Page 329 - Уйбаан Бахсылыырап. Сэрии кэмин оҕолоро - эйэлээх олох уустара

ньытыттан өйүттэн олус элбэҕи ааҕара. Кини литературнай куруһуогу ыыта-
ра. Мин бу строкаларбын кини сырдык кэриэһигэр анаабытым:

Улууспут киэн туттуутун,
Дириҥ билии кылаатын,
Үгүс көлүөнэ учууталын
Улуу убайбын саныыбын.
Ийэ дойдутун ыар кэмигэр
Өстөөхтөрдүүн өһөрсө,
Охсуһуу инники кирбиитигэр
Кыргыспыта саа тутан!
Мүрү эбэ барахсан
Аартыктарын, тумулларын
Таптыыр уолуҥ суруйан
Үйэлэргэ биллиэ, ааҕыллыа.
Саха омук төрдүн-ууһун,
Сүрэхпитигэр сөҥөн сылдьар
Олоҥхобут уран тылын
Сырдаппытыҥ бар дьоҥҥор,
Таптыыр норуоккар иитиллибит
Ытык иэскин толордуҥ,
Олоххун үтүөҕэ анаабытыҥ
Үйэлэр тухары ахтыллыа!
Ааҕыы баар эбит киһини өрө тардааччы, дьэбэрэттэн хостооччу. Миигин
ииппит, үүннэрбит иккис оскуолам оройуоннааҕы библиотека буолар. Ол
курдук күн аайы кэриэтэ библиотекаҕа сүүрэрим, ааҕар залаҕа киирэн уһун-
нук ааҕарым. Кэпсээннэри ааҕарым таһынан хоһооннорго эмиэ ылларбы-
тым. Бэйэм кэминээҕи сорох оҕолор курдук хоһоон суруйбута буоларым.
Онус кылааһы бүтэрэр сылбар, 1950 сылтан доҕордоспут Николай Федоро-
вым-Моото хаайан, саас “Оҕолор үөрэнэ бардылар” диэн хоһооммун “Кыым”
хаһыакка ыыппытым. Ону “Кыымҥа” ити сыл бэс ыйын 5 күнүнээҕи нүөмэргэ
бэчээттээбит этилэр:
Самолет ыраата айанныы
Күөх көбүөр сирбиттэн бу көттө,
Сырдык күн анныгар кылбаҥныы
Хотойдуу үрдүктүк күөрэйдэ.
Киин сиргэ хотугу дойдуттан
Оҕолор үөрэнэ бардыгыт,
Аллара элбэх дьон мунньустан
Далбаатаан атаара хаалабыт.
Буолуоххут аҕыйах сылынан
Геологтар, врачтар, артистар,
Көҥүллүк үөрэнэн, күүс ылан
Барыны быһарар кадрдар.
Самолет харахтан дьэ сүтэр,
Оҕолор үөрэнэ бардылар,
Үчүгэй истэргэ, саныырга
Сүрэхпитин Москва көһүтэр.

325