Page 313 - Уйбаан Бахсылыырап. Сэрии кэмин оҕолоро - эйэлээх олох уустара

Ивановна эмиэ педагог, химия уонна биология учуутала, иккиэн үлэ вете-
раннара. Хоруновтар икки уол, икки кыыс оҕолоохтор. Оҕолоро бары үрдүк
уонна орто анал үөрэхтээхтэр, ыал буолбут дьоннор, элбэх сиэннэри бэлэх-
тээтилэр. Сурдьум кэргэнинээн оҕолорун, сиэннэрин ортотугар бочуоттаах
сынньалаҥҥа олороллор.
Онон аҕабыт Тимофей Семенович, ийэбит Варвара Константиновна Хо-
руновтар олохторо салҕанан баран иһэр, ааттара ааттанар. Биһиги аҕа амарах
тапталын билбэтэх дьоҥҥо, баар-суох дурдабыт-хаххабыт ийэбит этэ. Кини
сырдык аатыгар сүгүрүйүүм, бу орто дойдуга баарым тухары сүтүө-уостуо
суоҕа. Оҕолорум, сиэннэрим эбэлэрэ Варвара Константиновна баар буолан,
утум салҕанан, кинилэр олоҕу салгыылларын өйдүөхтэрэ, сыаналыахтара дии
саныыбын! Улуу Кыайыы күнэ биһиги дьиэ кэргэҥҥэ улахан суолталаах,
барыбытын түмэр, ситимниир, дьоммутун ахтан-санаан ааһар үтүө быраа-
һынньык буолар.
Бу кылгас ахтыым түмүгэр Уйбаан Уйбаанабыска, тус бэйэтин баҕаты-
нан үгүс үлэни ыытан, улахан эппиэтинэһи сүгэн олус наадалаах кинигэни
оноро сылдьарыгар махтанабын! Сэрии ыарахан кэмигэр эйэни туруулас-
пыт, кыайыыны уһансыбыт ытык дьоммутун ааттарын сурукка киллэрэн
үйэтитии, бу билиҥҥи олохпут ирдэбилэ. Ону Уйбаан Бахсылыырап, чахчы
өйдөөн маннык үлэлии-хамсыы сылдьарыгар, биһиги сэрии тулаайахтарын,
сэрии кэмин оҕолорун барыбыт аатыттан өссө төгүл улахан махталбытын
тириэрдэбин уонна инникитин суруйар-айар үлэтигэр үрдүк ситиһиилэри,
бары үтүөнү, кэрэни баҕарабын!
Павлина Тимофеевна Хорунова-Корякина,
сибээс үлэтин ветерана,
Бэрт Ууһун нэһилиэгин бочуоттаах гражданина.
2012 с., муус устар

СПОРТ, ҮЛЭ УҺУН ҮЙЭЛИИР

Сэрии суоһар сылларын саҕаланыыта аҕыс сааһын томтойо туолбут Нас-
таа кыыска үйэтин тухары өйүгэр умнуллубаттыы хатанан хаалбыт. “Ханна
эрэ ырыых-ыраах сэрии буолбут, өстөөхтөр Москубаҕа чугаһаабыттар үһү.
Ол иһин биһиги дьоммут Москубаны көмүскэһэ сэриигэ бараллар үһү,” —
диэн дьон сибигинэһэн кэпсэтэрин сэрбэллибит кыысчаан өйдөөн хаалбыт.
Онтон дьон-сэргэ аҕыйаан, оҕо-дьахтар, оҕонньор-эмээхсин эрэ хаалбытын,
бэл кинилэри, оҕолору, үлэҕэ таһаарар буолбуттарын өйдүүр. Сылтан сыл
хатыланар уот курааннар, аһыҥа үөн, өрт уота, аччыктааһын, дьон хоргуйан
өлүүтэ, бу барыта уон саастаах оҕоҕо, кэлин үлэһит да буолбут киһиэхэ ум-
нуллубат ыар баттык.
Аҕата Заболоцкай Михаил Васильевич “Кыһыл Танда” холкуоска сылгы-
һытынан, биригэдьииринэн үлэлээбитэ. Ийэлэрэ Андросова Анисия Инно-
кентьевна эрдэ өлөн кыракый Настааччыйа кыыс кыһалҕалаах олоҕу эрдэт-
тэн билбитэ. Сэрии эрэ иннинэ оскуола аанын аспыт Настаа кыыс тулаайах
буолан, сэрии саҕаланарын кытта үөрэхтэн тохтуурга күһэллибитэ. Тандыгы
үрэҕэр олохтоох оҕото-уруута суох Готовцев Софрон Софронович кэргэнэ
Анна Тимофеевна бэйэлэригэр ылан илии-атах үлэһит оҥостубуттара.
Бииргэ төрөөбүт балтын Сменаны эмиэ атын ыал көрбүтэ. Настаа кыыс
сэрии сылларыгар от үлэтигэр бугул түгэҕэ харбааһыныгар, от мунньуутугар
улахан дьоннуун тэҥҥэ үс туман түһүөр диэри үлэлээн хачыгырайара. Аны

309