Page 112 - Уйбаан Бахсылыырап. Сэрии кэмин оҕолоро - эйэлээх олох уустара

лоцкай аатынан колхуос буолбута. Сотору кэминэн колхуостарга техника (мас-
сыына, тыраахтар) кэлиитэ харгыһа суох кэриэтэ буолбута. Ыччаттар, ол
быыһыгар Касьян Борисов эмиэ, техника уруулугар олоруон баҕаран, колхуос
киинигэр Кэптэнигэ баар мастерской иһинэн аһыллыбыт трактористар кур-
старыгар биир кыһын үөрэнэн “Сельский тракторист” диэн дастабырыанньа-
ны ылбыта. Дьэ, ити кэмтэн ыла Касьян Михайлович Борисов үйэ чиэппэ-
риттэн ордук кэм устатыгар трактор уруулугар олорон үгүс үлэни үмүрүппүтэ,
элбэх дьон кыһалҕатыгар көмөлөһөн махтал, хайҕал үтүмэнин ылбыта.
Дойду сиригэр от үүммэт сылларыгар Партизан Заболоцкай аатынан соп-
хуос отделениелара Нам, Кэбээйи оройуоннарын сирдэринэн элбэхтик оттоо-
буттара. Кинилэр кыһын ол отторун “пресстээн” массыынанан, тракторы-
нан иккилии прицеби холбонон таһаллара. Ол курдук сопхуос Хомустаах-
тааҕы отделениетыттан 1986 с. сайыныгар уонтан тахса киһи буолан Кэбээйи
Сииттэтигэр оттуу барбыппыт. Онно звеноводунан уонна кэбиһиигэ сыһыл-
баны соһор тыраахтардаах Егор Егорович Охлопков, Касьян Михайлович,
тыраахтарынан оҕустарааччынан эдэр киһи Егор Егорович Бурнашев, кини
быраата Павел Егорович Бурнашев “шасси” тыраахтарынан мустарааччынан
үлэлээбиттэрэ. Алаас сир көнө хонуутугар үөрэммит трактористарга Кэбээйи
дулҕалаах үрүйэлэрин, үрэхтэрин толоонноро техниканан үлэлииргэ олус
эрэйдээх этилэр.
Тыраахтардар, от охсор, мунньар массыыналар сотору-сотору алдьанал-
лара. Дьэ, манна Касьян Михайлович Борисов (билигин санаатахха пенсияҕа
тахсара аҕыйах сыл хаалбыт сааһырбыт киһи) билиитэ-көрүүтэ, дьоҕура эдэр
механизатордарга улахан көмө буолбута. Маны таһынан Касьян Михайлович
эдэр отчуттарга наставник быһыытынан хотуурдарын таптайан, сытыылаан,
кыраабылларын, атырдьахтарын оҥорон биэрэрэ.
Дьэ, ити курдук К.М.Борисов эдэрдэргэ өрүү сүбэһит, көмөлөһөөччү буо-
лара. Үлэһит киһиэхэ, оччотооҕу сиэринэн, чиэһэ-бочуота киниэхэ бэрил-
либит Хайҕал суруктара, Бочуотунай грамоталара этилэр. Олор истэригэр
Хомустаах кулуубун тутуутугар (1960 с.) актыыбынай үлэтин иһин, 1974 с. 9
ыйдаах үлэ үрдүкү көрдөрүүтүн, үс сыллаах былааны болдьоҕун (1978 с.)
иннинэ толоруу, Ленин 100 сылын көрсө, 10 пятилетка былаанын толоруу,
комсомол 60 сылын көрсө үлэҕэ үрдүк ситиһии, о.д.а. көрдөрүүлэр иһин
бэриллибит Бочуотунай грамоталар, Хайҕал суруктар оҕолоругар аҕаларын
туһунан өйдөбүнньүк буолан уурулла сылдьаллар.
Дьылҕа хаан ардыгар сорох-сорох дьоҥҥо олус да кытаанах буоллаҕа.
Касьян Михайлович Борисов тапталлаах кэргэнинээн Мария Николаевналыын
баара-суоҕа 7 дьоллоох сылы бииргэ олорон, 4 оҕоҕо күн сирин көрдөрбүттэ-
рэ. Ол курдук Мария кыра кыыһа Таня баара суоҕа биир саастааҕар ыарахан
ыарыыттан күн сириттэн арахсаахтаабыта. Соҕотох хаалбыт эдэр аҕаҕа ийэ-
тэ, балта уонна аймах билэ дьоно өйөбүл буоланнар, Касьян Михайлович
үлэттэн илиитин араарбакка сылдьан оҕолорун атахтарыгар туруорбута1978
уонна 1983 сс. “Коммунистическай үлэ ударнига” ааты ылаттаабыта. Үчүгэй
үлэтинэн дойду тэбэр сүрэҕэр Москваҕа БСНХБ-га баран кыттан кэлбитэ.
Сэрии кэмин оҕото К.М.Борисов 1984 с. “Үлэ ветерана” мэтээли ылбы-
та, дьон тэҥинэн үлэлээн, дьиэ-уот туттан олох олорон ааспыта. Кини түөрт
оҕотуттан икки оҕото ыал буоланнар, Касьян Михайлович сиэн диэн күндү
дьоннору көрөр-истэр дьолго тиксибитэ. Аны бииргэ төрөөбүт инитин Петр
Михайлович оҕолоро кыра эрдэхтэриттэн кинини кытта эҥэрдэспит буолан
эмиэ ”эһэбит” диэн ааттыыллара. Саас, күһүн айылҕаны кытта алтыһар
сааһыт бэрдэ уолун Михаилы сиэнин Ильяны кусчут киһи мындыр идэтигэр
элбэххэ үөрэппитэ.
108