Page 321 - Уйбаан Бахсылыырап. Сэрии кэмин оҕолоро - эйэлээх олох уустара

Спорду, чуолаан сүүрүүнү кэрэхсээччилэр 50-с сыллар бүтүүлэригэр За-
хар Гоголев диэн иннин биэрбэт сүүрүк баарын умна илик буолуохтаахтар.
Захар Захарович Ийэ айылҕа биэрбитинэн оҕо эрдэҕиттэн атаҕынан олус
кытыгырас этэ. Тойон Мүрү алаас арҕаа эҥээринээҕи быллаардарынан ач-
чыгый Захар тэннээхтэрин куруук куота сүүрэрэ. Захар оскуолаҕа үөрэнэ да
сылдьан, сүүрүүнэн анаан дьарыктамматаҕа. Кини спортивнай күрэхтэһиигэ
аан бастаан 50-с сылларга Лысенко аатынан бөдөҥсүйбүт колхоз ыһыаҕар
кыттыбыта. Онно кини 100 м дистанцияны 11,9 сөкүүндэ кэлэн Лөгөй нэһи-
лиэгин рекордун олохтообута. Бу рекорд кэлин өргө диэри хамсаабакка тур-
бута. Итинтэн саҕаланан араас күрэхтэһиилэргэ кыттан, Захар Захарович
оройуон биир күүстээх сүүрүгүнэн биллэн барбыта. Ол эрээри Захар Захаро-
вич баара эрэ 22 сааһыгар улаханнык ыалдьан спортан тохтуурга күһэллиби-
тэ. Кэлин ыарыыттан арыый өрүттэн баран кыра күрэхтэһиилэргэ эмиэ кыт-
тар буолбута. Профсоюзтар спартакиадаларыгар спорт ветераннарыгар 100 м
дистанцияҕа эстафетаҕа бастакы этапка бастаан, национальнай ыстаныылар
үс көрүҥнэригэр үһүс миэстэ буолуталаан сыаналаах бириистэргэ тиксиби-
тэ. Дьиҥэр З.З.Гоголев оччолорго анаан дьарыктаммыта буоллар, өрөспүү-
бүлүкэҕэ да күрэхтэһэр кыахтааҕа.
Айылҕаттан бэриллибит сылайбат сындааһыннаах спорт ветерана били-
гин даҕаны ыһыахтарга бэйэтин тэҥнээхтэрин кытта эрбии тииһинии тэҥҥэ
эрийсэр.
1997 с. тохсунньу 16 күнэ

Мантан аллара сэрии кэмин оҕотун, культура уонна спорт ветерана З.З.Го-
голев бэйэтин уонна кинини кытта бииргэ үлэлээбит дьон ахтыыларын бил-
сиэҕиҥ.
ТЫА САБАРАЙЫН КҮӨГЭЛЭПТЭРЭ

Тыа Сабарайын Күөгэлэптэрэ — Тойон Мүрү арҕаа куулатыгар үөскээн-
төрөөн Илин Кэтэх, Арҕаа Кэтэх, Бүтэйдээх нтөх алаастарынан сүөһү-ас ииттэн
олорбуттар. Биһиги хос эһэбит Силип Күөгэлэп, дьон ааттыырынан, Силип
Туомускай бэрт сытыы-хотуу, хомоҕой тыллаах-өстөөх, атаҕынан лаппа кыанар
киһи эбит. Кини Көмүстээх Бодойбоҕо хаста да баран кэлбитэ үһү. Ону ааһан
Томскай куоракка тиийэ сылдьыбыта биллэр, ол да иһин Силип Туомускай
диэн ааттаннаҕа. Кини уола Лукааскы сэниэ ыал буолбут. Лукааскы Күөгэлэп
кыстык алааһа Илин Кэтэх алаас, сайылыга Мүрү алааһын биир улуу тумула
Чомчоҕой эбит. Биһиги аҕабытынан төрөөбүт эһэбит Лукаа Силиппэбис саха-
лыы ийэ өйдөөх, сатабыллаах уонна дьаһаллаах, дьонугар-сэргэтигэр улаханнык
ытыктанар кырдьаҕас эбит. Ол да иһин “Мүрү Лукаата дуо!” диэн ытыктабыл-
лаахтык аагганара үһү. Эһэбит Илин Кэтэххэ көмүлүөк уонна кирпииччэ оһох-
тоох улахан саха балаҕаннааҕа. Алааһын арҕаа үрдүгэр Бүтэйдээх өтөххө уонна
Маарыйа алаас сайылыгар биирдии сытыары эркиннэрдээх “нуучча” дьиэлэр-
дээҕэ. Эһэбит ити баайыттан холбоһуктааһын кэмигэр сүөһүтүн, дьиэлэрин
уонна икки ааннаах ампаарын холкуоска баҕа өттүнэн холбообут.
Биһиги аҕабыт Гоголев Захар Лукич — Лукааскы иккис уола. Аҕабыт
ханнык да оскуолаҕа биир күн үөрэммэтэх киһи. Ол эрэн сахалыы холкутук
ааҕар, сыыһата суох суруйар этэ. Маннык киһини этэн эрдэхтэрэ “халлаан
үөрэхтээҕэ” диэн. Арааһата, үөрэҕэ суох сахалар сөҕөр-махтайар, хайгыыр
этиилэрэ буоллаҕа дуу!
Ийэбит Гоголева Матрена Афанасьевна Дойду Сабарайын, Өлүөнэ өрүс

317