Page 319 - Уйбаан Бахсылыырап. Сэрии кэмин оҕолоро - эйэлээх олох уустара

бодьуустаһарын сөбүлүүр. Кини эмиэ Феня курдук үчүгэй үөрэхтээх, “Тан-
да” үөрэнээччилэр научнай обществоларын чилиэнэ. Оҕолор оҕуруоттарын
бары көмөлөөн көрөллөр.
Бу дьиэ-кэргэн биригээдэтэ “Танда” тыа хаһаайыстыбатын производ-
ственнай кооперативын кытта дуогабардаһан үлэлиир. Онон оҕолор улахан
дьону кытта тэҥ ҥ э хамнас аахсаллар, дьиэ-кэргэн экономикатын
бөҕөргөтүһэллэр. Күһүн төрөппүттэр тэрийиилэринэн куоракка күүлэйдээн
кэлэллэр.
Биригээдэ дьоно сайын устата 40 т үүтү ыаннар сүөгэйдииллэр, арыы-
лыыллар. Кинилэр 5000 кэриҥэ куурусса сымыытын, 100 киилэ хаптаҕаһы, 100
киилэ моонньоҕону, 20 киилэ дьэдьэни, 100 киилэ уулаах отону соҕотуопка-
лаатылар. Анна Михайловна салалтатынан сайыҥҥы биир күүстээх үлэнэн
эмтээх оттору үргээн хаһаанар идэлэммиттэр. Оҕолор бу үлэҕэ эмиэ сыстан
бэркэ кичэйэн хомуйсаллар. Эмтээх оту хомуйуу бэйэтэ туспа быраабылалар-
даах мындыр үлэ. Оҕолор айылҕа эмтиир күүһүн итэҕэйэ, билэ үөрэнэллэрэ
кэнэҕэски олохторугар олус туһалаах буолара саарбахтаммат суол.
Сайылык өн’ буоругар сиэмэ түһүө эрэ кэрэх, өрө анньан тахсар. Көрдөххө
быыкаайык сиэмэттэн бастаан күөх от бытыгыраан тахсарын, онтон сибэк-
килэнэн баран ас кутарын кыра оҕо сайын устата кэтээн көрдөҕүнэ дириҥ
дуоһуйууну ылар, элбэххэ үөрэнэр. Кырдьыга даҕаны 500 киилэ оҕурсуну,
помидору уонна да атын астары, 1500 киилэ хортуоппуйу сүүһүнэн биэдэрэ
ууну тастаххына эрэ үүннэрэҕин. Ол курдук өлгөм үүнүү үлэттэн эрэ кэлэр.
Маны таһынан оҕолор сайылыктарын историятын үөрэтэллэр, интэриэ-
һиргииллэр. Тоҕо Сытыган диэн ааттаммыта, онтон Хабыыча дэммитэ ба-
рыта киэҥ кэпсээннээх.
«Манна бука барыгыт өбүгэлэргит олоро сылдьыбыттара. Бу биһиги оло-
робут. Онтон эһиги баһылаан-көһүлээн хаалыаххыт», — диэн Анастасия Ми-
хайловна оҕолору үөрэтэр-такайар. Онон оҕолор кыра саастарыттан өбүгэ
сирин-уотун, аҕаларын алааһын туһунан сырдык өйдөбүллэнэллэр. Бу ман-
нык үтүө өйдөбүл кинилэри саастарын тухары араҥаччылыыр күүс буола-
рын уһун олоҕу олорбут Анастасия Михайловна Заболоцкая олус үчүгэйдик
билэр. Сайылык биир күүстээх өрүтүнэн оҕону дьиҥнээх саха тыыныгар
иитии, саха омук былыргытын сөргүтүү, сайыннарыы буолар.
Элэккэй-эйэҕэс Феня кыыс “Сайылыгым барахсан” диэн ыллаан эйээр-
дэҕинэ, ол сайылыкка тиийиэххин баҕараҕын.

Анна Федоровна Местникова, Танда орто оскуолатын иитэр үлэҕэ
завуһа, Ефросинья Константиновна Колодезникова, төрөппүт кэмитиэтин
председателэ, 2003 с.

КУЛЬТУРА, СПОРТ ВЕТЕРАНА

З.З.Гоголевтыын киинэ эйгэтигэр улэлиэхпиттэн билсэн, син элбэхтэ
атах тэпсэн олорон кэпсэппипнит буолуо. Сэттэ уонус сыллар бутуулэ-
ригэр Захар Захаровичтаах Бороҕоҥҥо дьиэ туттубуттарыгар, оччо-
лорго уоттарын боробуотун тардан биэрэммин, аҕа табаарыһым махта-
лын ылбытым. Ол тардыбыт уотум боробуота өргө диэри сулууспалаан,
адьас аҕыйах сыллааҕыта саҥардыбыттар. Аны аҕыс уонус сыллартан
кини төрөөбүт Хомустааҕар олохсуйаммын төрүт да бэйэ киһитэ буол-
бутум.

315