Page 101 - Тыыннаахтар олох олорор аналлаахатр

Сэрии буойунун огдообото, Үлэ Кыһыл Знамята орден
кавалера Марфа Семеновна соҕотох уола Семен Семенович
ийэтин аатын ааттата, кини өтөҕүн сөргүтэн сайын ахсын
Хомустаахха кэргэнинээн, оҕолорунаан тахсан сайылыыл-
лар. Тэлгэһэ күөх кырсыгар Марфа Семеновна хос сиэннэ-
рэ күөлэһийэ оонньууллар!..

Клавдия Дмитриевна бу суруйуутугар сэрии буойунун
огдооботун уола Семен Семенович Никифоров ийэтин ту-
һунан ахтыытын эбии киллэрэбин. Ахтыы «Эргиллибэтэх,
ол эрээри кыайтарбатах саллаат уола» (2005 сыл. «Сайдам»
кинигэ издательствота) кинигэҕэ суруллубута. Олохтон эрдэ
барбыт С.С.Никифоров туһунан ахтыыны биир дойдулааҕа,
эмиэ сэрии кэмин оҕото, Хомустаах олохтооҕо Роман Пе-
трович Попов хомуйан оҥорбута. (У.Б.)

Дьонун-сэргэтин дууһатыгар орүү тыыннаах
Күһүҥҥү хараҥа түүн, ардах тохтообокко курулатар. Дэ-
риэбинэ иһэ им-дьим. Арай онно-манна ыттар үрэллэрэ
иһиллэр. Хомустаах дэриэбинэтин бэс чагдата күлүгүрэн,
лүҥкүрбүт сири-халлааны кытта силбэспиккэ дылы буолбут.
Уулусса устун орто уҥуохтаах дьахтар оҕотун батыһыннаран,
түҥ-тан’ түһэн, улахан чалбахгары тумна-тумна, маҕаһыын
диэки баран иһэр. Кини маҕаһыын олбуорун ыарахан кү-

У.Бахсылыырап, С.С.Никифоро». 2000 с.