Page 18 - Сахаайа Ермолаева Тыыннаах ырыа

47.

“Аньыы баар!” дэһэбит даҕаньг.
Анааран көр сиэри-майгыны.
Туох диигин — тугу да кэрэйбэт,
Кэрээнтэн тахсыбыт “сайдыыны?”

48.

Биэ, атыыр таптаһар! Кыыс үөрэр!
Оҕус да айаатыыр! Уол күүрэр!
Көҥүлү күүппүппүт ыраатта...
Силлиэрбит сиэкиһи ким сирэр?..

49.

Кыһыммыт баранан бүппэтиэн!
Сааскы кэм ааһара түргэниэн!
Кыыс сааһым маҥнайгы таптала
Күөх ача кэриэтэ кэрэтиэн!

50.

Мин саастыым эрээри, ыччатыам,
Көрөрүҥ тымныытыан, ыччатыан!
Төһөнөн бу курдук сылдьыан’ да,
Оччонон дьолгуттан кыччатыаҥ!

51.

Түүлбүттэн дьиксинэн эрэбин:
Күөх сыыртан түҥнэстэн түһэбин.
Бу тугу биттэнэр дьылҕа хаан?!.
Сиппэккэ туоруом дуо эрэлбин?..

52.

Мөлтөөбүт күннэрбэр күүс угар,
Ыалдьарбын ырыанан аһарар,
Дьүөгэлээр, эһиги буоллугут —
Санаабын көтөҕөр санаалар.

16