Page 103 - Уйбаан Бахсылыырап. Сэрии кэмин оҕолоро - эйэлээх олох уустара

дьар, олоҥхо тылынан саҥарар Николай Данилович Бурцев үөрэппитэ. Ну-
учча тылын уонна литературатын эдэркээн Ия Петровна Рыбкина биэрэрэ.
Афанасий Иванович Федоров военруктаабыта уонна физкультураҕа үөрэтэрэ.
Николай Николаевич Тарскай эмиэ үөрэтэ сылдьыбыта. Оноппоров Семен
Онуфрьевич историяны биэрэрэ, Сергей Иванович, Андрей Григорьевич Ни-
кифоровтар директордарынан үлэлээбиттэрэ. Андрей Григорьевич барахсан
чахчы да дьаһаллаах директор этэ.
Ити курдук П.Е.Герасимов сэрии кэмигэр, онтон да кэлин аҥаардас
ийэҕэ иитиллибитин иһин, сэбиэскэй былаас интернатын көмөтүнэн орто
үөрэхтээх киһи буолбута.

Үрэх, алаас оҕолоро соҕуруу үрдүк үөрэххэ
Мүрү уонна Дүпсүн орто оскуолатын бүтэрбит оҕолору 1951 с. комсомол
оройуоннааҕы комитета, секретарь Федор Игнатьевич Васильев, соҕуруу уоба-
ластар институттарыгар үрдүк үөрэххэ ыыппыта. Ол курдук Дьокуускай куо-
ракка киирэн экзаменнарын туттарбыт 11 оҕо Иркутскай, Новосибирскай,
Омскай, Свердловскай, Ленинград, Москва куораттар үрдүк үөрэхтэрин кыһа-
тыгар үөрэнэ тиийбиттэрэ. Кырдьыга, алаастарыттан, үрэхтэриттэн харыс да
сири халбарыйбатах, үксүлэрэ Дьокуускайы даҕаны саҥа көрбүт оҕолор сай-
дыылаах киин куораттарга тиийэн үөрэниилэрэ, оччотооҕу кэмҥэ кэпсэлгэ
сылдьара, киэн туттууну үөскэтэрэ.
Бүөтүр Дьарааһынап уол Москваттан 45 км арҕаа сытар Галицино стан-
цияҕа баар “Московский зоотехнический институт коневодства” диэн үрдүк
үөрэххэ сахалартан соҕотоҕун үөрэнэ тиийбитэ. Ол кэмҥэ Бүөтүр төһө да
орто үөрэхтээх аатырдар, “зоотехник” диэн кимин, тугун арааран билбэт
киһи этэ. Идэ ылар, үлэһит буолар баҕа баһыйан билбэт үөрэҕэ да буоллар,
Петр Егорович үөрэххэ төбөтүн оройунан түспүтэ. Үөрэнэ сылдьар оҕолорго
судаарыстыба кыра да буоллар, стипендия харчы биэрэрэ. Бүөтүр уол Москва-
ҕа биир дойдулааҕын, били кинини үөрэппит, Москватааҕы физкультурнай
институт студенынаан Николай Николаевич Тарскайдыын булсаннар, аһылык-
тарыгар эбии харчы булунаары, араас таһаҕас таһыытыгар үлэлииллэрэ. Ол
харчылара аһылыктарыгар сүрдээҕин эбиискэ буолара. Бүөтүр үлэни булар-
талар киһитин Н.Н.Тарскайы “үтүө киһи этэ” диирэ кырдьык да оруннаах.
Ол бэйэтэ туспа улахан сэһэн.
Петр Егорович Галицыноҕа үс сыл үөрэммитин кэннэ былааска Н.С.Хру-
щев кэлбитэ. Кини дьаһалынан Москва аттынааҕы тыа хаһаайыстыбатын
специалистарын бэлэмниир үрдүк үөрэх кыһалара сабыллыбыттара. Моск-
ваҕа аҥаардас Тимирязев аатынан эрэ академия хаалбыта. Онон Галицыно
институтун студеннарын эмиэ үрүө-тараа ыыталаабыттара. Петр Герасимов
үөрэҕин Ижевскэй куоракка салҕаабыта. Кини манна икки сыл үөрэнэн учуо-
най-зоотехник дипломун ылан, 1956 с. төрөөбүт төрүт сиригэр, Уус-Алдаҥҥа,
эргиллэн кэлбитэ.
Үлэ, олох үөһүгэр

Бүөтүр хотонугар тахсан сүөһүлэрин ойбоҥҥо ыыталаата. Эрдэ бэлэмнээ-
бит отун күкүр иһигэр симэн, хотонугар киирэн сүөһүлэригэр ааҕа тарҕата
уурталаата. Ороһулаан төрөөбүт ньирэйигэр туспа, намчы ысталлаах күөх оту
кыбынан киирдэ.
— Атын борооскуларым ойбоҥҥо уулуур буолан абыраатылар, — Бүөтүргэ
эмиэ иирбэ-таарба санаалар элэҥнээтилэр. Аны сүөһү көрүүтэ-истиитэ кыай-
тарыа суох дуу, хайдах? Кэлэр сылга сүөһүлэрбитин оҕолорунан тарҕатарбыт
7*
99