Page 111 - Уйбаан Бахсылыырап. Сэрии кэмин оҕолоро - эйэлээх олох уустара

буолара. Илиитигэр уһанар дьоҕурдааҕа, суох буолуо аҕыйах сыл иннинэ
олус үчугэйдик умсаах мончууктарын оҥорбута. Онно мин хара кырааска
булан биэрбитим, өссө Дэрги эбэҕэ бииргэ сааланыахпыт диэн кэпсэппиппит.
Кини сааскы куска, куһүҥҥу уу көтөругэр Арыылаахтарынан, Таастаа-
ҕынан, Дэргинэн атын да алаастарынан дьиэтигэр тахсыбакка күнүстэ-
ри-түуннэри дурдаҕа тулуйан сытар туспа тулуурдаах сааһыт этэ. Ки-
ниэхэ доҕоро — араадьыйата уонна сахалыы хаһыаттар буолаллара. Улахан
сиэнэ Илья (инитин Бүөтүр уола) өйүө киллэрэн биэрэрэ.
Сэрии кэмин оҕото, механизатор К.М.Борисов туһунан Уус-Алдан улууһа
тэриллибитэ 75 сылын көрсө 2004 с. “Мүрү саһарҕата” хаһыакка кыра-
кый ахтыы оҥорбутум. Билсиэҕиҥ ол ахтыыны.

Дьон тэҥинэн — олох салҕанарын тухары

Кырачаан Касьян Борисов оҕо сааһа бэйэтин са-
астыылаахтарын кэриэтэ сэрии, сут-сутурҕан сылла-
рыгар ааһан, оонньуу-көр диэҥҥэ улаханнык умнь-
аммакка, кыайдар-кыайбатар үлэ бары көрүҥүн үлэ-
лии үөрэммитэ. Ас-таҥас кырыымчык буолан,Касья-
ны дьоно сэрии сылларыгар үөрэттэрбэтэхтэрэ. Ин-
ньэ гынан уол, сэрии бүппүтүн, Кыайыы буолбут
күһүнүгэр уон биир сааһыгар Баатаҕайга Чараҥай ос-
куолатыгар үөрэнэ киирбитэ. Бу сэттэ кылаастаах ос-
куоланы бүтэрээт, салгыы ханна да үөрэнэ барбакка,
төрөөбүт дойдутугар Кэптэнигэ колхуоска үлэлээби-
тинэн барбыта. Ааспыт үйэ биэс уонус сылларыттан
кыра колхуостары холботолоон бөдөҥсүтүү полити-
ката саҕаламмыта.
Ол курдук Лөгөй нэһилиэгин “Куоталаһыы” уонна “Бөлөхтөһүү” колхуо-
стара Ленин аатынан колхуоһу кытта холбоһон, Лысенко аатынан бөдөҥсүйбүт
колхуос буолбуттара. Үҥкүр ферматыгар үлэлии сылдьар эдэр киһини Хо-
мустаах биригээдэтигэр анаабыттара. Касьян Борисов Хомустаахха кэлэн
күнүһүн тутууга үлэлиирэ, киэһэтин дизельнэй станциянан бөһүөлэккэ уот
биэрэрэ. Оччолорго техника дэлэйэ илик кэмигэр колхуос биригээдэлэрин
сүөһүлэрин кыстык фермаларынан олорон кыстаталлара. Фермаларга хас-
тыы да сүөһү көрөөччү, үгүс эдэр ыччат үлэлиирэ. Хомустаах биригээдэти-
гэр Мүрү эбэ арҕаа баһыгар Араҥас ферматыгар да элбэх эдэр киһи баара.
Күнүскү түбүктээх үлэ кэнниттэн ыччаттар ат көлөнөн, сороҕор сатыы даҕа-
ны Хомустаахха саҥа тутуллубут кулуупка оонньуу, сынньана кэлэллэрэ. Ку-
луупка мустубут ыччаттар бырааһынньыктарга концертары, спектакллары
көрдөрөллөрө.
Онно Кэптэни уола Касьян Борисов көрү-оонньууну көҕүлүттэн тутаач-
чылартан биир бастыҥнарынан буолара. Ырыаһыт, көрдөөх-нардаах уолу
Араҥас ферматыттан сылдьар, эмиэ ырыа аргыстаах Маша Гоголева хара
маҥнайгыттан сөбүлүү көрбүтэ. Хомустаах, Кэптэни бөһүөлэктэрин олохто-
охторо Маша Гоголева, Касьян Борисов сололарын уонна дуэттаан ыллыыл-
ларын элбэхтэ истибиттэрэ, олус диэн сөбүлүүллэрэ. Күүрээннээх үлэни кытта
дьүөрэлэспит сынньалаҥ киэһэлэригэр билсиһии доҕордоһууга, сотору кэ-
минэн истиҥ тапталга кубулуйан, эдэр дьон 1961 с. олохторун холбообуттара.
Эһиилгитигэр эдэр ыал кыыс оҕолонон ийэ-аҕа буолуу үөрүүтүн билбиттэрэ.
Бөдөҥсүйбүт колхуос дьоно сэбиэскэй былаас туругурарыгар саа-саадах
тутан турууласпыт биир дойдулаахтарын аатын ылынаннар, Партизан Забо-

107