Page 309 - Уйбаан Бахсылыырап. Сэрии кэмин оҕолоро - эйэлээх олох уустара

Ийэм Варвара Константиновна, сиэннэрэ Варвара Аҕам Хорунов Тимофей
Васильевна, Павлина Тимофеевна, Василий Семенович.
Васильевич. 1938 с.

тайҕаҕа сылдьар булчут оҕонньор да буоллар: “Кииринньэҥ дьахтар оҕолор-
бун атаҕастыаҕа”, — диэн иккистээн ойох ылбатах. Онон ийэм барахсан:
“Дьиэ-уот көрөр буолан оскуолаҕа үөрэммэтэҕим, үөрэнэр оҕолорго олус ым-
сыырар этим”, — диэн кэпсээхтиирэ.
Ийэлээх аҕабыт ааспыт үйэ отутус сылларын бүтүүтэ ыал буолбуттар.
Улахан уоллара Юра 1938 сыл, мин 1940 сыл, бырааппыт Леонид аҕата сэриигэ
барбытын кэннэ 1943 сылга төрөөбүппүт. Аҕабыт сэриигэ барбытын уонна
кыргыс толоонугар охтубутун кэннэ ийэбит үс оҕотун үгүс эрэйи көрөн, эл-
бэҕи үлэлээн, биһигини атахпытыгар туруорбута. Ийэбит барахсан улахан
сатабыллаах уонна үчүгэй хаһаайка буолан биһигини улаханнык тулаайах-
сыппакка улаатыннарбыта. Киһини өйдүөхпүттэн биһиги бэйэбит бас билэр
дьиэбит суоҕа. Ийэбит хайа тэрилтэҕэ үлэлиир да, ыт уйатын курдук кыара-
ҕас да буоллар туспа хос биэрэллэрэ. Онон биирдэ даҕаны ыалы кытта дьукаах
олорботохпут.
Биһиэхэ саамай көмө буолбут дьонунан аҕабыт ийэлээх аҕата уонна бииргэ
төрөөбүт эдьиийэ Анастасия Семеновна буолаллар. Ийэбит ханнык да үлэт-
тэн толлон турбат, туруу үлэһит киһи этэ. Сэрии сылларыгар ийэбит, Варва-
ра Константиновна, “Леспромхозка” биэс көлүүр атынан наар мас таспыт.
Ийэбит биирдэ эмэ: “Олус ыарахан үлэ этэ”, — диэн кэпсээхтиирэ. Аны
сайынын колхозка үүт астааччынан, арыы оҥорооччунан үлэлээбит. Ынах
арыытын уулларан баран оргуһуохха сүгэн атын сиргэ илдьэн туттарар эбит.
Арай биирдэ оннук икки биэдэрэ ууллубут арыыны оргуһуохха санныгар
сүгэн баран иһэн, атын ыллык суолунан баран, тиийиэхтээх сиригэр тиий-
бэккэ мунан хаалбыт. Күнү быһа төттөрү-таары мэскэйдэнэригэр хааппыла
арыыны тохпокко, икки биэдэрэ арыыны сүгэ сылдьыбыт, олуһун диэн сан-
на ыалдьыбыт, сылайбыт. Хата киэһээҥҥи хонук саҕана тиийиэхтээх сирин
этэҥҥэ булан, арыытын дьэ туттарбыт. Оччолорго сокуон кытаанах, арыы-
тын тохпута дуу, кыайан тиэрдибэтэҕэ буоллар дуу хаайыыга да барар куттал
баара үһү. Байыаннай кэм ирдэбилэ оннук буоллаҕа.
Кэнники Мухтуйаҕа сэттэ кылаастаах оскуолаҕа оһох оттооччунан үлэлээ-
битэ. Бу сэттэ халааҥка оһох оттуллар маһын уолунаан Юралыын көмөлөөн
хайыталлара, убайым салаасканан соһон сэттэ оһоххо оттуллар маһы бары-
тын кыстыыра. Итинник үлэ күн аайы буолара. Маны таһынан Сэбиэккэ
20 Заказ № 52
305