Page 186 - Уйбаан Бахсылыырап. Сэрии кэмин оҕолоро - эйэлээх олох уустара
P. 186
ҮЛЭЛЭРЭ СИТЭ СЫАНАЛАММАТАҔЫТТАН ХОМОЙОБУН
Ийэбит Анастасия Неустроева “Пятилетка” холкуоска элбэх кыыс оҕолоох
Роман уонна Анастасия Неустроевтарга бүтэһик оҕонон төрөөбүт. Аҕата, оч-
чотооҕу сиэринэн, ааппын ааттатар, туйах хатарар уол оҕо төрүө диэн эрэҥ-
кэдийэ күүппүтэ эмиэ кыыс буолан хаалбытыгган сүрдээҕин хомойбута үһү.
Ийэбит аҕата кыыс баара-суоҕа биир саастааҕар олохтон барбыт. Ийэтэ Анас-
тасия Егоровна сүрдээх үлэһит, “стахановец” бастыҥа буолан элбэх кыы-
һын атахтарыгар туруорбут. Ийэбит бииргэ төрөөбүттэриттэн билигин үс
эдьиийдэрэ бааллар. Сэрии саҕана эр дьону солбуйан трактористаабыт Алек-
сандра Романовна Неустроева-Кривогорницына 94 сааһын томтойо туолан
Бороҕоҥҥо уолугар олорор. Иккис эдьиийэ эмиэ Александра Романовна Неус-
троева, билигин Дьокуускай куоракка олорор. Кини Өлтөх нэһилиэгэр Бэй-
диҥэ отделениетын бастыҥ бороон көрөөччүтэ этэ. Аччыгый эдьиийэ Евдо-
кия Романовна эмиэ куоракка олорор, бастыҥ иистэнньэҥэ.
Ийэбит оҕо эрдэҕинээҕи олоҕуттан биирдэ эмэ кэпсиир буолара. Адьас
кыра эрдэҕиттэн ыанньыксыт ийэтигэр хотоҥҥо тымтык уматан биэрбиттэ-
рин тутан туран ынах ыылларыгар көмөлөһөр эбит. Ынахтар кутуруктарынан
дэйбиирдэнэн сороҕор тымтыгын тоҕо охсон умулларан кэбиһэллэр үһү. Оч-
чотооҕу ыанньыксыттар ынахтары, ньирэйдэри бэйэлэрэ көрөллөрө. Аны хо-
тон ис-тас үлэтин: сүөһү сааҕын таһааран балбаахтааһын, оту киллэрэн тар-
ҕатыы эмиэ кинилэр үлэлэрэ. Сайын сайылыкка, күһүн оторго ынахтарын
бэйэлэрэ хомуйан (бостуук диэн көрүллүбэт эбит) аҕалан ыыллар эбит. Онно
үксүгэр оҕолору соруйаллара үһү. Ийэбит аах күһүҥҥү хаһыҥҥа атах сы-
гынньах буолан, атахтарын сүөһү саҥа саахтаабыт сааҕар үктэнэн сылыта-
сылыта сылдьарбыт диэн кэпсээхтиирэ. Элбэх оҕолоох дьиэ кэргэн буолан,
оҕо сылдьан үгүстүк аччыктыырын, лэппиэскэ олус күндүтүн, биирдэ эмэ
балык сииллэрэ минньигэһин ахтан аһарар буолара. Сэппэрээтэр сүүрдүбүт
халбыыр үүт күгэнэ да ас буолара диэхтиирэ. Оччолорго кыстык уонна сайы-
лык фермаларыгар биир дьиэҕэ наһаа элбэх ыал дьукаахтаһан олороллор
эбит.
Биһиги ийэбит оскуолаҕа 10 саастааҕар үөрэнэ киирбит. Бастакы учуу-
талларын Афанасьева Елизавета Федоровнаны, сэрии кыттыылааҕа Петров
Василий Кузьмиһы олус истиҥник ахтара. Ийэбит оҕо сылдьан үөрэммит
тэтэрээттэрэ баара, онно көрдөххө былыргы чэрэниилэнэн суруллубут олус
үчүгэй буочардаах эбит этэ. Ийэбит барахсан аас-туор олох тэбиититтэн мөл-
төхтүк истэр уонна хараҕынан мөлтөх буолан, 4 кылаас кэнниттэн үөрэҕит-
тэн тохтоппуттар. Билиҥҥи үйэ эбитэ буоллар, анал оскуолаларга үөрэнэн
үөрэҕи ылыа эбитэ буолуо.
Ийэбит Анастасия Романовна оскуола үөрэҕиттэн уурайаат, холкуос араас
үлэтигэр, ол быыһыгар отуттан тахса сыл сүөһү үлэтигэр үлэлээбитэ. Киэһэ
холкуос хотонуттан кэлэн баран биһиэхэ уруокпутун аахтара олорон илиити-
нэн иистэнэрэ уонна олус нарын куолаһынан наһаа иэйиилээхтик ыллыыра.
Кини өргө диэри сценаттан түспэт ырыаһыт этэ. Ийэлээх аҕабыт холкуос
төһүү үлэһиттэрэ буолан, биһигини кыра эрдэхпититтэн бэйэлэрин кытта
илдьэ сылдьан, үлэ араас үөрүйэхтэригэр үөрэппиттэрэ. Ол үөрэхтэрэ би-
лиҥээҥҥэ диэри туһалыы сылдьар.
Ийэбит тоҕус оҕону төрөппүтэ. Кэнники уола оҕо эрдэҕиттэн инбэлиит
этэ, ийэбит барахсан онтон наһаа санаарҕыыра. Ол да буоллар холкуоска
үлэтин тохтоппотоҕо. Мин оскуоланы бүтэрэр сылбар, убайбынаан Сашалыын,
бырааппытын Алдан куоратыгар баар мөлтөх оҕолор дьиэлэригэр туттаран
кэлбиппит.
182
