Page 102 - Тыыннаахтар олох олорор аналлаахатр

лүүһүн халыгыратан аста уонна кыра уол бүрүнэн кэлбит
ыскаатарын тэнитэн, табаардаах дьааһыктары бүрүйдэ. Ол
үрдүнэн ыарахан хаптаһыннарынан баттатан кэбистэ. Ол-
буор түгэҕин диэки кэбиһиилээх от курдук кыстаммыт куул-
лаах бурдуктары саппыт бириһиэнин тыал тэлимнэтэ тура-
рын, тимир булан сиргэ хам баттатта. Маны барытын утуйа
сытар оҕотун үллүйэ, суорҕанын хайа сылдьар ийэ курдук
кичэллээхтик оҥордо. Ол кэнниттэн маҕаһыын дьиэтин
эргийэ хаамтылар, сургууһунан бэчээттэммит күлүүһү ис-
пиискэ уматан одууласта уонна уоскуйбуттуу үөһэ тыынаат,
оҕотунаан дьиэлэрин диэки бара турдулар...
Мааппа биир нэдиэлэҕэ тиийэр өйүө лэппиэскэтин бэр-
кэ кэмчилээн, мас холбуйаҕа уура сылдьан аһаан Мүрү
начальнай оскуолатыгар үөрэнэрэ. Кини төрдүс кылааһы
бүтэрээри сырыттаҕына, ийэтэ эрдэ өлөн, үөрэҕиттэн уура-
йан, хаһаайыстыбаны көрүү түбүгэр түспүтэ. Ити 1930
сыллаахха этэ. Ол курдук кини «Куоталаһыы» колхозка
кыһынын сүоһү корүүтүгэр, сайынын хонуу үлэтигэр сыл-
дьыбыта. Өрүү үөрэ-көтө, мичилийэ сылдьара, улгум кыыс
кырдьаҕастар сорудахтарын толоро элэстэнэ сүүрэрэ.
Олох устан испитэ. Ол кэмҥэ курбуу курдук уҥуохтаах,
күлбүт-үөрбүт комсомолец уол Мааппаны таба көрбүтэ.
Кини Лөгөй нэһилиэгин Сэбиэтин исполкомун бэрэссэдээ-
тэлэ Семен Гаврильевич Никифоров диэн этэ. Эдэрдэр 1942
сыллаахха ыал буолбуттара. Кинилэр дьоллорун Аҕа дойду
уодаһыннаах сэриитэ былдьаабыта. Ыал буолан олорбуттара
аҕыйах ый ааһаатын кытта, 1942 сыллаахха сайын, Семен
Никифоров фроҥҥа аттаммыта. Кини 1943 сыл сэтинньи
22 күнүгэр, 348 стрелковай дивизия састаабыгар Витебскэй
туһаайыытынан Ийэ дойдутун туһугар хорсуннук сэриилэһэ
сылдьан сырдык тыынын толук уурбута. Витебскэй уоба-
лас Лиозненскай оройуонун Адаменки дэриэбинэтигэр кө-
мүс уҥуоҕа хаалбыта. Кини олоҕун салгыыта — уол оҕо тө-
рөөбүтэ. Киниэхэ аҕатын аатын биэрбиттэрэ...
Үлэҕэ үорүйэх, олус чиэһинэй, дьоҥҥо эйэҕэс сыһыан-
наах Мааппаны, Мүрү сельпотун бырабылыанньатын уураа-
ҕынан, 1942 сыллаахха «Куоталаһыы» колхоз Хомустаахтаа-
ҕы маҕаһыыныгар атыылааччынан аныыллар. Онтон ыла 30
сыл устата харыс да халбарыйбакка, биир өрөбүлэ, уоппус-
ката суох атыылаһааччыларын үөрэ-көтө көрсө, Атыыһыт
Мааппа диэн ааттанан үлэлээн-хамсаан кэлбитэ. Өр сыл
үлэлээтим диэн өҥө ааҕынары өйүгэр оҕустарбакка, үйэтин