Page 43 - Сахаайа Ермолаева Тымтык күн

Харахха — куһаҕан, кэрэ
Саһан сылдьарын истэбин.
Чороон курдук кинилэринэн эрэ,
Оһуордуом хоһооннорбун.

20. МИН ТУС БЭЙЭМ МИНИЭННЬЭМ

Ханнык да модун сүүрүгү
Тыал долгуннара утары бараллар.
История сүүстүү сыллаах сүүрүгүн
Тохтотоору мөхсөр курдуктар.

«Отрицание отрицания» сокуонунан
Хас саҥа үйэ уларыйыыны киллэрэр.
Ону ситиһээри араас албаһынан
Быстах былааска тирэҕирэр..

Арыт ону репрессиянан садаҕалыыр,
Бэриммэт дьону ытыталыыр...
Атын былаас кэлээт албастыыр —
Араас амнистиянан албынныыр...
Ол эрэн, дьон бэйэтэ буруйдаах —
Бас-баттах барыы баһаамнаата...

Духуобунас баайга-дуолга хоттордо,
Суобаһы чиэһи өйтөн-сүрэхтэн соттордо...
Кытаанах сокуон ылыллара наада буолла!
Таҥара-аа, көмөлөс! Солоо суолла, суолла!

21. ДОҔОРДОҺУУ ДА АРААСТААХ
Үгүс киһи өйөнсүһээри доҕордоһор;
Сорох дьон өйөтөөрү эрэ доҕордоһор.
Үгүс киһи сүбэлэһээри доҕордоһор;
Атына сүбэлэтээри эрэ доҕордоһор.
Оттон эн кимҥиний, саҥа дьүөгэм?
Рыбаҕып? Мясоҕын? Ассортигын?..
...Миигин дьоҥҥо киртитэн, кэтэхпэр үөҕэн,
Бэйэҥ биллэрдиҥ свининаҕын!
Быраһаай!..

41