Page 174 - Сэрии кэмин оҕолоро 1 кинигэ

АҮПСҮН нэһилиэгэ

Ефимова Мария Афанасьевна

Бугуйас сиригэр төрөөбүтэ. Ийэтэ эрдэ өдбүтэ, аҕата сэрииттэн эргиллибэтэҕэ.
Эһэтигэр иитиллэн 6-с кылааһы бүтэрбитэ. 1953 сылтан холкуос ферматыгар сүөһү
көрөөччүнэн, ыанньыксытынан үлэлээн пенсияҕа тахсыбыта. Үчүгэй үлэһитин иһин
чиэстэнэн, икки төгүл оройуон советыгар депутатынан талытла сылдьыбыта. «Үлэ
бэтэрээнэ» мэтээлинэн наҕараадаламмыта. Уус-уран самодеятельность активнай кыт-
тыылааҕа. Өрөспүүбүлүкэ бэстибээлтэригэр кыттан, икки төгүл лауреат аатын ылбыта.
«1941-1945 сс. Аҕа дойду Улуу сэриитин кэмигэр килбиэннээх үлэтин» иһин мэтээ-
линэн, өрөспүүбүлүкэ профсоюһун Бочуотунай грамоталарынан наҕараадаламмыта.
Дүпсүн нэһилиэгин бочуоттаах олохтооҕо. Үс уол, икки кыыс оҕолоох, сиэннэрдээх.

Иванова Софья Николаевна

Мин 1939 сыллаахха муус устар 17 күнүгэр Үөһээ Бүлүү
улууһугар Харбалаах нэһилиэгэр Николай Иванович Иванов,
Матрена Константиновна Томская дьиэ кэргэттэригэр сэттис
оҕонон төрөөбүтүм.
Хара дьайдаах сэрии кэмигэр күүстээх ыарахан үлэ үөһү-
гэр сылдьыбыт күн күбэй ийэм барахсан өлөн, үс саастаахпар
тулаайах хаатбытым. Амарах аҕабыт олоххо дьулуурунан ийэби-
тин суохтаппакка ыар күннэрбитин чэпчэппитэ. Өспөт өһүөн
ситиһиитигэр, эйэлээх олох охсуһуутугар аҕабыт туулаан, ардьа-
лаан, куобахтаан, ыалларбыт тоорохой лэппиэскэлэринэн үссэ-
нэн, дьон үтүө сыһыаныгар бигэнэн аччык кэммитин аһардыбып-
пыт. Кө1гүл иһин охсуһуу үгэнигэр сарсыарда күн тахсыытьгпан
киэһэ борук-сорукка диэри холкуос үлэтэ күөстүү оргуйан, эйэлээх олоҕу тутуспута.
Мин, кыракый кыыс оҕо, тымныы дьыбарга, сыралҕан куйааска оҕус сиэтэн, ыһык-өйүө
таһан, дулҕа быыһыгган оту хостоон үлэнэн кыайыыны уһансыбытым.
1963 сьылаахха Дьокуускайдааҕы кооперативнай техникум бухгалтерскай отделе-
ниетын бүтэрэн, үс кыыс буолан Бороҕон райсоюһугар ананан кэлбиппит. Атырдьах
ыйын 12 күнүгэр миигин Бээрийэ сельпотугар бухгалтерынан анаабыттара. 1964 сыл
тохсунньу 9 күнүгэр райсоюзка инвентаризатор бухгалтерынан үлэлии кэлбитим.
1964 сыл муус устар 6 күнүгэр Дүпсүн сельпотугар бухгалтерынан анаммытым. Он-
тон ылата халбарыйбакка, отуттан тахса сыл Дүпсүн эргиэнин сайдыытыгар үлэлээ-
битим. Оччолорго аан бастаан кэлэрбэр бырабылыанньа бэрэссэдээтэлинэн Готовцев
Петр Николаевич, старшай бухгалтерынан Никифорова Анна Ивановна үлэлииллэрэ.
Сельпоҕа Чараҥай, Эрбэһин, Баатаҕай, Найахы, Өспөх, Чэриктэй, Өнөр, Остуойка,
Бээди, Дүпсүн киирэллэрэ. Онон үлэлииргэ территорията киэҥ этэ. Үлэлиир сььт-
ларбар аһынан-таҥаһынан хааччыллыы дьэ тупсан испитэ. Ол да буолтар уонунан
тыһыынча сыаналаах массыыналар, тыһыынчанан сыаналаах матасыыкылтар, миэ-
бэллэр, тутуу матырыйаллтара суохтара. Бытархай табаардар, ас-таҥас атыыланара.
Таһаҕастар баржанан Түүлээххэ Чэй Төрдүгэр, Чэриктэйгэ Благодатнай (Саһыл фер-
матыгар), Өспөххө Дыгдаал биэрэктэригэр бурдук, чэй, табах уо.д.а. кэлэлтэрэ. Оччо-
лорго эдэрим иһин, баржанан таһаҕас кэлтэҕинэ наар миигин ыыталлара. Суол-иис
суох буолан, наар сатыы сылдьарбыт. Тутуу үлэтэ мөлтөх буолан, былыргы атыыһыттар
тутууларыгар маҕаһыын, ыскылаат, ыалтар дьиэлэригэр маҕаһыын оҥостон үлэлээбит-
тэрэ. Кыараҕаһын, тымныытын кэрэйбэккэ, Ушницкая Татьяна Ивановна, Стручкова
Ирина Михайтовна, Румянцев Дмитрий Яковлевич, Сивцева Нататья Захаровна уо.д.а.
үтүө суобастаахтык үлэлээбитгэрэ. Остолобуойга старшай поварынан Монастырева
Зоя үлэлээбитэ. Араас көрүҥнээх бурдук астарын, эт астан оҥоһултубут бүлүүдэлэри

170