Page 219 - Уйбаан Бахсылыырап. Сэрии кэмин оҕолоро - эйэлээх олох уустара

Аймахтарын ортолоругар

Ыал ийэтин, эбэтин дьиэтээҕи үлэтэ, түбүгэ хаһан бүппүтэ баарай? Суох
буоллаҕа, арай, дьэ билигин оҕолор, сиэннэр улаатаннар кырдьаҕастар сүө-
һүлэрин да көрбөт буоллулар. Онон Анна Михайловна дьиэтин иһигэр бэйэ-
тигэр бэйэтэ хотун буолан, оҕонньоругар ас астыыр, кыайарынан Охоноо-
һойо техникаҕа кэтэр үтүлүгүн, кээнчэтин абырахтыыр. Сайынын кыра да
буоллар оҕуруот аһын олордон, онно сиэннэринээн түбүгүрэннэр күнү бил-
бэккэ аһараллар. Хайа уонна сиэннэригэр сахалыы иҥэмтэлээх аһы астаан
аһатыы, илдьэ сылдьан сир аһын астыырга үөрэтии бэйэтэ эмиэ туһунан
түбүк.
“Кырдьары билиммэт сүрэхтэр”

Уус-Алдан улууһун култуураҕа управлениетын иһитиннэрэр-методичес-
кай киинин иһинэн Даалы бөһүөлэгин кулуубун сэбиэдиссэйэ Варвара Забо-
лоцкая, өссө 2005 сыллаахха А.П.Олесов туһунан “Даалы тутаах киһитэ” диэн
брошюраны таһаартарбыта. Ол суруйууттан Афанасий Петрович нэһилиэк
спортивнай уонна култуурунай олоҕор кыттыытын туһунан билсиэҕиҥ.
Афанасий Петрович эдэр сааһыттан общественнай олоххо бастыҥ акти-
вист быһыытынан биллэр. Айылҕаттан күүстээх, тэтиэнэх буолан үөлээннээх-
тэрин кытта тустан, мас тардыһан иэмэх мастыы эрийсэрэ. Ол курдук мас
тардыһыытыгар, гиирэ анньыытыгар оройуоҥҥа, нэһилиэккэ күрэхтэһэн эл-
бэх грамоталарынан, бириистэринэн наҕараадаламмыта. Афанасий Петро-
вич спортивнай күрэхтэһиилэргэ кыттарын таһынан уус-уран самодеятель-
ность кэрэ эйгэтигэр кутун туттарбыт киһи буолар. Кинини кытта 60-с сыл-
ларга бииргэ үлэлээбит Ушницкая Мария Михайловна этиитинэн, аан бас-
таан сценаҕа тахсан чабырҕах аахпыт. Ол кэмтэн Афанасий Петрович чабыр-
ҕахсыт бэрдэ буолан, элбэхтик концердарга, култуура уонна спорт эстафета-
ларыгар кыттан, миэстэлэһэн, Бочуотунай грамоталарынан наҕараадалам-
мыта. Кини чабырҕахтары кинигэттэн ааҕан үөрэтэрэ. Сцена ветерана 1990
сыллаахха “Кырдьары билиммэт сүрэхтэр” диэн улуустааҕы конкурска кыт-
тан, лауреат үрдүк аатын ылбыта. Онтон 2004 сылга сэрии, тыыл уонна үлэ
ветераннарын ортотугар ыытыллыбыт уус-уран самодеятельность көрүҥнэ-

215