Page 326 - Уйбаан Бахсылыырап. Сэрии кэмин оҕолоро - эйэлээх олох уустара

киһи омнуолуура туох да суохха дылы. Дьон сиэринэн икки уол, биир кыыс
оҕону төрөтөн, улаатыннаран, үөрэттэрэн дьон оҥортоотубут. Оҕолорбут үһүөн
үрдүк үөрэхтээх, талбыт идэлэринэн үлэлии-хамсыы, Дьокуускайга дьиэлэ-
нэн-уоттанан олороллор. Улахан уолбут Филипп ветврач, Кешабыт оҕо бы-
рааһа, Машабыт терапевт-быраас. Оҕолор бары ыал буоланнар, биһиэхэ сиэн
диэн минньигэс дьон сытын биллэрбиттэриттэн олуһун үөрэбит, астынабыт.
Ааспыт 2011 сыл ахсынньытыгар ыал буолбуппут 50 сылын — кыһыл
көмүс сыбаайбабытын оҕолорбут Дьокуускайга үрдүк таһымнаахтык тэрийэн
ыыттылар. Онно доҕор-атас, аймах-билэ дьоммут кэлэн эҕэрдэлээн истиҥ
тыллары, үтүө-баҕа санааларын этэн барбыттара. Махтал буолуохтун кини-
лэргэ барыларыгар, үтүө санаалара бэйэлэрин арыаллаатын!
Бу барыта, биһиги, олох олорбут сирдээҕи дьолбут!
Захар Захарович Гоголев,
үлэ уонна спорт ветерана,
2012 с. кулун тутар

Бииргэ үлэлээбит кэмнэрбин үчүгэйдик саныыбын

Киномеханиктар курстарын бүтэрэн баран Орто-Халымаҕа Романовка диэн
кыра учаастакка ананан тиийэн үлэлээбитим. Онно АБ-1 мотуорунан уот
бэринэн, “Украина-7” кинопроекторынан киинэ көрдөрөрүм. Хоту дойдуга
хас да сыл үлэлээн баран дойдубар Уус-Алдаҥҥа кэлбитим уонна 1979 сыл-
тан “Дружба” кинотеатрга киномеханигынан үлэҕэ киирбитим. Оччолорго
“Дружба” кинотеатр директорынан Захар Захарович Гоголев, старшай кино-
механигынан Константин Петрович Аманатов, кассирынан Мария Григорьевна
Жиркова, контролерунан Пелагея Иннокентьевна Бочкарева үлэлииллэрэ.
Бу киинэ ветераннара бары да үлэлэригэр олус бэриниилээх уонна эппиэти-
нэстээх дьон этилэр. Оччолорго былааны толорбот буолуу туох эрэ буруйу
оҥорууга тэҥнээҕэ. Мин үлэҕэ киирбитим кэннэ аҕыйах сыл буолан баран
К.П.Аманатов пенсияҕа тахсыбыта, кини оннугар мин старшай киномехани-
гынан анаммытым. Директорбыт З.З.Гоголев быһаччы дьаһалынан киинэ
былаанын толорор сыалтан, суол суох кэмигэр, Өлүөнэ өрүһү сатыы туора-
ан, Чохтоох Хаҥаластан автобуһунан айаннаан, Дьокуускайтан прокаттан
киинэ ылан баран киинэбитин өрүс мууһугар салаасканан соһон, сороҕун
сүгэн туоратарбыт. Үчүгэй киинэни эккирэтэн итинник хаста да сылдьы-
быппыт. Биир сырыыга киинэ ветераннара, Суоттуттан М.Е.Неустроева, Уус-
Күөлтэн И.Ф.Винокуров сэтинньи тымныы, тыаллаах баҕайы күнүгэр биһи-
гини кытта киинэ аҕалсыбыттарын өйдүүбүн.
З.З.Гоголев “Дружба” кинотеатрга коллективы түмэ тардар, киинэ көрдө-
рүүтүн былаанын сатаан аттаран оҥорор буолан, биһиги былааммытын өрүү
аһара толорор этибит. Өссө сайынын сынньалаҥ уонна культура паркатыгар
кытта киинэ көрдөрөрбүт. Түмсүүлээх уонна үлэҕэ бары биир киһи курдук
сыһыаннаһар буолан, оройуон иһигэр киноустановкалар социалистическай
куоталаһыыларыгар хаста да бастыы сылдьыбыппыт. Захар Захарович маны
таһынан араас субуотунньуктарга үлэлэри уонна сынньалаҥы аттаран, табан
дьаһайара. Мин, З.З.Гоголев “Дружба” кинотеатрга директордыыр сыллары-
гар бииргэ үлэлээбиппин үчүгэйдик саныыбын.

Василий Тимофеевич Дегтярев,
Россия бочуоттаах кинематографиһа

322