Page 328 - Уйбаан Бахсылыырап. Сэрии кэмин оҕолоро - эйэлээх олох уустара

Дорообо, интэринээтим
Умнуллубат барахсаным,
Арыт ытаабыт Тандам,
Бу аччыктаабыт дьиэм.
Норуот өлөр-тиллэр
Уһун сэрии сыллара
Бүтэн да биэрбэттэрэ
Сут, тымныы ыйдара.
Үс сыл ииппитиҥ
Уу хааһынан интэринээт,
Мүччү-хаччы түһэн
Син тыыннаах хаалбыппыт.
Күҥҥэ дьулуһар үүнээйи —
Угуйар этэ билии.
Олох эрийэн-мускуйан
Үлэһит дьон оҥорбутуҥ.
Билигин ытаабаппын,
Махтана саныыбын,
Кэлэр көлүөнэ амсайбатын
Кыллаах бурдук хааһытын!
Танда оскуолатын 1947 сыл бүтэрэн, ити сыл Мүрү орто оскуолатыгар
үөрэнэ киирбитим. Тохсус кылааһы бүтэрэн баран ыалдьаммын, үс сыл эмкэ
сыппытым. Мүрү орто оскуолатыгар үөрэнэрбэр бастаан директордарынан
Никифоров Сергей Иванович, кэлин Никифоров Андрей Григорьевич үлэ-
лээбиттэрэ.
Ити сылларга сэрииттэн этэҥҥэ эргиллэн кэлбит Николай Данилович
Бурцев, Георгий Петрович Захаров, Афанасий Иванович Федоров уонна аҥаар
илиитэ суох нуучча учуутала В.К.Городилов үлэлээбиттэрэ. Физиканы Вик-
тор Андреевич Кимерс, историяны Алексей Николаевич Слепцов, алгебра-
ны Вера Ивановна Масленникова, химияны Георгий Васильевич Данилов,
черчениены Дмитрий Гаврильевич Павлов, физкультураны Николай Нико-
лаевич Тарскай физкультураны үөрэппиттэрэ. Соҕуруу уобаластартан кэлбит
нуучча учууталлара олус холкуларын, оҕоҕо кыыһырбаттарын сөҕөр этим.
Мөлтөхтүк билэр буоллаххына, тугу эмэ кыайбатаххына: “Туох буолуой, си-
тиһиэҕиҥ, кытаат, дьарыктан”, — диэн санааҕын күүһүрдэ сатыыллара. Ор-
дук Вера Ивановна Масленникованы кытта чугастык бодоруспуппут. Мин
Ганя Бурцевтыын Иркутскайга үөрэнэ сырыттахпытына соҕуруу дойдутугар
тиийбит учууталбыт биһигини кытта суруйсара, хайдах үөрэнэрбитин өрүү
ыйыталаһара. Онтон Рыбкина Ия Петровна айылҕаттан учуутал буоларга
айыллыбыт курдуга. Улуу нуучча тылынан киһи иһиттэр истиэх курдук лоп-
бааччы, ханнык да сыыс тыла суох кэпсиирэ. Поэт Николай Литвинцев учу-
уталыгар анаабыт хоһоонугар:

Мин билэбин, эн тыһыынчанан
Сүрэхтэргэ уоту оттубуккун,

— диэн кэрэ строкалары анаабыта мээнэҕэ буолбатах. Семен Онуфрьевич
Онопров химияны үөрэтэрэ. Олус сымнаҕас, куруук үөрэ, мичээрдии сылдь-
ар учууталбын умнубаппын. Николай Данилович Бурцев сахатын тылын олус
таптыырын, дириҥ билиилээҕин көрдөрөн үөрэтэрэ. Норуот уус-уран айым-

324