Page 173 - Сэрии кэмин оҕолоро 1 кинигэ

АҮПСҮН нэһилиэгэ

трович, Павел Дмитрьевич, Роман Прибылых үчүгэйдик ыллыыллара, Ефимов Дми-
трий Михайлович (Миичээн) наһаа үчүгэйдик хоһоон ааҕара. • •
Петр Петрович Прибылых хаартыскаҕа түһэрэр дьарыктааҕа. Урукку хаартыскалар
барыта кини түһэриилэрэ.
Оскуола кэнниттэн 1960, 1961, 1962 сс. Дабаадымаҕа ыччат-комсомольскай ферма-
тын тэрийэн үлэлээбиппит. Бу фермаҕа үлэлээбиттэрэ: Федорова Екатерина Нико-
лаевна (Прибылых), Шадрина Екатерина Николаевна (Федорова), Гоголева Матрена
Алексеевна (Готовцева), Сивцева Марфа Елисеевна (Соловьева), Федорова Мария Ва-
сильевна, Сивцев Петр Васильевич, Ильин Михаил Кириллович, Соловьев Николай
Николаевич (ньирэй көрөөччү), Гоголев Алексей Петрович (бостуук), Федорова Мария
Филипповна (ньирэй көрөөччү).
Сайын иккитэ-үстэ көһөн отордуур этибит уонна ыам быыһыгар отгуур сорудахтаах
буоларбыт.
1962 сыл сайын Сиикэйгэ, Мунучайга, Баадьыга үстэ көһөн отордоон, үүт бөҕөнү
ыабыппыт, от бөҕөтүн оттообуппут. 1961 сылларга — 30, 1962 сылларга 40 тонна оту
оттооммут, холкуостан, оройуонтан хайҕал бөҕөнү ылбыппыт.
Биһиги фермабыт үлэтэ ситиһиилээх буоларыгар төрөппүтгэрбит көмөлөрө улахан
оруолу ылбыта. Бары сулумах эдэр дьон, бэлэми аһыы-аһыы, дьоммут көмөтүнэн ынах-
тарбытын ыырбыт, окко үлэлиирбит. Мин аҕам, бостуук Гоголев Алексей Петрович,
оппут тэрилин барытын бэлэмнээн биэрэрэ. Хотуур таптайан, кыраабыл, атырдьах,
мунньар, массыынаҕа бурҕалдьы оҥорон оппутун оҕуһунан мустарар этибит.
Бастаан ферма тэриллэригэр биригэдьиирбит Өнөртөн төрүттээх Копырин Петр Ва-
сильевич, зоотехникпыт Сыроватская Фекла этилэр. Бээппигэ ыанньыкка уонна су-
байга диэн икки хотон тэҥинэн тутуллан кыстыкка үлэҕэ киирбитэ. Буорун үлэтэ, сы-
баҕа барыта субуотунньук этэ. Бэркэ кыстаабыппыт. Кэлин биригэдьиирбит Федоров
Иван Парфирьевич буолбута. 1961 сыллаахха Тураҕас сайылыкка аан бастаан доильнай
аппаратынан ыаһыҥҥа киирбиппит. Ынахтарбытын дойканан ыырга үөрэтэрбитигэр
эрэй бөҕөнү көрбүппүт. Алексеев Семен Парфирьевич мотуор собуоттуурун быыһыгар
биһиэхэ киирэн көмөлөһөрө.
1962 сыл бүтүүтэ сорохпут кэргэн тахсан, сорохпут үөрэххэ баран ыччат фермата
буолан бүппүппүт.
Оччолорго бииргэ үлэлээбит, оонньообут-көрүлээбит атастарбыт, доҕотторбут
үксүлэрэ билигин биһиги аттыбытыгар суохтара олус хомолтолоох. Ол иһин кинилэри
ахта-саныы олороммун бу ахтыыны суруйдум.
Биһиги, сэрии сылын оҕолоро, элбэх эрэйгэ эриллэн, тоҥон-хатан, улахан дьону
кытта тэҥҥэ үлэлээн, олоххо бэлэмнээх буоламмыт, үлэҕэ, олоххо сэмэй ситиһии-
лэрдээх сааһыран олоробут. Дабаадыматтан төрүттээх бииргэ үөрэммит үөлээннээхтэ-
рим Намынан, Тулагынан куруутун сибээстэһэ, истиҥник санаһа олоробут: Тулагыга
Федоров Юрий Иванович, Федорова Екатерина Николаевна, Федорова Мария Пе-
тровна, Шадрин Гаврил Николаевич дьиэ кэргэнэ, Намҥа Матрена Алексеевна, Инно-
кентий Никитич Готовцевтар, Римма Васильевна, Иннокентий Петрович Федоровтар,
Екатерина Кирсановна, Дмитрий Парфирьевич Федоровтар. Дойдубутун, Дабаадыма-
ны куруутун ахтабыт-саныыбыт. Этэҥҥэ олоруҥ, дойдубут дьоно-сэргэтэ.
Мин Саха Өрөспүүбүлүкэтин тыатын хаһаайыстыбатын бэтэрээнэбин, II Хомустаах
нэһилиэгин, Нам улууһун бочуоттаах олохтооҕобун.

Бэс ыйын 12 күнэ, 2020 с.

169