Page 19 - Уйбаан Бахсылыырап. Сэрии кэмин оҕолоро - эйэлээх олох уустара

кинилэр сүбэлии-амалыы сылдьаллара, бэрт эйэҕэстик, сылаастык сыһыан-
наһаллара. Онон бэйэ-бэйэбитигэр көмөлөсүһэн үлэлиир буолан, ханнык
баҕарар туруоруллубут сорудахтары кэмигэр үчүгэйдик толорорбут.
Оскуолабытыгар соҕотох историк этим. Үөрэтии үлэтигэр кылааска ик-
кис сылын хаалыыны история уруогар суох оҥорорго дьулуһан үлэлээбитим.
Кылааска бэрээдэги тутарым, оҕоҕо тиийэр гына кэпсиирим, үөрэтэр тиэмэ-
битин олоҕу кытта сибээстиирим. Оҕолор толкуйдарын сайыннара сатыы-
рым, үөрэҕэр ситиспэт оҕолору кытта эбии дьарыктанаммын консультация-
лары биэрэрим уонна төрөппүттэри кытта сибээһи ыкса тутуһарым. Оччо-
тооҕу ирдэбилинэн партия, правительство уураахтарын илдьиритэн кэпсии-
рим. Маны барытын бастаан бэйэҥ билиэххин наада, ол иһин Николай Сав-
вичтыын олус элбэҕи ааҕарбыт. Араас үөрэтэр ньымалары туттан үөрэнээч-
чилэрим историяҕа билиилэрэ 100% буоларын ситиһэрим, үөрэҕи хаачысты-
баҕа билии 40-50% буолара. Онон оҕолор история предметин таптыыллара,
мин тылбын истэллэрэ уонна убаастыыллара. Үлэм киниискэтигэр киллэрэн
туран (30.04.1961 с.) РОНО махталын биллэрбитэ, оройуоҥҥа бастыҥ учуу-
таллар ахсааннарыгар киирбитим.
Оскуолаҕа үлэлиир сүрүн үлэм таһынан араас өрүттээх элбэх уопсасты-
баннай үлэлэри толорорум. Ол курдук, норуодунай суукка сэтээтэлинэн 1960
с., сайыҥҥы кэмҥэ оскуола директорынан 1961 с., районо сэбиэдиссэйин
солбуйааччынан 1962 с., оройуон сэбиэтигэр депутатынан 1963 с., оскуолаҕа
агитаторынан, о.д.а. үлэлэри үлэлиирим. Үөрэтэр-иитэр уонна уопсастыбан-
най үлэҕэ ситиһиилэрбин учуоттаан, РОНО 1962 с. Москва-Ленинград куо-
раттарга сынньата ыыппыта. Манна Саха сириттэн 9 историк учуутал босхо
путевканан наҕараадаланан хас да хонук бу куораттар кэрэ-бэлиэ сирдэринэн
экскурсияларга сылдьыбыппыт. Салайааччыбыт учууталлар идэлэрин үрдэ-
тэр институт үлэһитэ, Ленин орденын кавалера, Аҕа дойду улуу сэриитин
кыттыылааҕа Николай Васильевич Егоров этэ. Ленинградка сылдьан үөрэп-
пит оҕолорбун, Герцен аатынан институт студеннарын Христофор Дуткины,
Анатолий Едукины көрсөн сүбэ-ама биэрбитим, көмөлөспүтүм.

Хотугу кыраай үөрэхтээхтэрин иитиспитим

Хотугу аҕыйах ахсааннаах норуот ыччатын үөрэтиспиппиттэн муҥура суох
үөрэбин. Ол үөрэппит оҕолорбуттан норуот хаһаайыстыбатын араас салаала-
рын үлэһиттэрэ, учууталлар, быраастар үүнэн тахсыбыттара. Кинилэртэн
сорохторун ааттаталыым:
Дуткин Христофор Иннокентьевич — юкагир, филологическай наука кан-
дидата. Христофор Иннокентьевич 2000 с. 60 сааһын бэлиэтээһинигэр бочуот-
таан ыҥырбыта. Аҕыйах ахсааннаах хотугу норуоттар проблемаларын инсти-
тутугар үлэлиир буолан, үбүлүөйин онно ыыппыта. Миэхэ улаханнык мах-
таммыта. Миигин кэпсээн уонна мин этиибиттэн өрөспүүбүлүкэ араадьыйа-
тын “Геван” биэриитигэр уһултаран бэрдэрбитэ. Ону таһынан хаһыатынан
эмиэ махталын биллэрбитэ.
Белла Аржакова — врач, медицинскэй наука кандидата.
Норуллана Семеновна Андросова-Алексеева — Үлэ Кыһыл Знамятын ор-
денын кавалера, стоматолог врач.
Владимир Нестеров — советскай-партийнай үлэһит. Уус-Алдан Сыыр-
дааҕар үлэлии сылдьыбыта, билигин Чокурдаахха үлэлиир.
Валентин Слепцов, Вениамин Чикачев, Вадим Слепцов — советскай-
партийнай үлэһиттэр.
Юрий Кунаков — муора флотун үлэһитэ.

15