Page 17 - Уйбаан Бахсылыырап. Сэрии кэмин оҕолоро - эйэлээх олох уустара

“...Кини кэлиэн иннинэ 7 кылааска диэри мөлтөхтүк үөрэммит буоллах-
пына, 7 кылааһы үс үстээх бүтэрбитим. Ол иһин, Николай Саввичка, би-
лиҥҥэ диэри махтанабын. Аҥаардас кини, кини эрэ миэхэ үөрэҕи ыларбар
күлүүһү булбутугар. Николай Саввич маннык этэн турар: “Оҕолор олох си-
бэккилэрэ, биһиги дьолбут буолаллар. Ким күүһүн уонна билиитин кинилэр
тустарыгар харыстаабат, ол дьоллоох киһи!” — кини бу этиилэрин мин оло-
ҕум устата өйдөөн кэллим уонна төһө кыайарбынан кини эппитин толоро
сатыыбын.”
“Алгыс тыллаах ааҥҥын сабаммын...” (Бу Н.С.Пестряков бэйэтин тыл-
лара) кинигэ күн сирин көрдөҕүнэ эһиги бу “Дьиҥнээх Киһи” туһунан кыл-
гастык кэпсэнэр ахтыылартан элбэҕи билиэххит.
1999 с. тохсунньу
“Алгыс тыллаах аанкын сабаммын...” кинигэ суруллан буппутун кэннэ, уп-
харны кыайан көстубэккэ хас да сыл сытан баран, 2003 с., Николай Саввич
оҕолоро сүүрэн-көтөн бэчээккэ бэриллэн кун сирин көрбутэ, ааҕааччыга тиий-
битэ. Хомойуох иһин, Николай Саввич олоҕун доҕоро, кэргэнэ Ульяна Никитич-
на Тартакынова эмиэ олохтон барбытын кэннэ. Бу икки утуө дьон, эдэр саас-
тарыгар таптал уотун уматаннар, ус оҕоҕо кун сирин көрдөрөн, истиҥ-иһирэх
дьиэ кэргэн буолан 37 сыл бииргэ олорбуттара.
Бу кинигэни оҥорорбор ытыктыыр дьоммун иккиэннэрин дьон билиитигэр
таһаарыахха диэн санааттан, Пестряковтар улахан кыыстарын Олъга Нико-
лаевнаны кытта сибээстэһэн, кини ийэтэ суруйан хаалларбыт суругун биэрби-
тэ. Онон билсиэҕиҥ, Ульяна Никитична бэйэтэ суруйан хаалларбыт ахтыытын.

УЧУУТАЛ ҮРДҮК АНАЛА

Оҕо саас

Мин оҕо сааһым күөх Ньурба хатыҥ чараҥар, ал-
тан бастаах отунан өрө анньыбыт киэн сыһыылары-
гар, кытыан уктаах, күөх ньургуһуннаах (кэҕэ кулгааҕа)
хонууларыгар, сиэдэрэй сардаана сибэккилээх кытыл-
ларга ааспыта. Кинилэр мүөттэригэр сылаанньыйан,
Ньурбинка үрэҕим, Бүлүү өрүһүм ыраас ууларын ый-
махтаан, сөтүөлээн улааппытым.
Аҕам Тартакынов Никита Спиридонович тэҥнээх-
тэриттэн күүстээх-уохтаах киһинэн биллэрэ. Ол да
иһин буолуо, бурдук үүннэрээччинэн, бурдук тарта-
рааччынан, Бүлүү өрүһүнэн кэлэр таһаҕастаах боро-
хуоттарга куруусчутунан үлэлээбитэ. Ийэбинээн Ку-
раева Федора Алексеевналыын миигин төрдүс оҕонон
1933 с. кулун тутар 4 күнүгэр төрөппүттэр. Эдьиийим
Докторова-Тартакынова Агафья Никитична сэрии сылларыгар армияҕа бар-
быт эр дьону солбуйан, 1941-1945 сс. трактористканан үлэлээбитэ. Кэлин
Ньурба норуодунай театрыгар артыыһынан үлэлээбит үлэ-тыыл ветерана.
Улахан убайым Тартакынов Федор Никитич 16 сааһыттан учуутал, кини ар-
мияҕа ыҥырыллан 1942-1945 сс. Монголияҕа үлэ фронугар сулууспалаабыта,
сэрии ветерана. Аччыгый убайым Тартакынов Николай Никитич булчут, ба-
лыксыт этэ. Бултуу сылдьан тымныйан ыалдьан олохтон эрдэ туораабыта.

13