Page 40 - Сахаайа Ермолаева Тымтык күн

Сымыйа иннигэр кулуттуу тобуктаан,
Токуйан туруохпун баҕарбат эбиппин!
Кыайыылаах күүстэргэ суобаспын атыылаан
Кыһарҕан мунугтах быыһаныам диэбэппин!
Аанньалыам! Кырдьыгы кытары сылдьыахпын,
Анаа дуу тонтон да толлубат тулууру;
Көҥүлбүн көмүскээн ыллыахпын-туойуохпун,
Кулу дуу Кылааннаах Кыыс ньургун дьулууру!

16. МИН КИММИНИЙ?
Саха өбүгэлэрим
Муударайдарын сөҕөбүн!
Үөрэҕэ суох дьоннор айбыттар:
Бөлүһүөппүйэлээх өс хоһооннору;
Таайыллан бүппэт таабырыннары;
Улуу, дириҥ олоҥхолору;
Уран, мындыр остуоруйалары;
Тойуктары, туойсуулары;
Түгэхтээх үгэлэри-хоһооннору;
Устар ууну сомоҕолуур
Оһуокайдары, ырыалары,
Онтон да атын сэдиэбирдэри...
Ол иһин норуоппун
Таптыыбын, сүгүрүйэбин!

Мин — уопсай киһи буолбатахпын,
Мин — саха киһибин!
Атыттартан атыммынан
Аһаҕастык киэн туттабын.

Бэйэм норуоппун таптыырбынан —
Интернационалисткабын! Тоҕо?
Аттыттар төрөөбүт норуоттарын
Мин курдук таптыылларын билэбин!

17. ЫЙЫТЫЫ?

Урукку —
Ь1раахтааҕы саҕанааҕы баайдар,
Билиҥҥи —
Дэмэкирээтийэ баайдарын

38