Page 178 - Сэрии кэмин оҕолоро 1 кинигэ

АҮПСҮН нэһилиэгэ

листическай куоталаһыы кыайыылааҕа», «Коммунистическай үлэ
ударнига» ааттарынан, холкуос, оройуон салалталарын Махтал
суруктарынан, грамоталарынан наҕараадаламмыта. Бастыҥнар
оройуоннааҕы слеттарыгар хаста да ыҥырыллан сылдьыбыта.
Александра ыал буолан Дабаадымаҕа олохсуйар. Кэргэнэ
Новгородов Николай Николаевич, бастыҥ механизатор, эрдэ
олохтон туораабыта. Онон бэйэтэ сэтгэ оҕотун ийэтинээн көрөн
улаатыннартаабыта, үөрэхтээх дьон оҥортообута. Элбэх сиэн-
нэрдээх эйэҕэс эбэ. Предпринимателинэн регистрацияланан
нэһилиэнньэҕэ араас аһылык, таҥас-сап, наадалаах туттар тэ-
риллэри атыылаан дьон махталын ылыан ылар.

Новогодин Петр Иванович

Мин 1945 сыллаахха бэс ыйын 22 күнүгэр Дүпсүн Туола са-
йылыгар төрөөбүтүм. Бииргэ төрөөбүт бэһиэбит: икки уол, үс
кыыс. 1953 сыллаахха Дүпсүн оскуолатыгар ньолобуой кылааска
үөрэнэ киирбитим. 1965 сыл 11 кылааһы бүтэрбитим. Сэрии
ыар тыына биһиги дьиэ кэргэммитин эмиэ таарыйбыта. Аҕа-
быт Иван Петрович Новогодин сэриигэ ыҥырыллан барбыта.
Кини Чита, Иркутскай уобаластарынан үлэ фронугар сылдьы-
быт. 1941-1945 сыллардаахха Аҕа дойду сэриитигэр килбиэннээх
үлэтин иһин элбэх мэтээллээх кэлбит.
Аҕабыт быраата Лаврентий Петрович 1942 сыллаахха сэрии-
гэ барбыта. Хорсуннук сэриилэһэн, 1946 сыллаахха дойдутугар
икки Кыһыл сулус уордьаннаах, элбэх бойобуой мэтээллээх
эргэллиллэн кэлбитэ. Төннөн кэлэн дойдуларыгар эйэлээх олоҕу салҕаан, дойдулара
тупсарыгар күүстэрин харыстаабакка үлэлээбиттэрэ.
Олох түргэнник тупсубатаҕа, элбэх үлэни эрэйэрэ. Сарсыарда күн тахсыытыттан
киэһэ хойукка диэри ферма хотонугар үлэлииллэрэ.
Ийэбит Елена Васильевна фермаҕа ыанньыксытынан өр кэмҥэ үлэлээбитэ. Ас-
таҥас кырыымчык этэ. Дьиэ оҕолоругар сүбэһиппит, кэпсээн кэпсээччибит эбэбит
буолара. Олус үчүгэй иистэнньэҥ буолан куобах истээх үтүлүк, бэргэһэ тигэрэ. Аччаа-
быт таҥастан сөрү-сөп гына таҥас тигэн таҥыннаран, тоҥмокко баччаҕа тиийдэхпит.
Дьоммут үлэлии бардахтарына, дьиэбит үлэтин үмүрүтэ охсоот, эбэбитин кэтиирбит.
Кини хайгыыра уонна тула олордон кэпсээн, остуоруйа кэпсиирэ. Сут-кураан кэмигэр
туһахтаан куобах аҕаллахпытына, олус үөрэрэ. Дьоммут, холкуос төһүү үлэһиттэрэ,
дохуот аҕаллахтарына, эбэбит барахсан үөрэр-көтөр этэ.
Ити курдук дьон күүстээх үлэтиттэн олохпут тупсан испитэ. Үлэлээн, дьон сиэ-
ринэн олорон маннык олоххо кэллэхпит.
1965 с. Бээди начальнай оскуолатыгар учууталлаабытым, 1966-69 сс. Советскай Ар-
мияҕа сулууспалаабытым, 1969 сыллаахха Дүпсүн орто оскуолатын интэринээтигэр бас-
пытааталлаабытым, хачыгаардаабытым, сопхуоска 10 сыл үлэлээбитим. 1979 сыллаахха
«Дүпсүн» сопхуос нефтебазатын сэбиэдиссэйинэн, 1981 сыл леснигинэн, ЖКХ-ҕа кы-
ладыапсыгынан, онтон 1993 сылтан 2008 сылга диэри Пенсионнай управление биэн-
сийэ тиэрдээччитинэн үлэлээбитим. Үлэм ыстааһа 43 сыл. Үлэ бэтэрээнэбин.
Аны сэрии хаһан да буолбатын.

174