Page 75 - Тыыннаахтар олох олорор аналлаахатр

күүстээх үлэтин сыаналаан чиэстээбиттэрэ, бочуотгаабыт-
гара. Ол курдук Кыайыы күнүгэр «стенкэ» миэбэлинэн би-
риэмийэлээбиттэрэ, «Сэрии огдообото» диэн ааттаап Бочуо-
гунай грамота туттарбыттара. Мин сэрии тулаайар буолан
сокуоннай сааспын туолуохпар диэри ый аайы 18 солкуобай-
даах пособие ыларым. Төрөөбүт дойдубар Бэйдин эҕэ Улуу
Кыайыы 60 сылыгар аналлаах үбүлүөйдээх бырааһынньыкка
ыҥыраннар бочуоттаабыттара. Ол үөрүүлээх күн төрообүт
аҕабын Сивцев Егор Васильевиһы элбэхтик ахтан-санаан
ааспыттара миэхэ сүрдээх долгутуулаах түгэн этэ. Мин
онно, аҕам уҥуоҕар Курскайга үстэ бара сылдьыбыппын,
«Братскай могилаҕа» гранит тааска аҕам аатын көмүс бууку-
баларынан суруттарбыппын, сэриигэ охтубут сиригэр тии-
йэн төрөөбүт алааһын буорун, өтөҕүн холумтаныттан оһо-
ҕун күлүн илдьэн кутан, арыылаах алаадьынан айах тутан
күндүлээбиппин оҕолорбор, сиэннэрбэр аҕам аатын-суолун
үйэтитэн кэлбиппин ахтыы оҥорон кэпсээбитим. Онон нэ-
һилиэгим дьонугар-сэргэтигэр махталым улахан!..

Сэрии, сут-кураан сылларын оҕото
Эдьиийим Маайыс — Гоголева Мария Семеновна мии-
гиттэн 7-8 сыл аҕа киһи, ийэм бииргэ төрөөбүт кыра бал-
та. Маайыс сэрии, сут-кураан сылларыгар улаатан биэрэн,
оччотооҕу олох ыараханын, кыһалҕатын, араас үлэ түбүгүн
барытын билбитэ. Кыһыннары-сайыннары тоҥуу-хатыы,
аччыктааһын, ыарыы-сүтүү барыта кини уу ньулдьаҕай оҕо
сааһын быһа ааспатаҕа. Күнү быһа хотон үлэтигэр иһир-

Гоголева Мария
Семеновна уонна
Бурцева Анна Егоровна