Page 315 - Уйбаан Бахсылыырап. Сэрии кэмин оҕолоро - эйэлээх олох уустара
P. 315
* * *
А.М.Заболоцкая бииргэ төрөөбүт балта, эмиэ сэрии кэмин оҕото Забо-
лоцкая Смена Михайловна, ыал буолан Чурапчы улууһун Дириҥ бөһүөлэгэр
олохсуйбута. Үс кыыс, биир уол оҕолоох, биэс сиэннээх, хос сиэннээх. Сме-
на Михайловна пенсияҕа тахсыар диэри совхозка бухгалтерынан үлэлээбитэ,
уус-уран самодеятельность актыыбынай кыттыылааҕа.
Заболоцкай Михаил Васильевич сэрии кэнниттэн иккистээн кэргэннэ-
нэн Колодезникова Надежда Федоровналыын ыал буолбуттара. Кинилэр үс
оҕоломмуттара, ол эрээри Михаил Васильевич, оҕолоро кыраларыгар, 1950
сыллаахха, олохтон барбыта.
Мэхээлэлээх Нөнүөһэ улахан кыыстара Заболоцкая Надежда Михайлов-
на ССРС культуратын туйгуна, СР культуратын үтүөлээх үлэһитэ. Надежда
Михайловна уһун сылларга Чурапчы норуодунай театрын режиссерунан үлэ-
лээбитэ. РФ уонна СР журналистарын союһун чилиэнэ, Чурапчы улууһун,
Уус-Алдан улууһун Байаҕантай нэһилиэгин бочуоттаах гражданина, үлэ ве-
терана. Икки кыыс, биир уол оҕо ийэтэ, биэс сиэн, хос сиэн эбэтэ.
Заболоцкай Анатолий Михайлович СР физическэй культуратын үтүөлээх
үлэһитэ. “Дети Саха-Азия” фонда стипендиата. Чэпчэки атлетикаҕа ССРС
спордун маастарыгар кандидат, сүүрүүгэ Саха республикатын алта төгүллээх
чемпиона, элбэх төгүллээх призера. Анатолий Заболоцкай Саха сиригэр
ыытыллыбыт I марафон кыайыылааҕа, марафоҥҥа республика экс-чемпиона.
А.М.Заболоцкай Уус-Алдан улууһун, Байаҕантай нэһилиэгин бочуоттаах граж-
данина. Кэргэннээх, уол оҕолоох, сиэннээх. Россия спордун ветерана А.М.
Заболоцкай 2009 сыллаахха баара-суоҕа 59 сааһыгар уһун ыарахан ыарыыт-
тан олохтон барбыта.
Бырааттара Иннокентий Михайлович Заболоцкай Таатта улууһун Дэб-
диргэ бөһүөлэгэр олохсуйан олорор. СР культуратын туйгуна. Кэргэннээх,
биэс оҕолоох, сиэннэрдээх. Ити курдук Михаил Васильевич Заболоцкай олоҕо
оҕолорунан, кэнчээри ыччаттарынан салҕанан аата ааттана турар.
* * *
Настя Заболоцкая оскуола кэнниттэн комсомольскай путевканан холкуоска
ыанньыксытынан үлэлии тахсыбыта. Салгыы үөрэниэ эбитэ буолуо да, тулаа-
йах аҥаардаах кыыһы: “Эн үөрэххэ бар, үөрэхтээх киһи буол”, — диэн сүбэ-
лиир-амалыыр, көмөлөһөр киһи көстүбэтэҕэ. Онтон Настя бэйэтэ биир үксүн
“тохтуу-тохтуу үөрэнэммин чиҥ билиини ылбатым уонна сааһым да ыраатта
диэн,” үөрэххэ талаһа сатаабатаҕа. Оччолорго оскуола кэнниттэн производ-
стваҕа үлэлээһин эбээһинэс курдук буолан эрэр кэмэ этэ, онон хотон үлэти-
гэр ыччат элбэх этэ.
Итинник үлэлии сылдьан Анастасия Михайловна олоҕун аргыһын Неус-
троев Коммунар Никитиһи көрсөн олохторун холбообуттара. Коммунар Ни-
китич “Герой Егоров” холкуос Тандатааҕы биригээдэтин биригэдьииринэн
үлэлээбитэ, кэлин биригээдэ бастыҥ тракториһа буолбута. Эдэр ыал утуу-
субуу кэриэтэ биэс оҕоҕо күн сирин көрдөрбүттэрэ. Ол эрээри Коммунар
Никитич уһуннук олорор дьылҕата суох эбит этэ, баара-суоҕа 49 сааһыгар
ыарахан ыарыыга ыалдьан олохтон туораабыта. Анастасия Михайловна төһө
да соҕотох хааллар, улахан сыратын биэрэн, оҕолорун үөрэттэрэн бары идэ-
лээх үлэһит буолалларын ситиспитэ.
Улахан уола Никита Коммунарович 30 сыл устата сопхуоска, кэлин “Танда”
311
