Page 44 - Сахаайа Ермолаева Тымтык күн
P. 44
22. «ДЕЛО ВРЕМЕНИ»
Клин тэлэбиисэринэн, араадьыйанан
Москубаттан биэрдилэр:
«Ыччат кинигэни аахпат буолла...
Үрдүк үөрэх миниистирэ быһаарда:
Классиктар айымньыларын ааҕар
Дьаһалы ылыахпыт. Үрдүк үөрэххэ
Киирии программатыгар экзамен олохтуохпут..
Онон «дело времени» буолбут!
23. МИН ТУОХХА ДЬУЛУҺАБЫН?
Олох эгэлгэ уустуктара
Бэлиэр биллэн эрэллэр.
Самнара, арыт сайыннара,
Өйбүн-санаабын эрийэллэр.
Айымньыбын була сатаан сирэн,
Дьоҕурбун самнараллар.
Ол эрэн, куһаҕаны биллэрэн,
Үчүгэйбин сайыннараллар.
Үчүгэйим — мин үтүө дьонтон
Муудараска үөрэниим буолуохтаах.
Этэллэр: «Өйдөөх киһи бэл сортон
Дьолу булары сатыахтаах...»
Дьол тэҥнэһиигэ эрэ баарын
Сүрэхпинэн сэрэйэбин.
Атыыһыт мустар ырыынак-баһаарын
Табаара буолбатарбын ханнык диибин.
Ол иһин иһим эрэ топпутуттан
Астынарбын мыынабын.
Духуобунастан үүнэн-сайдан
Дьоллонорго дьулуһабын!
