Page 108 - Уйбаан Бахсылыырап. Сэрии кэмин оҕолоро - эйэлээх олох уустара

Мария
Дмитриевна
Прядезникова
оҕолорунаан.
1966 с.

дьыбыттара. Ол эрээри атаҕа ыалдьар кыыһы өйөөн-убаан киэһээҥҥи оскуо-
лаҕа таскайдыыр киһи суоҕа. Оттон үөрэнээччи-иистэнньэҥ хамнаһа 21-22
солкуобайтан ордубат этэ. Онон Маайа саас тэрилтэтигэр оттук мас эрбэһэн
баран дойдутугар Кэптэнигэ төттөрү тахсыбыта.
Кыыс ити тахсан балыыһаҕа санитарканан үлэлээбитэ. Балыыһа сэбиэ-
диссэйэ Елена Николаевна Антипина кыыска бэрт аламаҕайдык сыһыанна-
һара. Кыаммат, дьонтон итэҕэс санана сылдьар киһиэхэ биир сылаас тыл
күндүтүн Маайа аан бастаан бу балыыһаҕа үлэлиир кэмигэр билбитэ. Ол да
иһин Мария Дмитриевна Елена Николаевнаҕа күн бүгүн даҕаны истиҥник
махтана саныыр. Аҕалара Миитэрэй Бэрэһээнньикэп 1957 с. лакамабыылга
үлэлии сылдьан, уһун халаат таҥаһын эҥэриттэн эрэмиэҥҥэ эрийтэрэн суору-
ма суолламмыта. Миитэрэй иккис кэргэниттэн Кэтириистэн 4 кыра оҕолооҕо.
Онон Маайа кинилэргэ “айах адаҕата” буолумаары Даалыга биригэдьиири-
нэн үлэлиир бииргэ төрөөбүт быраатыгар Лэгэҥҥэ барбыта. Даалыга кэлэн
Маайа Ылдьаа Дьэкиимэп-Нуучча Ылдьаа уолугар, истибэт да, саҥарбат да
киһиэхэ, дуруусканан эргэ тахсыбыта. Оҕо эрдэҕиттэн айылҕа атаҕастаабыт
киһитэ Афанасий Ефимов саҥарбат эрэ буруйдааҕа. Сытыары-сымнаҕас, олус
бүгүрү үлэһит киһи, биригээдэ салалтата тугу соруйарын барытын саталлаах-
тык бүтэрэн-оһорон иһэрэ.
Сороҕор биригэдьиир кэлэн үлэҕэ соруйдаҕына Охонооһой өйдөөбөтөҕүнэ,
кэргэнэ Маайа киһитигэр “тылбаастаан” биэрэрэ. Ити курдук хардарыта өй-
дөһөн Маайалаах Охонооһой оҕолонон-урууланан Даалыга 15 сыл дьоллоох-
тук олорбуттара. Афанасий Ильич кыһынын тутууга, сайынын от үлэтигэр
кыдамаһыт быһыытынан солбуллубат үлэһит этэ. Даалыга Афанасий Ефи-
мов, Гаврил Нафанаилов, Егор Пермяков, Роман Олесов буоланнар тоҥ бэ-
рэбинэни илиилэринэн суоран оскуола, кулууп, оҕо-садын уонна хас да оло-
рор дьиэни туппуттара.
Ол үлэтин сыаналаан Даалылар 2000 с. Ефимовтары үбүлүөйдээх ыһыах-
тарыгар ыҥыран күндү-мааны ыалдьыт оҥостубуттара.
Кэптэнигэ көһөн кэлэн да баран (Даалыга оскуола сабыллан, оҕолорун
үөрэттэрээри) А.И.Ефимов сүрүннээн эмиэ тутууга үлэлээбитэ. Ол быыһыгар
сүөһү да үлэтиттэн туора турбатаҕа. Афанасий Ильич үтүө суобастаах үлэтин
иһин “Коммунистическай үлэ ударнига”, “XI пятилетка ударнига” знакта-
рынан, оройуон, колхуос, сопхуос, олохтоох Сэбиэт салалталарыттан элбэх
Бочуотунай грамоталарынан, Хайҕал суруктарынан наҕараадаламмыта. Маны
тэҥэ, Үлэ Кыһыл Знамята орденнаах Партизан Заболоцкай аатынан колхуос,
104