Page 168 - Сэрии кэмин оҕолоро 1 кинигэ

ДҮПСҮН нэһилиэгэ

уоллаах кыыс оҕоломмуппут. 1996 сыллаахха пенсияҕа тахсан баран, кэргэним дойду-
тугар Ньурба Күндээдэтигэр көһөн кэлбиппит. Дойду сиригэр кэлиэхпиттэн оҕуруот
олордуутунан, араас үүнээйини үүннэриинэн сөбүлээн дьарыктанабын. Иллэҥ кэммэр
«Алгыс» эбэлэр түмсүүлэригэр сылдьабын. Онно биһиги ыллыыбыт, үҥкүүлээн да
ылабыт, араас сэргэх дьарыктарга үөрэнэбит. Түмсүүбүт салайааччыларыгар махталым
муҥура суох. Оҕолорум иккиэн үрдүк үөрэхтээх үлэһиттэр, ыал буолан миэхэ үс сиэн
бэлэхтээннэр дьоллоох эбэбин. Оҕо сааһым ыараханнык ааһан, 3 сааспыттан тулаа-
йах хааламмын, ийэ, аҕа тапталын сылааһын билбэккэ улааппытым. Баҕарабын сэрии
буолбатын, куруук ыраас күөх халлаан, сылаас дьиэ баар буоллун. Оҕолор бары ийэ-
лээх, аҕалаах, дьоллоох буоллуннар! Мэлдьи эйэ, дьол, үөрүү тосхойдун!
Ньурба улууһа, Күндээдэ олохтооҕо
02.10.2020 с.

Гоголев Вячеслав Николаевич

Мин 1941 сыллаахха олунньу 8 күнүгэр төрөөбүтүм. Эдьии-
йим холкуоска ыанньыксыттыыр буолан, оҕо эрдэхпитгэн үлэҕэ
такайыллан улааппытым, ньирэй көрүүтүгэр сылдьыбытым,
улахан дьону кытта тэҥҥэ үлэлэһэр этим. Кэлин улаатан баран,
1956 сыллаахха оройуоҥҥа промкомбинакка үлэлээбитим. Ити
үлэлии сылдьан, үлэм таһаарыылаах буолан, 1962 сыл тыа хаһаа-
йыстыбатын быыстапкатыгар кыттыбытым, 1963 сыл междуна-
роднай лааҕырга Сочига барар чиэскэ тиксибитим. Былааммын
аһара толорор буоламмын, 8 сыл устата оройуон бочуотун дуос-
катытган түспэтэҕим. 1968 сыллаахха манна Остуойкаҕа кэлэн
кулуупка икки сыл дириэктэрдээбитим. Онтон кэлин суоппар
үөрэҕэр үөрэнэн, 1969 сылтан наар суоппардаан Болыной Не-
вергэ Яковлев Вячеславтыын сылдьыбыппыт. 1971 сыллаахха төрдүө буолан: Шадрин
Иван, Гоголев Вячеслав, Федоров Захар, Сивцев Семен — Кэбээйигэ Сииттэҕэ барам-
мыт маҥнайгы биригээдэ 120 сүөһүнү тыыннаах аҕалбыппыт, онно Чэриктэй, Өнөр,
Дүпсүн барыта 420 сүөһүнү көрбүппүт. Биригэдьиирбит Бочкарев Баһылай Никитич,
солбуйааччынан мин сылдьыбытым. Тырахтарыыстарбыт Прибылых Рома, Соловьев
Бааска. Киэһэ аайы кулуупка мустан кэнсиэр бөҕө көрдөрөрбүт. Сииттэ нэһилиэ-
гин олоҕун сэргэхсиппиппит. Кэлэрбитигэр сүөһүлэрбитин үүрэн сатыы кэлбиппит,
өрүһү туоратан, аара суолга аһатан 420 сүөһүнү тыыннаахтыы аҕалбыппыт. Хата, биир
да сүөһү өлбөтөҕө, оһолломмотоҕо, муус устар 25 күнүгэр Дүпсүммүтүн булбуппут.
1974 сыллаахха Жатайга баран И.И. Алексеевтыын үөрэммиппит. Капитан механик
үөрэҕин саас бүтэрэн, сопхуос паромугар 9 сайын үлэлээбитим. Ол үлэлиир кэмнэрбэр
сопхуос, нэһилиэк дьоно абыраммыттара. Хойукка диэри пароходствоттан наҕараада
ылааччыбын. 1976 сыллаахха сопхуоһу миллионер оҥорбуппут. Бочкарев арыы тутта-
ран, ыанньыксыттар эмиэ арыы тутгаран куолаан миллионер оҥорбуппут. Ол саҕана
дириэктэр Готовцев Баһылай этэ. Куруук былааммын аһара толоробун, рекордум 240
тыһыынча, сопхуос техника бөҕө ылбыта. 1982 сыллаахха уурайан, мастарыскыайга
механигынан үлэлээбитим. Неустроев Иванныын мотор оҥорор этибит, олус таһаа-
рыылаахтык, табыллан үлэлээбиппит, онтон тыа хаһаайыстыбатыгар тырахтарыыстар
техобслуживаниеларыгар сельхозтехника иһинэн слесарь маастарынан, наводчигынан
сылдьыбытым. Өрөспүүбүлүкэ заречнай оройуоннарыгар чемпион аатын ылбытым.
1982 сыл чемпион-тырахтарыыс буолбутум. Уопсайынан үлэлээбит кэмнэрбэр бары-
тыгар бэриниилээхтик, эппиэтинэстээхтик сыһыаннаһан үлэлээбиппин үгүс наҕараа-
даларым туоһулууллар. Тырахтарыыстарым олус үлэһит буолан, эмиэ наҕараада бөҕөҕө
тиксибитгэрэ. Билигин ол кэмнэрбин олус күндүтүк саныыбын, ахтабын. Сынньа-

164