Page 171 - Сэрии кэмин оҕолоро 1 кинигэ
P. 171
ДҮПСҮН нэһилиэгэ
Олортон сороҕун билиһиннэрдэххэ: үрдүк категориялаах учуутал, РСФСР профтех
үөрэхтээһинин туйгуна, «В.И. Ленин 100 сааһынан үлэҕэ килбиэнин иһин», <<Үлэ бэ-
тэрээнэ» мэтээллэрдээх, соц.куоталаһыы хас да төгүллээх кыайыылааҕа. Холкуостаах-
тар маҥнайгы съезтэрин, учууталлар IX съезтэрин делегата, Уус Алдан уонна Чурапчы
райкомнарын пленумун бастайааннай чилиэнэ, «За доблестный труд» мэтээл хаһаайка-
та. Ити курдук эдьиийбит Екатерина Петровна дьоһун үлэни үлэлээн, аатын ааттатар
оҕолордонон 78 сааһыгар 2017 сыл кулун тутар 15 күнүгэр ыарахан ыарыыттан олохтон
туораабыта. Биһиги эдьиийбитин Екатерина Петровнаны наһаа суохтуубут, ахтабыт.
Кини өрүү биһиги өйбүтүгэр-сүрэхпитигэр баар буолуо.
Балта М.А. Готовцева,
Нам улууһун уонна II Хомустаах ытык киһитэ,
Саха Өрөспуүбүлукэтын тыатын хаһаайыстыбатын бэтэрээнэ
Готовцева Матрена Алексеевна
Тойон таҥара хаһан да буолбатах өлүүлээх-сүтүүлээх сэриигэ халлаантан таммах да
уута суох уот курааны кутан, аас-туор олохтоон Саха сирин, куруук тоҥ хаһаа дойдуну,
олус күүскэ кыһарыйбытын оччотооҕу кэмҥэ үлэлээн-хамнаан ааспыттар дьиҥнээхтик
билбиттэрэ. Оттон ол олус кыһалҕатаах кэмҥэ үөскээбит-төрөөбүт ыччаттар оҕо кур-
дук оонньообот, үөрбэт-көппөт бороҥ олохторун ахтар-саныыр уонна сурукка тиһэн
үйэтитэр уустук эрэ буолбатах, наһаа хомолтолоох, сороҕун киһи саныан да баҕарбат
түгэннэрдээх кэм этэ.
Биһиги, сэрии сылын оҕолоро, көһү эрэ кыайбат ыраах Дабаадыматтан Дүөндү
оскуолатыгар күн аайы кэриэтэ сүөдэйэ хааман үөрэниэхпитин сэниэбит да суоҕа.
Барыта эргэ, абырахтаах таҥас буолара. Кыһыҥҥы тымныыга халыҥ таҥас хайдах да
санаа хоту кыаллыбат этэ.
Дабаадыматтан сылдьан үөрэнэ сатыыр этибит. Онтон Амахаҥҥа эргэ өтөҕү эрэ-
миэннээн уопсай дьиэ тэрийбиттэрэ. Уонтан тахса буолан онно олорбуппут. Остуорас
Шадрин Мэхээлэ (Тииһэ суох), баспытаатал Прибылых Михаил Тимофеевич (Мэхээ-
лис) этэ.
1954-1955 сыллартан Балаҕаннаахха саха балаҕана тутаннар, Дабаадыма оҕолорун
мунньан барыбытын онно олордубуттара. Уопсайа сүүрбэччэ этибит. Остуораһынан
Ефимов Николай Елисеевич (Ыстахаанаптар), хайа эрэ кэмҥэ Новогодин Иван Пе-
тровичтаах үлэлээбиттэрэ. Уопсайга олорон бары биир ыал оҕолорун курдук эйэлээх,
түмсүүлээх этибит.
Оччолорго тэлэбиисэр да, араадьыйа да суоҕа. Тугу сатыырбытынан оонньуурбут.
Арай биирдэ, арыый улаатан бараммыт, Саҥа дьыл саҕана Балаҕаннаахтан Дабаады-
маҕа маскараат сирэйэ оҥостон маскарааттыы бардыбыт. Көс курдук сиргэ маска-
рааппыт дэлби кырыаран, дэлби аҕылаан, Дабаадымаҕа саамай киириигэ Сивцев Иван
Елисеевичтээх олороллор этэ, онно киирдибит. Элбэх баҕайыбыт. Аан аһыллан баран
сабыллыбат. Онно Федорова Екатерина Николаевна, Шадрина Екатерина Николаев-
на, Алексеева Мария Николаевна, Прибылых Мария Петровна, Гоголева Екатерина
Петровна, Гоголева Матрена Алексеевна, уолаттартан Прибылых Роман Семенович,
Шадрин Гаврил Николаевич, Стрекаловскай Федор Иванович бааллара. Дьиэҕэ киир-
биппитигэр, Кэтириистээх Арыпыана айманнылар: «Бу үлүгэр тымныыга бу оҕолор
хайдах буолалларый?» — диэтилэр. Биһиги онно наадыйбатыбыт. Хас да ыалга сыл-
дьан, Бэс Көлүйэҕэ тиийэ бардыбыт. Ыалларбыт соһуйаллар, айманаллар. мөҕөллөр.
Дьэ уонна сыалбытын-сорукпутун ситэн, үлэбитин түмүктээбит дьон быһыытынан,
мааскабытын устан дьиэлэрбитигэр тарҕастыбыт.
Аны сарсыарда эрдэ туран, үөрэҕи баттыы Дүөндүгэ барыахтаахпыт. Таҥас-сап быс-
тар мөлтөх. Оччолорго куобах бэргэһэ, үтүлүк абырыыр быһыылааҕа. Оччотооҕу оҕо-
167
