Page 332 - Уйбаан Бахсылыырап. Сэрии кэмин оҕолоро - эйэлээх олох уустара

сииннээх, сырдык хааннаах, бэйэтин кыанар киһи, сонор суолугар күн ах-
сын аар тайҕаны кэрийэн өттүк харалаах, илии тутуурдаах киирэрэ. Онон
Гриша, аҕата бултаабыт куобаҕынан, балыгынан аһаан аччыктыыр диэн ту-
гун билбэтэҕэ. Бөтүрүөптэр атыттарга холоотоххо, ол курдук, кэм киэһэ аһыыр-
даах буолан сэрии сылларын этэҥҥэ туораабыттара.
Киргиэлэй сэрии да кэнниттэн хас да сыл кадровай булчутунан үлэлээ-
битэ. Кэлин сүүрүк аттары баайааччы идэлэнэн, оройуоҥҥа биллэр хас да
сүүрүк аттары баайбыта. Кини баайбыт “Гриш” диэн атыыра республикаҕа
тиийэ сүүрэн бастаабыта. Киргиэлэй оҕонньор аҕыйах саҥалаах, холку май-
гылаах “сир түннүгэ” киһи буолан, кыһалҕалаахтар үгүстүк киниэхэ сүбэлэ-
тэ-амалата кэлэн кини ыллыктаах тылларын истэн, сүбэтин ылынан барал-
лар эбит. Гриша ийэтэ Феврония Дмитриевна, “оҕону кытта оҕо, кырдьаҕаһы
кытта кырдьаҕас” дэммит элэккэй майгылаах, түргэн туттунуулаах, барыны-
бары бүтэрэ-оһоро сылдьар асчыт бастыҥа дьахтар этэ. Петровтар өрүү эл-
бэх ыалдьыттаах, хоноһолоох буолаллара. Сэрии ыар да сылларыгар кини-
лэр элбэх быстыбыкка-ойдубукка өрүһүлтэ буолбуттара диэн кырдьаҕастар
хойукка диэри кэпсииллэрэ үһү.
Этэҥҥэ олордоххо күн-дьыл түргэнник ааһара кырдьык. Ийэлэрэ Хобо-
роос уола Гриша 29 саастааҕар, оҕото ыал буолбутун, кини аатын ылбыт
сиэн кыыһы көрөн баран, 1966 сыллаахха, Киргиэлэй кырдьаҕас 89 сааһыгар
1973 сыллаахха төрөппүт соҕотох уолугар сытан бүөбэйдэтэн, бу орто дойду
олоҕуттан арахсыбыттара. Онон кырдьаҕастар төрөппүт оҕоломмуттарын би-
лэн, чэпчэки санаалаах сытан көмүс уҥуохтарын көтөхтөрдөхтөрө.

Үйэ чиэппэрэ биир саахала суох

Киргиэлэй оҕонньор уолун Гришаны кыра эрдэҕиттэн батыһыннара
сылдьан үлэҕэ барытыгар үөрэппитэ-такайбыта мээнэҕэ хаалбатаҕа. Уол хол-
куос саҕана тэҥнээхтэрин кытта кирпииччэ үктээһинигэр үлэлиирэ, от үлэ-
тигэр оҕус сиэтэрэ, өйүө таһара. Гриша Петров Мүрү орто оскуолатыгар 7
кылаас үөрэҕи бүтэрэн баран, “Победа” холкуоска эмиэ илии-атах үлэлэргэ
үлэлэспитинэн барбыта.
Ити сылдьан аймаҕа киһи Петров Василий Григорьевич суоппардыыр
кэмигэр массыына ыыта үөрэммитэ. Итинтэн сиэттэрэн оччотооҕу оройуон
иһигэр баар МТС-ка трактористар курстара аһыллыбытыгар үөрэнэн трак-
торист идэтин ылбыта. Эдэркээн уол трактор уруулугар олорон саас, күһүн
бааһыналарга сир хоруттарара, кыһын фермаларга от тиэйэрэ, сайынын от
үлэтигэр сылдьара. Оччолорго Хатыҥ-Сыһыыга аҕыйах дьиэлээх да буоллар
бөһүөлэк баара, онно Гриша бөһүөлэккэ дизелинэн уот биэрэрэ. Ол эрээри
эдэр киһи баҕа санаата массыына уруулугар олоруу этэ. Дьэ, ол иһин Григо-
рий Петров 1966-1967 сылларга Нам оройуонугар Граф биэрэгэр баар учили-
щеҕа суоппардар биир сыллаах курстарын үөрэнэн бүтэрбитэ. Үөрэҕин бүтэ-
рэн кэлэрин кытта саҥа суоппарга эргэ үүт таһар массыынаны туттарбыттара.
Оччотооҕу “Маяк” холкуос Уһун-Күөл сайылыгыттан саҕалаан Куотука-
нан, Бүөр-Күөлүнэн, Чаҕыдыманан, Чараҥ бөһүөлэгин Илин-Бас ферматы-
нан кэрийэн куруусчутунаан Сэмэн Буурсаптыын сарсыарда эрдэлээн, киэһэ
хойутаан үүттэрин массыына сицтернатыгар биэдэрэнэн кутан, ол үүттэрин
Бороҕоҥҥо эт-үүт кэмбинээтигэр киллэрэн туттараллара. Итинник күн ах-
сын: кураан буоллун, ардах буоллун. Оччолорго суол билиҥҥи курдук буолуо
дуо, барыта буор суол. Күһүҥҥү ардахтарга суоппар хаста эрэйдэммитин
бэйэтэ биллэҕэ.

328