Page 280 - Сэрии кэмин оҕолоро 1 кинигэ

ЛӨГӨЙ нэһилиэгэ

Леонтьев Егор Егорович

Егор Егорович 1942 сьплаахха муус устар 22 күнүгэр төрөөбүт.
Бочуоттаах сынньалаҥҥа тахсыар диэри Партизан Заболоц-
кай аатынан сопхуоска араас үлэлэргэ, сүөһү иитиитигэр үтүө
суобастаахтык үлэлээбитэ.
Леонтьева Александра Егоровналыын 5 оҕону төрөтөн, ыал
дьон оҥордулар. Кэргэнэ ыалдьан эрдэ өлөн, Дьөгүөр соҕотох
аҕа, эһэ түбүгүнэн олох ыардарын тулуйан кэллэ.
Лөгөй сиригэр күтүөт буолуоҕуттан дьон убаастабылын ылан
сопхуос олоҕо сайдарыгар дьоһун кылаатын киллэрсибитэ.

Лыткина Мария Иннокентьевна

Мин 1940 сыллаахха сэтинньи 1 күнүгэр Лөгөй нэһилиэгэр
Лыткин Иннокентий Иосифович уонна Лыткина Мария Васи-
льевна дьиэ кэргэнигэр төрөөбүтүм. Мин иннибинэ 6 оҕо төрөөн
өлбүт эбиттэр. Онон эдьиийэ Марфа Васильевнаттан (Новгоро-
дов Иван Иванович ийэтэ) кыыс оҕону ылан ииппиттэр. Мин
төрүүрбэр кини уончалаах. Кэлин Мигалкин Николай Васптье-
вичка кэргэн тахсан улахан ыал ийэтэ буолбута.
Ийэм «Үҥкүр» биригээдэтигэр «Сыгынньах» диэн фермаҕа
ыанньыксыттыы сылдьан миигин оҕолоноору ыалдьыбытыгар,
таайым Сысолятин Роман Васильевич сыарҕалаах атынан Бо-
роҕоҥҥо, 15 биэрэстэлээх сиргэ, киллэрбит.
Оҕолонон тахсыбытын кэннэ, аҕыйах хоноот, үлэтигэр таһа-
арбыттар. Күнүһүн миигин ийэм ыарыһах эдьиийэ Мааппа куобах тириитигэр суулаан
оҕолообут. Мааппа түүнүн хотон харабыллыыра үһү.
Манна даҕатан эттэххэ, аҕам ферма сүөһүтүгэр от тиэйэрин таһынан куобахтаан
ферма дьонун аһатара. Сорох күн 40 куобаҕы мас сүгэһэригэр сүгэн киирэрэ диэн
таайым Арамаан кэпсиирэ. Ол саҕана куобах дэлэй үһү. Бииргэ олорбут, үлэлээбит
дьон ийэлээх аҕабар махталлара улахан этэ. Сут дьылларга аҕалаах ийэм элбэх киһини
өйөөбүттэрэ. Аҕам сааһа 50 буолан сэриигэ барбатах этэ. Ол оннугар тыылга кытаанах,
хараҥаттан хараҥаны тэҥнээн үлэҕэ сылдьыбыта. Өр сыл кардовай булчут буолан,
элбэх ыччаты булка үөрэппитэ. Олортон билигин аҕыйах уола хаалла: Прядезников
Дмитрий Дмитриевич, Борисов Дмитрий Егорович уо.д.а.
Мин 1948 сыллаахха Лөгөй 4 кылаастаах оскуолатыгар маҥнайгы кылааска үөрэнэ
киирбитим.1959 сыллаахха Мүрү орто оскуолатын бүтэрэн баран, «Оскуола—произ-
водство—үрдүк үөрэх» диэн комсомол ыҥырыытынан төрөөбүт нэһилиэкпэр холкуос
Хомустаах биригээдэтигэр ньирэй, бороон көрөөччүнэн үлэлээбитим. Ити 1959-61
сыллардаахха этэ, ол саҕана Хомустаахха бруцеллез ыарыы турбут кэмэ. Мин үлэлиир
фермабар эмиэ бруцеллезтаах сүөһүлэр баар этилэр.
1961- 1962 сыллардаахха учуутал тиийбэтинэн сибээстээн, Баатаҕай 8 кылаастаах ос-
куолатыгар начальнай кылаас учуутатынан үлэлээбитим.
1962- 1964 сыллардаахха Иркутскайдааҕы пединститукка үөрэнэн, 2 куурсу бүтэрэн
баран, туберкулезтаан дойдубар кэлэн 1964-65 сыллардаахха эмтэммитим.
1965-1968 сыллардаахха ССКП райкомугар статистигынан үлэлээбитим.
1965-1970 сыллардаахха СГУ кэтэхтэн нуучча тылын отделениетыгар үөрэммитим.
1968-1970 сыллардаахха Тиит Арыы 8 кылаастаах оскуолатыгар нуучча тылын уон-

276