Page 402 - Уйбаан Бахсылыырап. Сэрии кэмин оҕолоро - эйэлээх олох уустара
P. 402
Күндү Ваня, дорообо!
Истиҥ эҕэрдэлэриҥ, үтүө баҕа санааларыҥ иһин долгуйан, үөрэн туран
махталбын этэрбин көҥүллээ. Эн суруктарыҥ, эҕэрдэлэриҥ миигин наһаа
үөрдэллэр, эдэр-сэнэх сылларбын, эһиги кыраҕытын, үлэбитин-үөрэхпитин
санаталлар, долгуталлар. Атын да, мин үөрэппит оҕолорум куһаҕана суох
өйдөбүллээхтэрэ буолуо да, эн курдук умнубакка, өрүү өйдүү сылдьар үтүө
дууһалаах төһө эбитэ буоллаҥ! Мин эйиэхэ махталым мунура суох. Эн бэлэх-
тээбит кинигэҕин, открыткаларгын, суруктаргын илдьэ сылдьабын уонна
саамай күндү малларым курдук саныыбын.
Били биэстэ эпэрээссийэлэнэ сытан, өлөр-тиллэр саҕана оҕолорум су-
руктара санаабын наһаа көтөхпүттэрэ, үтүөрэрбэр улахан көмө буолбуттара.
Ол суруктары эмиэ илдьэ сылдьабын, сөп-сөп ылан ааҕабын. Киһиэхэ киһи
кыра да үтүө баҕата, киһилии сыһыана, биир эйигин өйүүр тыла улахан
суолталааҕын онно билбитим.
Ваня, хоһоонноргун аахтым. Куһаҕан критикпин, сатаан ырыппаппын,
ол эрэн олус иэйиилээх, ис дууһаттан тахсыбыт тыллардаах хоһооннор. Ийэ-
лээх аҕа улахан миэстэни ылаллара, төрөөбүт буорга таптал, эдэр саас иэйии-
лээх таптала барыта киһилии амарах дууһалаах авторы бигэргэтэллэр. Кытаат,
суруй, ай. Ситиһиилэри баҕарабын!
~ 14.03.1994 сыл, Чыаппара бөһүөлэгэ
Күндү Ваня, дорообо!
Туох ханнык иннинэ истиҥ суруктарыҥ, миэхэ итии-амарах сыһыаныҥ
иһин долгуйан туран махталбын тутаргар көрдөһөбүн. Уонна бу иннинэ су-
руйбатахпын бырастыы гынаргар эрэнэбин. Сайын оҥостон туран суруйуом
дии сылдьан эмиэ ыалдьан хаалан суруйбатаҕым. Өрүү суруйар былааннаах
этим эрээри кыаллыбатаҕа. Атырдьах ыйа бүтүүтэ харахпар приступ киирэн
куоракка көрдөрбүтүм. Глаукома диэн буолта. Инньэ гынан балыыһаҕа ый
сытан икки харахпын операциялатан таҕыстым. Онон улаханнык соһуйан
да, хомойон да олоробун. Саатар хараҕым эрэ ыалдьыа диэбэккэ сылдьыбы-
тым. Онто да суох син биир киһи ыалдьарын, эрэйдэнэрин билбит курдук
этим. Онтум өссө да итэҕэс эбит... Бээ, мин бэйэм кыһалҕабын эйиэхэ соҥ-
ноомуум. Эн истибэтэх курдук тутун. (Это минута слабости. )
Билигин олоробун, аны үлэлээн бүттэхпит. Былырыын народнай педа-
гогика советын нэһилиэккэ салайбытым. Бэрткэ саҕалаан үлэ бөҕөнү ыып-
пыппыт. Быйыл эмиэ үлэлиир санаалаах этим, былаан бөҕө этэ. Аны кыайан
үлэлээбэт буоллаҕым дии, хомойбут иһин хайыахпыный?!
Ваня, редакцияҕа үлэлии киирбиккинэн эҕэрдэлиибин! Мин саныахпар
бэрт үлэҕэ киирбиккин. Эн суруйаргын сөбүлүүр киһи миэстэҥ редакцияҕа
буоллаҕа дии. Ыстатыйаларыҥ “Саҥа олоххо” тахсаллар. Биһиги дьиэ иһэ
мэлдьи ааҕабыт, сэҥээрэбит, биһириибит. Суруйар темаларыҥ да актуаль-
найдар, тылыҥ-өһүҥ да үчүгэй. Онон суруйа тур диэн алгыыбын. үчүгэй
дьон туһунан, боростуой дьон туһунан өрүү суруйар буол. Дууһаларынан
дьон туһа диэн үлэлии-үлэлии биирдэ да ааттара ааттамматах төһөлөөх интэ-
риэһинэй дьарыктаах, талааннаах ураты дьон бааллара буолуойн Почта кэл-
лэр эрэ хаһыаты ааҕыы буолар. Эн ыстатыйаҥ баар буолла да, бары: “Эн
Ваняҥ суруйбут”, — диэн буолар. Билигин харах мөлтөөн кинигэни, хаһыа-
398
