Page 252 - Уйбаан Бахсылыырап. Сэрии кэмин оҕолоро - эйэлээх олох уустара

ката саамай тахсыылаахтык, үгүс ситиһиилэрдээх үлэлээбитин дойдубут дьоно-
сэргэтэ билигин даҕаны сөҕө-махтайа ахталлар. Кулууппут ис-тас көрүҥэ,
оформлениета чахчы даҕаны угуйа турара. Кулууп үлэһиттэрэ 1981 сыл сайы-
ныгар бары биир киһи курдук санаабытын түмэн, кулууп ис-тас көрүҥүн
тупсарар туһугар үлэлээбиппит. Ол курдук фойе үрдүн, эркинин обшивкала-
ан, олоччу лааҕынан соппуппут, залга саҥа кириэһилэлэри туруорбуппут,
сценаны эмиэ олоччу уларыппыппыт, лаахтаабыппыт, кырааскалаабыппыт.
Иккис этээскэ библиотека, киинэ аппаратын хоһо, ааҕар саала эмиэ саҥар-
дыллыбыттара. Бу үлэлэргэ барытыгар туттуллар малы-салы, таҥаһы, кыра-
асканы, лааҕы, о.д.а. Д.Д.Бысыин булара-талара.
Биһиги үлэбитигэр олохтоохтор улахан тирэх буолбуттара. Ыччат кэлэн
буор-босхо үлэлэһэрэ, олохтоох биригэдьиир Егоров Егор Егорович бэйэти-
нэн көх-нэм буолан кэлэн үлэлэһэрэ, көрү-нары көҕүлүүрэ. Мин, үс кыра
оҕолоох ийэ, бу үлэлээбит сылларбар утуйар ууну умнан, дьиэҕэ-уокка кыһам-
макка үлэлээбитим. Онуоха кэргэним улахан өйөбүл буолбута. Субуоталарга,
бырааһынньыктарга уонна гастроллуур кэмнэрбитигэр оҕолорун бэйэтэ көрөрө-
истэрэ, “чэ кытаат, үлэлээ” диирэ, туохха барытыгар көмөлөһөрө, сүбэлиирэ.
Биһиги кулууппут 1981 сыллааҕы үлэ түмүгүнэн республикаҕа “Туйгун
үлэлээх кулууп” диэн үрдүк ааты ылбыта уоона көһөрүллэ сылдьар Үлэ Кы-
һыл знамятын туппута. Ити түмүк 1982 сыл олунньутугар биллибитэ. Онон
өссө кынаттанан, ыччаттар ордук күүскэ кыттан, ыллаан-туойан, кулууппут
үлэтин адьас саҥалыы былааннаан, күүстээх үлэ барбыта. Оройуоҥҥа ыытыл-
лар бары конкурстарга, күрэхтэһиилэргэ кыттан үрдүк ситиһиилэнэр эти-
бит. Кыһын уонна сайын агитбригадалары тэрийэрбит, үгүс тематическай
биэчэрдэри ыыппыппыт.
Биллиилээх суруйааччы Эрилик Эристиин “Суорума суолламмыт” диэн
драматын туруоран, оройуоҥҥа ыытыллар драмалары көрүүгэ иккис миэстэ
буолбуппут. Бу драманы өссө чочуйан, тупсаран үгүстүк гастроллаабыппыт.
Чурапчы уонна Таатта оройуоннарыгар, бэйэбит оройуоммут чугастааҕы нэ-
һилиэктэригэр оонньоон дьону-сэргэни дьиҥ-чахчы сөхтөрбүппүт. Драмаҕа
Агафья Митрофанова, Галина Комиссарова, Мария Игнатьева, Иван Бурцев,
Дмитрий Бысыин-2, Иннокентий Бурнашев, Василий Аргунов-Прядезников,
Иван Аргунов, Прокопий Егоров оруолларыгар олус эппиэтинэстээхтик сы-
һыаннаһан, уобарастарын олус үчүгэйдик арыйбыттара. Оттон декорация-
ны кулууп директора Д.Д.Бысыин уолунаан Дималыын адьас субу буола ту-
рар курдук ойуулаан, тутан оҥорбуттара. Уопсайынан, Дмитрий Дмитриевич
директордыыр кэмигэр дьон олус көхтөөх, кулууп ыытар дьаһалларыгар олус
кыттар этилэр.
Санааны холбоон, бииргэ үлэлээһин оччоттон баччааҥҥа диэри сити-
һиилээх буолар. Урукку ситиһиилэрбитин төрүттэспит кулууп үлэһиттэри-
гэр Екатерина, Христина Аргуноваларга, Александра, Алексей Бысыиннар-
га, Дмитрий Бысыин-2, партийнай уонна комсомольскай тэрилтэлэр секре-
тардарыгар П.И.Аргуновка, Г.Н.Комиссароваҕа, оскуола директора В.М.Куд-
ринаҕа, дьахтар кэмитиэтигэр, бөһүөлэк ыччатгарыгар барҕа махтал тылла-
рын этэрбит.
Елена Константиновна Тарабукина,
педагогическай үлэ ветерана

248