Page 93 - Улуус спордун үйэтиппит учуутал, тренер. Иван Жирков

ҕа куруһуоктарга сылдьыбыттара, сайыҥҥы каникулларын кэмигэр
оҕуруот аһын үүннэрэр лааҕырга үлэлээбиттэрэ.
Иван Михайлович улууспут спорда сайдыытыгар күүһүн-кыаҕын
барытын биэрэн үлэлээбитэ. Кэнники сааһыран баран, дуобаты, саа-
хыматы сөбүлүүр дьону мунньан «Абылаҥ» диэн кулуубу тэрийэн,
бу мындыр толкуйу эрэйэр спорт көрүҥнэригэр эмиэ дьоҕурдааҕын,
дьону түмэр, санаатын табар, тэрийэр дьоҕурун сөптөөх хайысхаҕа
таба туһаммыта.
Кини өссө биэнсийэҕэ барыаҕыттан маһынан уһанар дьоҕура
аһыллан, дьиэтигэр кыра-кыралаан уһанар эбит этэ. Дьэрэкээн бэ-
йэлээх мааны оҥоһуктарын (сахалыы мае иһиттэри, олоппостору,
остуоллары, ыскамыайкалары) аймахтарыгар, доҕотторугар бэлэх-
тиирэ, онтон үтүмэн үгүс сыранан оҥорбут саахымат остуолун, фи-
гураларын комплектарын бэйэтэ тэрийэр күрэхтэһиилэригэр кылаан
бириис быһыытынан туруорара.
Аны кинигэни суруйууга, хоһоону айыыга эмиэ тыыппалаах эбит
этэ. Уус Алдан спортсменнарын тустарынан хомуурунньугун кини-
гэтигэр сөрү-сөп гына хас спорт көрүҥүн аайы хоһоон кыбытан кил-
лэртээн биһигини соһуппута, үөрдүбүтэ.
Айылҕаттан айдарыылаах учуутал, мындыр тобуллаҕас толкуй-
даах, чахчы саха саарына Иван Михайлович бу орто дойдуга олус
дьоһуннук, тулалыыр эйгэтигэр үтүөнү, сырдыгы, инникилээҕи эрэ
тарҕатан, дьон өйдөбүлүгэр кэрэ киһи быһыытынан олорон аастаҕа.
Бэйэтигэр пааматынньык курдук олус улахан үлэни оҥорон хааллар-
да - улуус сайдыытыгар спорт курдук киэҥ, дириҥ эйгэҕэ сырала-
рын биэрбит, олохторун анаабыт дьон биографияларын, ситиһиилэ-
рин хроникаларын түмэн, хомуйан энциклопедия оҥорбута буолар.
Иван Михайлович Жирков хас биирдии физкультура учууталыгар,
ииппит-үөрэппит оҕолоругар, спорду олохторун аргыһа оҥостубут
дьоҥҥо, чөл олох үтүө өрүтүн тарҕатыыга чаҕылхай холобур, сыр-
дык ыйынньык буола туруоҕа.

Варвара Николаевна НОВОГОДИНА,
РФ үөрэҕириитин туйгуна, СР айылҕа харыстабылыгар туйгуна,
«Гражданской килбиэн» СР бочуоттаах бэлиэлээх,
хайыһарга СР спордун маастара, Муру нэһилиэгин,
Уус Алдан улууһун бочуоттаах олохтооҕо.