сыһыаннааҕа. Куруутун илии тутуурдаах, кэһиилээх
буолара. Дьиэтигэр хаһан баҕарар тиий, өрүү сылаас астаах, итии чэйдээх көрсөрө.
Көрдөххө олус наҕыл, бытаан курдук. Ол гынан баран барытын бары кэмигэр то-
лорбут буолара.
Айылҕаҕа сылдьарын олус сөбүлүүрэ. Биология учуутала буолан, хас оту-маһы аат-
тарын-суолларын барытын билэрэ. Ханнык отунан хайдах эмтэнэри бииргэ сылдьар
дьүөгэлэригэр барытын кэпсиирэ, сүбэлиирэ. Сир аһын арааһын хомуйара. Хаптаҕаһа,
отоно, дөлүһүөнэ, күһүн тэллэйэ барыта киниэхэ баар буолара. Кини тугу билэ-
рин-көрөрүн, тугу сатыырын бар дьонун кытта үллэстэрин олус сөбүлүүрэ. Ханна сыл-
дьыбытын, тугу билбитин, саныырын кумааҕыга суруйан тиһэн иһэрэ. Кыраны-кыам-
маты олус аһынара, төһө кыалларынан көмөлөһө, өйүү сатыыра.
Ол иһин эдьиийбит ханна да олордун, ханна да үлэлээтин, дьон-сэргэ улахан убаас-
табылынан туһанара. Үлэтигэр ситиһиилэрин иһин наҕараадаларын ааҕан сиппэккин.

166