Page 220 - Уйбаан Бахсылыырап. Сэрии кэмин оҕолоро - эйэлээх олох уустара

рин көрүүгэ чабырҕах ааҕыытыгар иккис миэстэни ылан, Уус-Алдан улууһун
дьаһалтатын грамотатынан наҕараадаламмыта.
Төрөөбүт төрүт буоругар төннөн олохсуйан олорор Афанасий Петрович
Олесов кэргэнинээн Анна Михайловна Копыриналыын чахчы да Даалы
бөһүөлэгин дьоһун, сэргэх ыала. Сайын ахсын кинилэр күөх кырыстаах тэл-
гэһэлэрин иһэ тапталлаах сиэннэр чугдаар саҥаларынан туолар. Сахалыы
балаҕан наара ороннорун кэрийэ ыалдьыт-хоноһо толору буолар.
Оҕо саастаргытыгар эрэйи, кыһалҕаны эҥэргитинэн тэлбит сэрии кэмин
оҕолоро үлэ, тыыл ветераннара Афанасий Петрович, Анна Михайловна кыр-
дьары билиммэккэ өссө да уһуннук, дьоллоохтук олоруҥ!

Уйбаан Бахсылыырап, 2012 с.

КИЭН ТУТТАБЫТ
Биһиги тоҕус оҕолоох дьиэ кэргэҥҥэ улааппып-
пыт. Киһини өйдүүр буолуохпутуттан ийэлээх аҕабыт
сарсыардаттан киэһээҥҥэ диэри үлэлээн тахсаллара.
Оҕолор күнү быһа дьиэҕэ бэйэбит эрэ хааһыланан да
олордорбут, тус-туспа соруктаах буолар этибит. Мин
ыал улахан уола буоларбынан, дьиэҕэ уокка оттор
маһы, иһэр уу буолар мууһу киллэрэбин. Эдьиийим
Маайыс иһити-хомуоһу, дьиэ иһин сууйар-сотор. Ол
быыһыгар иккиэн кыраларбытын көрөбүт-истэбит.
Эбэбит Өрүүнэ барахсан ыар ыарыыттан төһө да ха-
ампат буоллар, оронугар олорон эрэн ыйан-кэрдэн
биэрэн дьоммут киэһэ үлэлэриттэн кэлиилэригэр дьиэ
иһинээҕи үлэ син барыта орун-оннугар буолбут буо-
лар этэ. Онон оҕолор бары да кыра эрдэхпититтэн
үлэнэн иитиллибиппит. Ол кэнники бэйэбит олохпутугар элбэҕи туһалаата.
Аҕам Афанасий Петрович сааһын тухары механизатор. Мин бэһис кы-
лааһы үөрэнэн бүтэриэхпиттэн сайын аайы аҕабын кытта сылдьан звеноҕа
оттоһор этим. Оччолорго звенолар икки ардыларыгар “социалистическай”
диэн ааттанар күрэхтэһии буолара. Онно биһиги звенобут элбэхтэ кыайыы-
лаах тахсыбытын өйдүүбүн. Ол саҕана ити үлэ үрдүк сыанабыла этэ. Аҕам,
мин сэттэ кылааһы үөрэнэн бүтэрбитим кэннэ, тракторы ыытарга үөрэппи-
тэ. От мустарабын эбэтэр оҕустарабын.
Оччолорго от үлэтигэр сопхуос отчуттары харанан (этинэн) наһаа хатаҕа-
лаабат буолара. Ол иһин да буоллаҕа, аҕам биирдэ киэһэлик звено дьонун
харалаары кус оҕолуу барбыта. Мин кинини солбуйан от мустара сырыттах-
пына отделение управляюгцайа кэлэн аҕабын ханна барбытын ыйытта. Мин
толкуйдуу түһэн баран: “Саппаас ыла барбыта”, — диэтим. Управляющай,
эрдэттэн барытын билэн турар киһи, кэлин дьоммор тахсан “уолгут, хата,
сөпкө хоруйдаата” диэн күлбүт этэ. Ити курдук от үлэтигэр сайыны быһа
палаакканан хоно сылдьан улахан дьону кытта тэҥҥэ үлэлиирбит. Сорох
сыл үөрэхпитигэр балаҕан ыйын 1 күнүн баттаһа кэлэр кэмнэрбит баара.
Аҕабыт биһигини, уолаттарын, от-мас үлэтин мындырыгар батыһыннара
сылдьан үөрэппитэ-такайбыта. Билигин сааһыран да олорон үлэттэн илии-
тин син биир араарбат. Сайын аайы күтүөттэрин, сиэн уолаттарын мунньан
оттуур, онно кини эппитэ, соруйбута барыларыгар сокуон.
Дьоммут кэнники уонча сыл Даалыга көһөн тиийэн саҥа дьиэ-уот, саха-
216