Page 236 - Уйбаан Бахсылыырап. Сэрии кэмин оҕолоро - эйэлээх олох уустара

— 1981 — 1987 сылларга ыччат сүөһүнү төлөһүтүүгэ үрдүк көрдөрүүлэрин
иһин Бочуотунай грамоталар, Махтал суруктар.
— 1981 сыл Уус-Алдан оройуонугар осеменатордар күрэхтэһиилэригэр I,
1982 сыл II миэстэлэри ылан анал дипломнарынан, сыаналаах бириистэри-
нэн бэлиэтэммитэ.
— 1984 сыл СР тыатын хаһаайыстыбатын үлэтигэр социалистическай
үлэҕэ үрдүк көрдөрүүтүн иһин, оччотооҕу миниистир М.Е.Николаев илии
баттааһыннаах Бочуотунай грамота.
— 1985 сыл ыам ыйын 21 күнүгэр, БСНХБ-га кыттыыны ылбытын туо-
һулуур 4208 №-дээх сибидиэтэлистибэ.
— 2009 сыл ахсынньы ый 18 күнүгэр бэриллибит “Лөгөй нэһилиэгин
бочуоттаах олохтооҕо” дастабырыанньа.
А.Ф.Готовцева үчүгэй үлэтэ сыаналанан хас да төгүл нэһилиэк уонна
оройуон Сэбиэтин депутатынан быыбарданан уопсастыбаннай үлэ үөһүгэр
эмиэ сылдьыбыта. Ону тэҥэ быыбар кэмииссийэтин бэрэссэдээтэлинэн уон-
на чилиэнинэн хас да сыл үлэлээбитэ.
Дьэ, бу курдук Хомустаах бөһүөлэгэр кэлиэхпиттэн алтыспыт, “эн-мин”
дэһиспит кырдьаҕастарым Виктор Иванович уонна Анна Филипповна били-
гин даҕаны илиилэрин үлэттэн араарбакка от оттоон, сүөһү ииттэн оҕолору-
гар көмө буолан быр бааччы этэҥҥэ олороллор. Кырдьыыга кыайтарымаҥ,
аҕаларгыт сырдык тыыннарын толук уурбут Улуу Кыайыы күнүн сылтан
сыл ахсын үөрэ-көтө көрсүҥ дуу, ытыгылыыр дьонум!
Уйбаан Бахсылыырап,
2012 сыл, Хомустаах

ИККИЭН ЫАЛГА ИИТИЛЛЭН ДЬОН БУОЛБУТТАРА

Ааспыт уйэ суүрбэһис, отутус сылларыгар саха балаҕаныгар төрөөбут
дъон үксүлэрэ элбэх оҕолоох дьиэ кэргэҥҥэ күн сирин көрбуттэрэ. Оччолор-
го кыаммат, тиийиммэт-тугэммэт кыһалҕаттан элбэх оҕолоох дьон, оҕоло-
рун чугас аймахтарыгар, эбэтэр оҕото-уруута суох дьоҥҥо ииттэрэ биэ-
рэллэрэ. Мантан аллара кэпсэнэр кэргэнниилэр Гоголева Екатерина Ми-
хайловна уонна Алексеев Анисофор Петрович дьылҕа хаан ыйааҕынан диэ-
бит курдук, иккиэн төрөөбүт дьонноруттан арахсан атын дьоҥҥо иитил-
либиттэрэ. Кэргэнниилэр иккиэн сэрии кэмин оҕолоро, сэрии саҕана улахан
дьоннуун тэҥҥэ үлэни өрө туппут үлэһиттэр. Билсиэҕиҥ, кинилэр олохто-
руттан кыракый лоскуйдары.

Билигин даҕаны үлэ үөһүгэр

Биллэн турар, 75 сааһын томточчу туолбут кырдьаҕас киһи сүгэ-көтөҕө
да сылдьыбатар, Е.М.Гоголева туһунан итинник этэрбин утарааччы, бука,
аҕыйах буолуо. Ол курдук, Екатерина Михайловна Гоголева “Сардаана” баа-
һынай хаһаайыстыба баһылыга. Кини ааспыт сылга диэри уолунаан Алек-
сандр Анисофоровичтыын 30-ча сүөһүнү, ол иһигэр 10-ча ыанньыгы иитэн
кэлбиттэрэ. Быйыл төһө да от кыра, хаачыстыбата мөлтөҕүн иһин, “Сардаа-
налар” хотонноругар 12 сүөһүлээхтэр. Аны түөрт сүөһүнү дьоҥҥо “уостаһыыга”
аҥаарга диэн ииттэрэ биэрдилэр.
Омос көрдөххө, кырдьык, сорох чааһынай ыаллааҕар бу икки киһилээх

232