Page 218 - Уйбаан Бахсылыырап. Сэрии кэмин оҕолоро - эйэлээх олох уустара

Лөгөй нэһилиэгин
механизатордара —
тыыл ветераннара
Кыайыы күнүгэр.
2002 с.

быта. Копырина Ирина Афанасьевна нэһилиэк киинигэр олорор, оскуолаҕа
бухгалтерынан үлэлиир. Копырина Ольга Афанасьевна эмиэ бухгалтер идэ-
лээх, үс оҕолоох, Дьокуускайга олороллор. Копырина-Хорунова Наталья
Афанасьевна икки оҕолоох ийэ, Дьокуускайга арыгы хаачыстыбатын хонту-
руоллуур тэрилтэҕэ үлэлиир. Олесов Афанасий Афанасьевич милицияҕа үлэ-
лээн отставкаҕа тахсыбыта, үс оҕолоохтор, Дьокуускайга олороллор. Аччы-
гый уол Копырин Александр Афанасьевич убайын Михаил Афанасьевич тэ-
рилтэтигэр үлэлиир, үс оҕо аҕата. Онон Копыриннар-Олесовтар сүүрбэттэн
тахса сиэннээхтэр уонна биэс уол хос сиэннээхтэр. Эдэр дьон оҕолоро, сиэн-
нэрэ өссө да эбиллиэхтэрэ турдаҕа.
Ааныс кыыс уон саастааҕар Чараҥай оскуолатыгар үөрэнэ киирбитэ. Кини
бэһис кылааска үөрэнэ сырыттаҕына, аҕата 1951 сыл олохтон барбыта. Ааныс
кыыска үөрэх аана сабыллыбыта, 15 сааһыттан Ленин аатынан холкуоска
субан сүөһү көрөөччүнэн ананан үлэ үөһүгэр түспүтэ. Биир сыл үлэлээбитин
кэннэ түргэн-тарҕан, ыраас туттунуулаах кыыһы ыанньыксытынан анаан, 15
ынаҕы туттаран кэбиспиттэрэ. Оччолорго өссө ньирэйи ынахтан саҥа араара
сатыы сылдьар кэмнэрэ этэ. Онон оҕо-эдэр кыыс хотоҥҥо хоммот эрэ элбэх
үлэни көрсүбүтэ. Аны ыал буолан, Даалыга сүктэн кэлэн, кэлин Социалис-
тическай Үлэ Геройа буолбут А.С.Копырина салайар ферматыгар эмиэ ыан-
ньыксыттаабытынан барбыта. Кини итинник үлэлии сылдьан, оччотооҕу ир-
дэбилинэн, 1973 сыл коммунистическай партия кэккэтигэр киирбитэ.
Бөдөҥсүтүү ухханыгар кыһарыйтаран Даалы алын сүһүөх оскуолата са-
быллыбыта. Оччолорго хас да үөрэнэр оҕолордоох Даалы ыаллара, ол иһигэр
Олесовтар, нэһилиэк киинигэр Кэптэнигэ көһөн кэлбиттэрэ. Аҕалара меха-
низатор буолан сарсыарда 4-5 чаастан үлэлии барара, үксүгэр киэһэ хараҥаҕа
төннөрө. Элбэх оҕолоох ийэ холкуос-сопхуос үлэтиттэн тохтоон балыыһаҕа
хачыгаарынан, иһит сууйааччынан үлэлээбитэ. Ол быыһыгар оҕолорун уон-
на босхоҥнообут (параличтаабыт) ийэтин Өрүүнэни көрөрө-истэрэ, аһатара-
сиэтэрэ. Ийэтэ Ирина Александровна төһө да сүүрбэччэ сыл ити ыар ыарыыга
ыарыйдар, биир кыыс оҕолоох буолан көрдөрөн-иһитиннэрэн олохтон сым-
наҕастык арахсыбыта. Анна Михайловна пенсияҕа тахсан да баран балыыһаҕа
1992 сыллаахха диэри үлэлээбитэ.

214