Page 314 - Уйбаан Бахсылыырап. Сэрии кэмин оҕолоро - эйэлээх олох уустара

Анастасия Михайловна Анастасия Михайловна кэргэнэ Коммунар
Заболоцкая Никитич Неустроевтыын

холкуоска сыыппараҕа түһэр саһаан маһын эрбээһиҥҥэ эрбии аҥаар тутаа-
ҕын эмиэ тутара. Онтон охторуллубут мас мутугун хомуйуу, хайдыбыт маһы
саһааннааһын — ол барыта оҕолор үлэлэрэ этэ. Тулаайах кыыһы “сээн, бу
барахсаны” диэччи аҕыйаҕа, хата сорук-боллур оҥостооччу үгүс этэ. Кыыс-
чаан оҕо эрдэҕиттэн кытыгырас уонна улахан дьон эппитин “тук” курдук
толорон иһэр буолан, аһыыр айаҕар сиик-таммах киллэринэн син киһи буол-
бута. Сопуруон оҕонньордооххо үс сыл олорбутун кэннэ нэһилиэк Сэбиэтэ
“булан ылан” Тандаҕа киллэрэн холкуоһунай интэринээккэ олохтоон үөрэт-
тэрбиттэрэ. Үөрэх бүппүтүн кэннэ сайыннары ол интэринээккэ олорон хол-
куоска тугу соруйалларынан, үксүгэр от, бурдук үлэтигэр үлэлиирэ.
Настя Заболоцкаяҕа оскуола аана үһүстээн сэрии кэнниттэн, Кыайыы
буолбутун кэннэ эрэ аһыллыбыта. Танда оскуолатыгар үөрэнэ сырыттаҕына
1947 сыллаахха Н.Н.Тарскай учууталлыы кэлбитэ. Николай Николаевич Тан-
да оскуолатыгар үлэлиир кэмигэр үөрэнээччилэри хайыһарынан күүскэ дьа-
рыктаабыта. Дьэ, манна ким хайыһарга сыһыаннааҕа, атаҕар үчүгэйэ биллэн
барбыта. Н.Н.Тарскай Тандаҕа биир кыһын үлэлээн баран, Мүрү орто оскуо-
латыгар учууталлыы киирбитэ. Бу киирэригэр хайыһарга дьоҕурдаах Настя
Заболоцкаяны бэйэтин кытта илдьэ барбыта. Интэринээт нуорматыгар олох-
тоон үөрэттэрбитэ эрээри, кыыһы бэйэтин кытта олордон хайыһарынан өссө
күүскэ дьарыктаабыта.
Ол түмүгэр Мүрү орто оскуолатын үөрэнээччитэ Настя Заболоцкая 1950
сыл үөрэнээччилэр V республикатааҕы күрэхтэһиилэригэр 5 км сүүрэн чем-
пионнаабыта. Онтон 1951 сыл үөрэнээччилэр VI республиканскай күрэхтэ-
һиилэригэр 5-8 км дистанцияҕа II миэстэни ылбыта. А.М.Заболоцкая итин-
ник күрэхтэһиилэргэ кыттыытын түмүгэр хайыһарга I разряд нуорматын
толорбута. Н.Н.Тарскай Мүрү орто оскуолатыгар икки сыл учууталлаан ба-
ран соҕуруу үөрэнэ барбыта. Инньэ гынан Настя интэринээтигэр төннөн,
онно олорон үөрэнэн оскуоланы 1957 сыллаахха бүтэрбитэ. Эрдэлээн эттэх-
хэ, оройуон биир чулуу хайыһардьытын А.М.Заболоцкаяны спорт биллэр
пропагандистара И.М.Жирков уонна И.И.Захаров Саха сиригэр физкультур-
най хамсааһын 80 сылыгар анаан оҥорбут “Уус-Алдан чулуу спортсменнара”
( XX үйэ ) диэн кинигэлэригэр (2004) киллэрбиттэрэ. Бу биллэн турар Анас-
тасия Михайловна спорка ситиһиитин улахан билинии этэ.

310