Page 327 - Уйбаан Бахсылыырап. Сэрии кэмин оҕолоро - эйэлээх олох уустара

ОЛОХ СУОЛУНАН АЙАНЫМ

Оҕо сааһым сэрии, сут дьылларга ааспыта. Бээ-
рийэ нэһилиэгэр сэрии иэдээннээх сылларыгар кыр-
дьаҕас дьону аахпатахха аччыктаан уонна араас ыары-
ылартан, сорохторо тоҥон, 16 кыра оҕо өлбүтэ.
Мин ийэлээх аҕам Бээрийэ нэһилиэгин “Туру-
гурдуу” холкуос дьоно, алаастарыттан ханна да ыра-
аппатах, үөрэҕэ суох холкуостаахтар этэ. Аҕам Павел
Павлович уонна ийэм Парасковья Самсоновна (Ко-
пырина) Дегтяревтар барыта 13 оҕоломмуттар да, оҕо
турбатах. Миигин 1929 сыл кулун тутар 10 күнүгэр
Убаһалаах диэн алааска олорон төрөппүттэр. Ити уон
үс оҕоттон эдьиийим Ульяна Павловна, мин уонна
быраатым Иннокентий Павлович эрэ дьон буолбуп-
пут. Иннокентий Павлович Омскайдааҕы тыа хаһаайыстыбатын институту-
гар үөрэнэн учуонай-агроном идэтин ылбыта. Кэлин Дьокуускайга СГУ био-
логическай факультетыгар үөрэнэн, учуутал идэлэнэн Түүлээх оскуолатыгар
уһуннук үлэлээбитэ. Эдьиийим Ульяна Павловна үөрэҕэ суох, инбэлиит буо-
лан улаханнык үлэлээбэтэҕэ, миигин батыһа сылдьыбыта, биир кыыс оҕолоох.
Мин оскуолаҕа 1937 с. Бээрийэ оскуолатыгар үөрэнэ киирбитим. Оччо-
лорго уонна сэрии сылларыгар Бээрийэ оскуолатыгар учууталларынан Васи-
льев Федор Иванович, Турантаев Николай Николаевич, Васильев Иван Ива-
нович, Попов Александр Сергеевич, Готовцев Иннокентий Федорович, Го-
товцев Михаил Васильевич, Петров Василий Кузьмич, Егоров Семен Васи-
льевич үлэлээбиттэрэ. Ити кэнниттэн сут-кураан сатыылаан дьонум биир
сыл үөрэттэрбэтэхтэрэ. Аны 1942 сыл аҕам куртаҕынан ыалдьан өлбүтэ. Оч-
чолорго кини 55-56 эрэ саастаах быһыылааҕа. Сэрии сылларыгар биһиги
үксүбүт аҕата суох оҕолор, 7-14 сааспытыгар улахан дьону кытта тэҥҥэ сыл-
дьан холкуос араас үлэтигэр барытыгар үлэлиирбит. Онон үлэлиир буолам-
мыт нуорма бурдук сыыһа ылан, бука, тыыннаах хааллахпыт.

Сэрии кэмигэр көрбүппүн
Харааста санаан өйдүүбүн,
Аччыктаан өлөр оҕолор
Иэҕэҥнии олороллор...
Аһардым аҕыс уоммун,
Дьылҕа хаан уһаттын...
Сут дьыл оҕолоро кулгаахпар
Уһуннук да ытыыллар!

Ити аҕам өллөҕүн сыл Танда оскуолатыгар интэринээккэ олорон үөрэм-
митим. Онно биһигини учууталлар Федоров Михаил Владимирович, Аммо-
сова Мария Егоровна, Заболоцкай Ананий Васильевич, Таскин Иннокентий
Васильевич, Игнатьев Георгий Николаевич, Олесов Николай Сергеевич, Тар-
скай Николай Николаевич уонна кини кэргэнэ Серкина Людмила Петровна
үөрэппиттэрэ. Миигин кытта бииргэ үөрэммит оҕолорбуттан Готовцев Анд-
рейы, Заболоцкай Тихоны, Софронов Петры, Аржаков Степаны, Окоемов
Николайы, Охлопков Иннокентийы, Колодезникова Машаны өйдүүбүн.
21*
323