Page 18 - Сэрии сылын о5олоро - Дүпсүн оскуолатыгар

Оскуолабыт олбуорун тула титирик ойуур этэ, иннигэр элбэх оноһуу
спортивнай тэриллэрдээх площадка баара.
Оҕо сааһым ааспыт оскуолабыт кырдалын олус да күндүтүк саныыбын,
олуһун суохтуубун. ахтабын. Оскуола олбуорун иһигэр элбэх оҕолоох ыаллар
олороллоро. Оскуола таһынааҕы күөх хонууга лапталыырбыт, олох бүтүө суох
дьону дьом.мут ыҥыран тохтуурбут, арыт волейболлаан тэйэрбит, мээчик
көстүбэт буолуута дьиэбитигэр тарҕаһарбыт. Субботаҕа, сынньалаҥҥа нуучча
учууталлара, дэриэбинэ оҕолоро мустаннар бары лапталыырбыт, көр-нар бөҕө
буолара. Билигин санаатахха олус да үчүгэй кэмнэр ааспыттара.
Дүөҥтүгэ биэ гутар сарай, биэни ыырга аналлаах күрүө-хаһаа туппуттара.
Биэни кыбычаан курдук сиргэ киллэрэн ыылларын көрөөрү дэриэбинэ оҕолоро
күөх хонууга кэчигирэһэн олорорбут. Биэлэр кыбычаанҥа кииримээри
мөхсөллөр аххан, ону биһиги билиггни «мультик» курдук соһуйа-өмүрэ
көрөрбүт, сорохтор куттаналлара. Биэлэри үс эдьиийдии былыстыылар, саха
кыраһыабай дьахталлара Натаалдьыйа, Анна, Харычыана уонна Анна Федорова
үөрэ-көтө гүргэн баҕайытык ыыллара. Натаалдьыйа куруускаҕа биэ үүгүн кутан
кэчигирэһэн олорор оҕолорго амсатара, ону хаһан да умнубаппын, эмиий үүтүн
курдук амтаннааҕа.
Вася Иванов - 40-с сыллар бүтүүлэрин саҕанааҕы өйдөбүлүм сүнньүнэн
кыаммат олохтуһунан хаалбыт. Ийэбит ырбаахытын тэллэҕиттэн тутуһа сылдьан
убайым Болуодъалыын наар лэппиэскэ көрдүүрбүт. Дэлэҕэ биирдэ Болуодьа:
«Лэппиэскэ биэрбэт буоллаххына бүгүн күнү быһа онолуйаа-сыналыйаа
инибин» — дии дии ытаабытын хойуккадиэри ахталлара.
Ийэм барахсан ыһыырынньык барык-сарык сырдыгар иистэнэ олорорун
наар көрөбүн, сороҕор тугу эрэ абырахтыыр, сороҕор этэрбэс тигэр, сороҕор
этэрбэс улларар уонна онтун ытырар. Билигин үгүс дьон этэрбэс ыгырар диэн
тугун өйдөөбөттөрө буолуо. Этэрбэһи улларан эбэтэр абырахтаан баран сиигин
устун ытыраллар этэ. Дьэ ол олорон сороҕор утуктуур, онтон эмискэ уһуктан
эмиэ иистэммитинэн барара.
Мин 5-6 саастаахпар эдьиийбинээн Биэрискэлиин биир эмээхсиҥнэ мас
эрбээбиппит. Маһын эрбээн бүттэхпитинэ наар аһатара үһү. Ардыгар
барарбытыгар бухааҥка аҥаара хара килиэби биэрэрэ, ону эдьиийим хоонньугар
уктан дьиэбитигэр аҕачарбыт, ол килиэп дьыргыйан түһэн, олус да сытыы
минньигэс этэ.
Миигин ийэм алталаах-сэттэлээх сааспыттан эдьиийбин солбуйан хотон н о
илдьэ барара. Ордук гүүн ынах төрүүрүн манаһарым. Оччолорго ынах түүн
гөрүүр буоллаҕына дайаарка хайаан да кэтэһэн төрөтөн, ньирэйин салатан,
уоһаҕын ыан барытын дьаһайан баран дьиэтигэр барара, онно мин тымтык тугар
сүрүн үлэлээҕим.
Биһиги ийэбит кыһьи өн нөөх дьааһыктаах этэ. Ол дьааһыкка таҥаспыт
туомун угара. Дьааһык саамай түгэҕэр биир муннутар оҕо эргэ баайыы үтүлүгүн
иһигэр биир куһуок саахар баара. Болуодьа биһиги ол улахан кисгэлэҥ буоларын
адьас кырабыгыттан билэрбит уонна кистээн-кистээн биирдэ эмэ ылан салаан
баран төттөрү угарбыт. Биһиги тоҕо эрэ ийэбититтэн ыйыппат этибит, кордөөбөт
да этибит. Кэлин билбиппит аҕабыт сэриигэ барарыгар хаалларбытын кэриэс
гынан уура сылдьаахтаабыт эбит. Аҕабытыттан барыбытыгар хаалбыт суос-
соҕотох кэриэс ол саахар эгэ, дьөрү хаартыската да суох.
Коля Литвннцсв - Сэрии кэннинээҕи кэ.м буолан биһиги үксүбүт да олус
боросгуой таҥастаах-саптаах этибит, сайынын тобукпут кытара сылдьар
ыстааннаах, кыһынын сороҕор угунньата быга сылдьар ынах этэрбэстээх. ол
кыһалҕалаах сыллары туораабыппыт.
Оччотооҕуга дьоммут дохуоту көлөһүн күнүнэн аахсаллара. Сорох үлэһит
киһи 1000-тан тахса көлөһүн күнүн аахсара. Дохуот элбэх буоллаҕына түҥэтиккэ
оҕус сыарҕатынан тиэйэн кэлэр дохуоту ылаллара, оччоҕо оҕо-аймах аҕалыын-
уруулуун олус үөрэр буоларбыт.

16