Page 214 - Сэрии кэмин оҕолоро 1 кинигэ

АҮПСҮН нэһилиэгэ

кова Шура — ньээньэ, Оллонова Маайыс — нюэньэ, Молокотина Маайа, Горохова
Мария, Илларионова Марфа, Дорофеева Мария — бары оһох оттооччулар.
Сэбиэдиссэйинэн Ушницкая Мария Трофимовна, Дмитриева Мария Митрофанов-
на, Атласова Анна Николаевна, Старостина Светлана, Федорова Александра Иннокен-
тьевна үлэлээбитгэрэ. Наһаа үчүгэй сыһыаннаах коллективка үлэлээбитим. Холкуос,
сопхуос общественнай үлэтигэр, субуотунньуктарга барытыгар кыттарбыт. Ол курдук
үчүгэй баҕайытык үлэлии олорон, оскуолабыт сабыллан, Дүпсүҥҥэ көһөргө күһэлли-
биппит. 1975 сыллаахха Дүпсүҥҥэ бүтэһиктээҕин көһөн тиийэн, Дүпсүн учаастактааҕы
балыыһатыгар санитарканан үлэлии киирбитим. Бу дььш аймахтарбыт Стручков Сэр-
гэйдээх балаҕаннарын уларсан кыстаан олорбуппут. Нөҥүө сылыгар аҕабыт диспан-
серыгар сыппыта, биһиги оҕолорбунаан төттөрү Остуойкаҕа кэлэн дьааһылаҕа киирэн
үлэлээбитим, күһүнүгэр тиийэн эмиэ үөрэх саҕаланыытыгар табыллыа суох буоламмыт
олохтоохтук Дүпсүҥҥэ көһөн тиийэн, Прибылых Ылдьаатаах дьиэлэрин куортамнаһан
хотоннорун көрүөх буолан олорбуппут. Оскуолаҕа саҥа икки этээстээх интэринээт дьиэ
аһыллан, онно түүҥҥү ньээню миэстэтигэр үлэлии киирбитим. Интэринээккэ барыта
сүүс сэттэ оҕо олороро. Эһиилгитигэр Остуойкаттан дьиэбитин көһөрөн киллэрэн туп-
пуппут. Оҕолор үөрэхтэрин бары манна олорон бүтэрдилэр. Мантан бары ыал буоллулар.
Биэнсийэҕэ тахсыахпар диэри интэринээккэ наһаа үчүгэйдик бэйэ-бэйэбитин
өйөнсөн биир коллективка үлэлээбитим. Үлэлиир кэммэр интэринээт сэбиэдиссэй-
дэринэн: Охлопкова Вера Иннокентьевна, Прибылых Петр Петрович, Стрекаловскай
Иван Дмитриевич, Федоров Куприян Семенович, иитээччҥтэринэн: Ушницкая Ани-
сия Ивановна, Новогодина Варвара Николаевна, Горохова Мария Гаврҥтьевна, пова-
рынан: Афанасьева Анна Алексеевна, Борисова Мария Николаевна, Ильина Мария
Афанасьевна үлэлээбитгэрэ. 1985 сьшга диэри үлэлээн баран, аҕабыт соһуччу өлөн
тохтообутум. Наар оҕолорбун, сиэннэрбин көрөн, кинҥтэр түбүктэрин түбүк оҥостон
олорон кэллим. Сүөһү ииттэн эбҥтик оҥостон, бэйэ-бэйэлэрин өйөнсөн, утуу-субуу
оҕолор үөрэхтэрин бүтэрэн, ким үлэлиир, ким үөрэнэр кэмнэрэ кэлбитэ. Кинҥгэргэ
аҕа-ийэ оруолун толорон көмөлөстөҕүм дии. Сыыйа бары ыал буолуталаан, туспа баран,
ыал ийэтэ, аҕата буолан, оҕо-уруу төрөтөн олороллор. Бҥтигин уонунан сиэннээхпин,
уонунан ааҕыллар хос сиэннээхпин. Оҕолорбор бара-кэлэ сылдьабын, куоракка кыс-
тыыбын, сайынын дойдубар тахсабын. Оҕолорум атахтарыгар тураннар, бҥтигин кыр-
дьар сааспар үчүгэйдик олоробун. Дойду бөҕөҕө сырытыннардылар.
Улахан сиэн кыыһым дойду бөҕөтүн көрдөрдө: Санкт Петербург, Новгород, Кы-
тай Пекин, Москва, Турция, Бэйдэхэ, Коххейга, Иркутскай, Аршан куруорка сырыт-
тым. Онтон ордук кырдьар сааска дьол суох буоллаҕа. Элбэх оҕолонон, дьон тэҥинэн
этэҥҥэ олороллоруттан үөрэбин уонна дьоллооҕунан ааҕынабын.
2019 с.

Холобур буолар күндү дьоммут
Ийэлээх тээтэбит дьоҥҥо-сэргэҕэ үтүө сыһыаннаах, үлэһит, боростуой, ыалдьы-
тымсах саха ыаллара. Ыалдьыттар, кэлэн барбыт аймах-бҥгэ дьоннорбут маанылатан,
холумтаннарын сылааһын бҥгбит дьон буолуохтаахтар.
Ийэбит — тастан көрүүгэ элбэх кэпсээнэ-ипсээнэ суох, орто түргэн туттуулаах,
мичээр аргыстаах, аһыныгас санаалаах чуумпу киһи. Ыарыһах ийэлээх буолан, оҕо
сааһыттан улахан киһи оруолун толорон, бырааттарын көрөн-истэн, сэрии аччык сыл-
ларын этинэн-хаанынан бҥтбит ыал улахан киһитигэр кубулуйбута. Эдэр сааһыттан
чугас дьонун сүтэрэн, кутурҕанын дууһатыгар иҥэрэн, сылтан-сыл хатыран, чугас ай-
махтарын, үтүө доҕотторун өйөбүллэринэн күүһүгэр-күүс эбҥтлэн баччаҕа кэллэҕэ.
Ийэбит хаһан даҕаны санаатын түһэрэн санааргыы-мунчаара олорорун көрбөтөхпүт,
ол гынан баран бэйэтин ис дууһатыгар тутарын сэрэйэрбит. Ийэбит төһө да кыра
уҥуохтааҕын иһин, дууһатынан сүрдээх күүстээх санаалаах.

210