Page 14 - Сахаайа Ермолаева Тымтык күн

7.

Тулабар баай аһа сытыйар...
Дьадаҥы бакаа син тулуйар...
Төбөбүн холорук ытыйар...
Кулгаахпар сур бөрө улуйар...

Суобастаах дьон онно бэриммэт...
Олорго кыттыһа сүүрэбин.
Сүүлүк дьон хаалтыһын эриммэт
Буолаары, дьай тыын үүрэбин.

8.

Дөйүөрбүт суобаспын тириэрэн,
Мин бүгүн кимтэн да кэрэбин.
Көһүйбүт көрүҥмүн ириэрэн,
Күн диэки күөрэйэн эрэбин.

Бохсууну туораары бадаҕа,
Хаарчахтыыр сыаптары быһабын.
Суох буоллун хара күүс адаҕа!
Утары уот кыымын ыһабын!

9.

Туһалаан бүппүппэр (холустук!)
Биир атас атыҥҥа көстө дни!
Хомойдум, уолуйдум олустук!
Сарсыҥҥым уолукпар өстө дни!

Билигин мин аны хайыыбын?
Сүбэҕэ эрэнэ саныыбын...
Ол иһин бу хоһоон айыыбын
Үтүө дьон дьүүлүгэр аныыбын.

12