Page 320 - Уйбаан Бахсылыырап. Сэрии кэмин оҕолоро - эйэлээх олох уустара
P. 320
Биһиги саҕана киинэ эйгэтигэр улэлээбит дьон улэлэригэр дьи/г-чахчы
бэриниилээхтэрин, аҥаардас Захар Захарович биир сырыытын кэпсээтэх-
хэ да өйдүөххэ сөп. Өлуөнэ эбэбит суола сабыллан, массыына сырыыта
тохтообут кэмэ. Киинэ былаанын толоруу оччолорго хайаан да ирдэнэр,
туолбатаҕына улахан буруй курдук буолар этэ. Оройуон киинигэр баар
“Лружба ” кинотеатр директора З.З. Гоголев өрүһү сатыы туораан, Дьо-
куускай киинэтин прокатыттан, оччолорго «срочнай» диэн ааттанар,
элбэх киһи интэриэһиргээн көрөр, харчыны оҥорор, саҥа киинэни салаас-
канан соһон таһаарбытын туһунан номох курдук кэпсэнэрэ. Кырдьыга да
“Дружба ” кинотеатр үлэһиттэрэ үлэлэригэр бары да бэриниилээх дьон
этилэр.
Билсиҥ, мин хаһыат үлэһитэ буола сылдьан З.З.Гоголев олоҕун туһу-
нан кылгастык ахтан ааспыт сурукпун.
Захар Захарович Гоголев Лөгөй нэһилиэгэр тө-
рөөбүтэ, улааппыта. Оскуола кэнниттэн 1959 сыллаах-
ха колхоз бырабылыанньатын дьаһалынан Хомуста-
ахха Ааҕар балаҕан сэбиэдиссэйинэн ананан үлэтин
саҕалаабыта. Оччолорго билигин да үлэлии турар ку-
лууп саҥа тутулла турар кэмэ этэ. Онон Ааҕар бала-
ҕан ыал эрэ дьиэтигэр үлэлиирэ. Манна биир ыска-
апка толору кинигэ дьаарыстанан турара, биир осту-
олга хаһыат өрөһөлөнөрө. Дьон ааҕар өртө мантан кэ-
лэн кинигэ, хаһыат уларсан бараллара. Онтон кыр-
дьаҕастарга Захар Захарович дьиэлэринэн сылдьан ха-
һыат сонуннарын, кинигэлэртэн быстах кэпсээннэ-
ри ааҕыталаан биэрэрэ.
Күһүн кулууп тутуута бүтэн үлэҕэ киирбитэ. Аны Ааҕар балаҕан диэн
аата тохтоон, сельскэй кулууп диэн аатынан саҥа, оччотооҕуга киэҥ-куоҥ
дьиэ ааттанар буолбута. Ити 1960 сыл, оройуоннааҕы культура сэбиэдиссэйэ
Тарскай Семен Павлович тахсан кулууп тугу үлэлиэхтээҕин туһунан дакылаат
оҥорбута уонна культура отделын бирикээһинэн З.З.Гоголев кулууп сэбиэ-
диссэйинэн анаммытын иһитиннэрбитэ. Оччолорго эдэр ыччат көргө-нарга
тардыһыыта олус улахан этэ. Араҥас, Үҥкүр диэн кыстык сирдэртэн сатыы,
ат көлөнөн концерт кэмигэр бэлэмнэнэ кулуупка кэлэллэрэ. Биир кыһын
кулууп сэбиэдиссэйэ Араҥас кыстыгар 6-7 кыыс ыччат сүөһүнү көрөн оло-
роллорун икки көлө атынан аҕалар, илдьэр буолбута. Дьэ, ол иһин ыччат
түмсүүлээх, концертарга актыыбынайдык, көхтөөхтүк кыттара.
Кэлин Хомустаахха оскуола аһыллыбытын кэннэ учууталлар Аммосов
Антон Петрович, Нестерова Люция Петровна кулууп үлэтигэр улахан көмөнү
оҥорор буолбуттара. Хомустаах кулуубун сэбиэдиссэйин З.З.Гоголев таһаа-
рыылаах үлэтэ биир кэмҥэ “Кыым” хаһыакка хайҕанан турар. Оччолорго бу
республикаҕа соҕотох улахан хаһыакка хайҕаныы, кыра бөһүөлэк кулуубун
улахан ситиһиитэ этэ. Захар Захарович бу үлэтигэр үтүө суобастаахтык 1964
сылга доруобуйатынан эмкэ барыар диэри үлэлээбитэ. Доруобуйатын көннөрөн
баран, кэлин уһун кэмҥэ киносеть салаатыгар эмиэ эҥкилэ суох үлэлээбитэ.
Билигин кини Бороҕоҥҥо, этэр курдук, бочуоттаах сынньалаҥҥа тахсан оло-
рон хаһаайыстыбатынан дьарыктанар, сүөһү ииттэр. Оройуон киинигэр сүөһү-
ас ииттэр бэйэтэ туһунан кыһалҕа, элбэх үлэни, сыраны-сылбаны эрэйэр. Бу
барыта оҕолору атахтарыгар туруоруу, үөрэхтээх дьон буолалларын туһугар
үлэ буоллаҕа.
316
