Page 99 - Тыыннаахтар олох олорор аналлаахатр

ыалдьан өлөөхтөөбүтэ... Колхуос салалтата, Сэмэн Жирко-
ву, саас Дьокуускайга тырахтарыыстар курстарыгар үөрэххэ
ыыппыта. Сэмэн бу үөрэҕин бүтэрээри сырыттаҕына сэ-
рии саҕаланан, хат сылдьар кэргэнин көрсүбэккэ даҕаны,
маҥнайгы хомуурга түбэһэн аармыйаҕа барбыта. Кэтириис
ити күһүн кыыс оҕону төрөппүтэ. Кыыстара үкчү аҕатын
курдук хап-хара киэҥ харахтааҕа, күлбүт курдук сымнаҕастык
көрөрө. Ол иһин бөһүөлэк дьоно бары көрө-көрө таптыыл-
лара. Кэтириис кыыһын төрөппүт дьонугар хаалларан баран
оройуон киинигэр лесхозка үлэлии киирбитэ. Ити үлэлии
сырыттаҕына, 1942 сыл саҥатыгар «Танкист С.Н.Жирков сэ-
риилэһэ сылдьан хорсуннар өлүүлэригэр өллө» диэн биллэ-
риитэ кэлбитэ. Екатерина Романовна аһыыта-абата итинэн
эрэ бүппэтэҕэ. Ити сыл муус устар ыйга орону сыҥаһалаан
хааман эрэр кыысчаана эмиэ тымныйан ыалдьан аҕыйах эрэ
хонон хаалта. Кэтириис кэргэнин уонна оҕотун аһыылара
холбоһон киһи тулуйбат гына уйа-хайа суох ытыыра. Итин-
ник иэдээн кэнниттэн, Кэтириис эрэйдээх, өйүнэн уонна
сүрэҕинэн ыалдьа сылдьыбыта... «Кэм-кэрдии үтүө эмчит»
— диэн мээнэҕэ эппэттэр, Кэтириис кэлин арыый аматы-
йан, үлэлии-хамсыы сылдьап Троев Иван Петрович диэн
киһиэхэ эргэ тахсыбыта. Кинилэр улахан кыыстара Альбина
художественнай училищены бүтэрэн баран учууталлаабыта.
Билигин пенсияҕа тахсан Дьокуускайга олорор. Любалара
эргиэҥҥэ суот-учуот үлэтигэр үлэлээбитэ, биир уоллаах.
Ольгалара үрдүк үөрэхтээх библиотекарь, кыыстаах уол
оҕолоох. Онон Екатерина Романовна сэрии кэмигэр төһө да
улахан охсууну ыллар, кэлин олох салҕанар айылгытынан,
оҕолонон-урууланан билигин аата ааттанар.

Попова Марфа Семеновна «Куоталаһыы» колхуоска үлэ-
лиирэ. Мааппа аҥаардас аҕаҕа ыал улахан оҕото буолан, сур-
дьулаах балтын көрөөрү-истээри колхуос үлэтиттэн тохтоо-
бута. Киниэхэ Мүрү сельпота «Куоталаһыы» колхуоска
атыылааччынан үлэлииригэр бирикээс таһаарбыта. Онон
тулаайах хаалбыт сурдьун Мэхээлэни, балтын Илииһэни
Мааппа бэйэтэ көрөн-истэн атахтарыгар туруортаабыта,
үөрэхтээн ыал оҥортообута. Ол курдук сурдьа Михаил Се-
менович быраабы араҥаччылыыр суут үлэһитэ буолбута,
кэргэннэнэн түөрт оҕоломмута. Балта Елизавета Семеновна
үрүҥ халааттаах аанньал буолан сааһын тухары сиэстэрэнэн