Page 316 - Уйбаан Бахсылыырап. Сэрии кэмин оҕолоро - эйэлээх олох уустара
P. 316
Олороллор Анастасия Михайловна, Валентина Никитична. Тураллар Розалия
Гаврильевна, Никита Коммунарович, Анисия Коммунаровна, Михаил
Коммунарович, Варвара Коммунаровна. Танда, 2004 с.
СПК-ҕа тракториһынан үлэлиир. Ветеринар идэлээх кэргэнэ Галина Алексеев-
налыын уол уонна икки кыыс оҕолоохтор, алта сиэннээхтэр.
Кыра уола Михаил Коммунарович идэтинэн ветеринар үөрэхтээх. Кэргэнэ
Лидия Прокопьевна үрдүк үөрэхтээх ветврач, идэтинэн үлэлиир. Михаиллаах
өр кэмҥэ Үөһээ Бүлүүгэ олорбуттара, үлэлээбиттэрэ. Михаил дойдутугар
көһөн кэлэн баран уон иккис сылын “Танда” СПК-ҕа эмиэ тракториһынан
үлэлиир. Неустроевтар түөрт уол, биир кыыс оҕолоохтор, биэс сиэннээхтэр.
Анастасия Михайловна улахан кыыһа Варвара Коммунаровна идэтинэн
зоотехник-тэрийээччи. Варя 1978 сыл Танда орто оскуолатын бүтэрэн баран,
комсомольскай путевканан “Герой Егоров” сопхуоска, Танда отделениеты-
гар 8 сыл ыанньыксытынан үтүө суобастаахтык үлэлээбитэ. Кэргэнинээн
Чурапчы улууһутган төрүтгээх Хомподоев Николай Саввичтыын 1988 сыллаахха
тыа хаһаайыстыбатын техникумун бүтэриэхтэриттэн сопхуоска агрономунан,
зоотехнигынан ананан үлэлээбиттэрэ. Ол курдук Варвара Коммунаровна зоо-
технигынан 24 сыл үлэлээн кэллэ. Кэргэнэ Николай Саввич ити сыллар ту-
хары “Танда” СПК председателинэн үлэлии-хамсыы сылдьар. Варвара Ком-
мунаровна СР тыатын хаһаайыстыбатын туйгуна, Байаҕантай нэһилиэгин
бочуоттаах олохтооҕо.
Неустроевтар орто кыыстара Анисия Коммунаровна идэтинэн эмиэ вете-
ринар. Билигин Чурапчы улууһун Арыылааҕар олорор, оҕо садыгар үлэлиир.
Икки уола үрдүк үөрэххэ геолог уонна биолог идэтигэр үөрэнэллэр.
Аччыгый кыыс Розалия Гаврильевна Хаҥалас улууһун Нөмүгү нэһилиэ-
гэр олохсуйан ыал буолан олорор. Кэргэнинээн Петр Сергеевичтиин иккиэн
ветеринар идэлээхтэр. Эдэр ыал биир уол, икки кыыс оҕолоохтор.
Ааспыт үйэ 90-с сылларын саҥатыгар олохпут укулаата төрдүттэн ула-
рыйан, тыа хаһаайыстыбатыгар ыһыллыы буолбутугар, “Герой Егоров” соп-
хуос дьоно эмиэ бытарыйан, чааһынай уонна бааһынай хаһаайыстыбалар
буолуталаабыттара. Өр сылларга холбоһуктааһын үлэтэ кыайыылааҕын эти-
312
